القريبة بعض الشيء وممطره في الغالب :
بولو وفيها منتجع ( ابنت وجولجيك ) . تبعد بالباص 3.5 - 4 ساعات .
شمال تركيا بالطائرة 2 ساعة بالباص 22 ساعة .
ايدر . وازنجول هذه في الغالب تكون ممطرة ان شاء الرحمن .

عزيزي درهوه
اذا كنت مثلي من هوات التبطح وتمديد السيقان
فعليك بجنة الله في ارضه
ازونقول
ايدر
واترك منك كثر الدوران والهجولة
البراد اللي يشرح الصدر
الامطار الرائعة
الشلالات
الأكل اللذيذ
الشعب الطيب المحتشم
التعامل الجميل
وش بعد تبي يالله من فضلك
وما راح تتكلف ربع اللي تتكلفة اذا رحت للمدن المشهورة بتركيا مثل اسطنبول و بورصة وازمير وانطاليا وغيرها
هذه نصيحتي والامر منك واليك ودمتم سالمين

ألف شكر عندي سؤال أوزنجول هل هي في الشمال وهل أستطيع الذهاب لها مباشرة من الرياض أم مطارها داخلي؟

اوزنجول تقع في الشمال الغربي من تركيا
وهي بحيرة على سلسلة جبال قرادانيز
لا يوجد بها مطار
واقرب مطار لها هو مطار طرابزون
يبعد عنها حدود 125 كلم تقريبا
وهي عبارة عن قرية صغيرة
عدد الفنادق اكثر من عدد بيوت اهل القرية
ومعضم الفنادق مطلة على البحيرة
وحولها الكثير من الجبال العالية الرائعة الجمال

مرحبا ممكن سؤال عن اوزنجول
هل فيها اسواق؟؟؟؟؟؟؟؟؟ طبعا اهم شي للنساء

عز الله انك ياطير شلوا اسم على مسمى أشكرك على المعلومات القيمة
بثقل عليك بالأسئلة:
هل معنى ذلك أقدر أحجز من الرياض إلى طرابزون مباشرة أم لا زم أمر على اسنامبول ومنها إلى طرابزون
وإذا مريت على طرابزون هل فيه أماكن أروح لها بمعنى أقيم 3 أيام راحه ثم أتوجه إلى أزنقول وش تنصح به أخوي طير شلوا في التنقل من طرابزون إلى أوزنقول بما أن المسافة ساعه طيارة وإلا باص وإلا تاكسي وإلا قطار وإلا سفينه (فيري) تحياتي

انا اشهد انك مصدع يا درهوه
اقول لك ان ايدر وازونجول فوق جبال قردانيز
وتقول اروح لها بسفينة
بعدين من قال لك انها ساعة من طرابزون
انا قلت ان اوزونجول تبعد 125 كلم عن طرابزون
وايدر تبعد 165 كلم عن طرابزون
بس الطريق جبلي مثل طريق الكرى بالطايف
يبي لك ساعتين تقريبا لاوزونجول
وثلاث ساعات وشوي لايدر
وبالنسبة للطيران في تركيا مركزي جدا
يعني اي خط سير اجباري يمر باسطنبول
واحيانا يمر بانقرة
وانصحك تشتري التذاكر من السعودية
خصوصا اذا كنت شاري التذاكر الدولية على الخطوط التركية
يحسبون لك الرحلات الداخلية باسعار رخيصة جدا جدا
وما يهمك الايام تقدر تغير تواريخ الرحلات الداخلية من هناك بس قبل موع الرحلة بوقت كافي عشان ما تتحمل غرامة
رحلة سعيدة
ولا تتردد في طلب اي استفسار اخر
مساعدتك تشرفني

تحياتي ...
تقصد التذاكر الداخلية أشتريها من السعودية يعني أروح جو من استامبول إلى طرابزون على كذا أخلي الرحلة ترانزيت أفضل الرياض - استامبول- طرابزون والعودة طرابزون - استامبول - الرياض في هالحالة ممكن تقولي 12 يوم مدة الرحلة 3 أيام أوزنجوول 2 يوم ويدر 4 أيام طرابزون 3 أيام استامبول وش رايك في خط السير .. وأيهما أجمل برأيك أوزنجوول أم أيدر ودي أكتفي بوحدة منها لأن زي منت شايف الرحلة مدتها قصيرة جداً ..

درهوة
خط سيرك يحدده هدفك من الرحلة
هل هو الاسترخاء والاستجمام ؟
ام التجول و الاستطلاع ؟
ام التسوق والترفيه ؟
ام الحضارة والتاريخ ؟
انت افضل من يحدد خط سيرك
اذا تبي رايي طرابزون مافيها شي سيتحق انك تجلس فيه يومين او ثلاث ايام
فيه قرى كثير قريبة منها جميله جدا جدا
تقدر تتجه لها بدون ما تنام في طرابزون نهائيا
وبالنسبة الاسطنبول الاسعار فيها مرتفعة جدا جدا
( احسب حسابك في كل شي الفنادق السيارات الاكل المتاحف الخ الخ الخ ... )
بالنسبة للتذكرة
احجز على الخطوط التركية
الرياض اسطنبول
اسطنبول طرابزون
طرابزون اسطنبول
اسطنبول الرياض
عشان تطلع التذكرة عليك رخيصه
اما اذا كنت بتروح على الخطوط السعودية او غيرها
فاشتر التذاكر الداخلية من السعودية لان التذاكر هناك غالية
مثال : انا اشتريت تذكرة من هناك اسطنبول طرابزون اسطنبول 920 ريال
بينما اشتريتها من الرياض مع التذكرة الدولية زاد علي السعر حدود 180 ريال فقط
تحياتي