السلام عليكم ورحمة الله وبركاته
هذي اول سفره لي لتايلند وبغثكم من كثر اسألتي بس انتم ما عليكم قصور ان شاء الله تساعدوني ^(^
الغرض من السفر: العلاج فبالتالي بس بتكون بانكوك فقط
ناوين الاسبوع هذا على نهايته باذن الله بس اليوم بالضبط ما اعرف للحين
على درجة رجال اعمال قلنا التذاكر تقريبا ( درهم 25000) لأربعة أشخاص طيران الاتحاد
نحن رايحين نسوي فحوصات للوالد(يعاني من صداع) والوالده الله يحفظهم يا رب ويحفظ كل المسلمين في المستشفى المريكي
قلنا 6 أيام يكفي قعدتنا في تايلند على ما اظني
ورأي ثاني ان ما نحدد تاريخ الرجوع وعقب ما نسوي الفحوصات ناكد على الحجز للرجوع بإذن الواحد الأحد
انتوا شو تنصحونا؟
وبالنسبه للفحوصات الشامله للوالده والوالد حطينا لهن مبدئيا بحدود 15000 درهم هل يكفي او لا؟
من نصيحة أخت من احد المنتديات ان نسكن في فندق (بيل اير برينسيس)
Bel-aire Princess Hotel
الغرفه(الكلوب تربيكا)
انتو شو رايكم؟
مبدئيا حطينا للفندق 5000 درهم ما نعرف جم يوم بنقعد
في هالمده اللي بنكون فيها في تايلند عقب الفحوصات لازم انا واخوي انفرفر في بانكوك
مدحولي
mbk
وطيوكيو سنتر
Robinsion Sukumvite
ابى ازورهن باذن الله ابى اعرف مواعيد فتح واغلاق هالمحلات الثالثه وكم يبعدن عن الفندق اللي قلت لكم عليه؟
وابى اعرف متى يكون الوقت المناسب للزياره من تجاربكم بس في الليل مستحيل انا خوافه والفندق أأمن لنا
وابى الفلوس اللي اشلهن على القد يعني ليوم كل محل جم تعطوني الرقم التقريبي لكل محل يسوى صح يختلف من شخص الى أخر بس رقم تقريبي ممكن؟^_^
وبالنسبه للمطاعم
مطعم بيروت
ناصر المصري
قالوا لنا عنهم بس انا الظاهر مب ماكله من المطاعم من اللي قريته عن رداءة الأكل وبصراحه وايد اتجزز وأهم ما عندي النظافه
فقلت بعتمد على السوبرماركت "في منتجات اقدر اخذهن حلال من هناك؟ وشو السوبرماركت المضمون اللي ممكن القى فيه "
هو بشل مونه(كوافي ومن هالسوالف وكورن فلكس: ( ويعني من هالاشياء الجاهزه) من هنيه ^_^ بس ما ادري اذا بتكفيني : (
ومن خوفي من اللي قريته عن السرقات اعتمدت اشل جنطة اللي تتعلق على الرقبه من صوب "يعني تكون جدام "
توني اتذكرت : (
قريت عن
Nakhon Nayok
وكلها طبيعه وشلالات وبحار و انهار .. يعني طبيعه خلابه من الخاطر حلوه وعجبتني ..
وابى ازورها فبالتالي قلت لازم نحجز لنا من مكتب هناك سمعت انها تبعد ساعه ونص يعني نروح الضحى وعلى العصر نكون راجعين ابى احسن مكتب احجز منه سياره للتوصيل ؟
وآخر شيء
بالنسبه لكارد التيلفون من وين نشتريه وشو افضل شي عندهم؟
وتنصحوني اشل الاب توب او لا؟
اعرف اني اهذرب وايد بس والله الاهل معتمدين علي اني اخذ معلومات من النت وقريت وايد خلال هاليومين بس ابى اجوبه دقيقه لأسئلتي
ويزاكم ربي الجنه يارب كل من دخل هالصفحه حتى لو ما رد : (
ودعواتكم للوالد أخواني