سلطان الطرب
14-10-2022 - 06:19 am
السلام عليكم ورحمة الله و بركاته .....
ابشركم خلصت كل اموري (التذاكر وشريتها - الفيزا وطلعتها - التأمين و سويته تذاكر الرحلة الداخلية و جبتها - المعهد و حجزت فيه - الهوم ستي وانتهى موضوعه) يعني ما بقى لي الا شي واحد و (طريقة السفر) اخواني هذي اول سفرة لي لحالي خارج دول الخليج العربي ... قد تستغربون اني ما اعرف طريقة السفر .. اقولكم ليش انا طول حياتي في سفراتي من البيت على الطيارة على طول يعني ما افهم لا بوردنق ولا تذاكرو لا شي حتى الشنط في العاده الاقيها مشحونه على المدينة الي انا رايح لها لكن الحين الوضع تغير لازم اسوي كل شي بنفسي طيب يقولون (من سأل ما ظاع) , ابي منكم تفاصيل الرحلة من الرياض الى كريست تشيرج بالتفصيل الممل (من طق طق الى سلام عليكم) طبعا مرورا بدبي لأني حاجز على الاماراتية هذا بالنسبة لتفاصيل السفر اما بالنسبة للغتي ابشركم وضعي اوكي يعني ان شاء الله ما في خوف علي من ذي الناحية (مع اني ما اعرف احدد مستوى نفسي) و شكرا
الوحيده لما يكون الواحد ماعنده لغه مره مره بس انت
علي كلامك تمشي امورك خلاص توكل علي ربك
وتبي نصيحتي حاول تقلل من عفشك بس ابي اعطيك
نصيحه انا توني جاي من كريست تشيرج رحت تمشي
والحين رجعت اوكلاند ( تعرف البجامات الصوف الصوف
الاصليه مو التقليد طقة الدفه والخرابيط ابي الاصليه
اشترلك اربع او خمس نصيحه لوجه الله واي شي صيفي
لا تجيبه معاك ) الايام الي كنت فيها انا هناك كانت
درجة الحراره _3 ووصلة _5 بس نصيحه بجامات صوف
وخذ معاك ايس كاب = الي يغطي الراس وفيه نوعية صوف
مره تدفي .... المطار انا علي طول لاني رحله داخليه تعتبر
بس انت اول مره الله يعينك علي حسب الموظف الي يبي يقابلك
انا سويت طريقة وذكرتها في احد المواضيع بس ما ادري اذا ودك تسويها
انا يوم جيت قالولي الشباب يبون يحوسونك في التفتيش وتتئخر
غير كذا انت توصل منهد حيلك ولا لك خلق يعني راسك مستدير
انا ( في مطار سنقافوره ماشيكت علي شنطتي الكبيره علشان ماتوصل
معاي في نفس الوقت كانت معاي شنطة الاب توب وشنطة يدويه
فيه غيارات ثلاث ايام فلما وصلت حاسوني بس التفتيش ارتحت
علي طول لانه ماكان معاي شي وسويت لهم زحمه ليش مضيعين
الشنطه ومن هالكلام وانا مامعاي شنطه كبيره جلست ثلاث ساعات
اجل لو شنطتي معاي تقريبا الست ساعات وبالراحه من بكره وصلت
شنطتي لباب البيت خلهم يفتشونها علي راحت راحتهم حتي
السفتي عندهم في الجمارك مره قوي يعني مايقدر ياخذ عود
من الشنطه وفيه نقطه مهمه ( خلك واضح والسؤال الي ماتعرفه
لاتجاوب عليه ابد ) وبالتوفيق ان شاء الله