سامي الرياض
22-02-2022 - 10:39 am
السلام عليكم ورحمة الله وبركاته ياجماعة الخير سفريتي ان شاء الله في شهر خمسه ميلادي تقريبا ومادري حبيت اخذ كم جواب منكم لعدم معرفتي بالمدينه واول مره اسافر لمدينة جنيف وماحولها ابي المدن الاساسيه ويهمني المدن الريفيه الي يستاهل الزياره لها وتبقى بالذاكره طبعا المده بأذن الله راح تكون 15 يوم بالظبط ان شاء الله وتذكرون لي الفنادق في كل مدينه يستاهل زيارتها وهل الشقق افضل ام الفنادق والعمله الاساسيه لتحويل المبلغ من هنا بالريال السعودي يعني الافضل باليورو او الفرنك يمشي حاله هناك ارجو افادتي وماقصروتو واسف على الاطاله والله يعطيكم الف عافيه
أتمنى لك رحلة ممتعة بإذن الله.
بالنسبة للسكن، فأنصحك اسكن في ديفون الفرنسية (12كم من البحيرة و قريبة جدا من مطار جنيف) فالسكن ارخص من جنيف واروق. أنصحك بفندق dimone de divonne الرائع جدا ولاتنسى البلكونة لتعيش آجواء حالمة كل ليلة.
ستجد فرى ومدن فرنسية وسويسرية قريبة جدا مثل لوزان وإيفيان وآنسي وليمان واخرى بإمكانك التنقل منها إنطلاقا من ديفون.
إنترلاكن مدينة جميلة تبعد 200 كم كانت لي محطة توقف واعجبتني كثيرا ولاكنني لم أسكن بها.
لوقانو المدينة الساحرة على الحدود الايطالية (تبعد 60كم عن ميلانو) مكان يستحق الزيارة والاقامة.
زيورخ وبيرن لاتقربهم ومافيهم شي يستاهل من وجهة نظري.
أتمنى أنني أفدت بإجابتي
أخوك إبراهيم