السلام عليكم ورحمة الله وبركاته
بسم الله، والصلاة والسلام على رسول الله
الحمد لله الذي بنعمته تتم الصالحات
اشكر هذا المنتدى الرائع الذي استفدت منه في جميع رحلاتي لذلك قررت للمرة الاولى ان اشارككم في رحلتي واكتب تقريري لكي يستفيد منه غيري مثل ما استفدت انا...
اما بعد
صراحه كنت محتاج فتره نقاه وراحه واستجمام وكسرت
روتين فحصرت تفكيري وما طرالي الا تركيا
لاني صراحه ما عرف الراحه الا في تركيا مع كثر
سفراتي لتركيا ما فكرت اطلع من اسطنبول فقرت المره
هذي اني اجرب مناطق غير اسطنبول
المهم ما اطوول عليكم قدمت اجازتي من الدوام ولا
وافقوا الا على اسبوع بعد محاولات واسطات
حجزت على الخطوط التركيه في تاريخ 1/11/2013
ولمدة اسبوع
ومزانيتي كانت 1000 دينار من غير تذاكر
وبدت المهم الصعبه البحث عن صديق اجريت عده
الاتصالات على الربع لكن كلها بات في الفشل
لاني طرالي ابو سالم وهو من الاشخاص الي كنت اتمنى
اطلع وياه في سفره دقينه عليه وقال قدام كفو والله يا
بوسالم جعله حيالي حياه طويله
المهم حجز معي ابو سالم على نفس الرحله وكان
توقيتنا الساعه 7 الصبح
طبعا ما حجزت لا فنادق ولا اي شي لاني صراحه ما
ارتاح الا اشوف الفندق بعيني وثاني شي روحتي للتركيا
كانت من دون موسم يعني كل شي رخيص فيها
فجلست سهران ولا عرف النوم طريق لي حاولت انام
بس ما قدرت قلت مافي الا اسهر على مسلسل وادي
الذئاب ههه ويوم وصلت الساعه 4 اتصلت على
ابو سالم لكن ما من مجيب قلت يمكن يجهز شنطه او
يتسبح قمت ادور له اعذار
انتظرت ربع ساعه اتصلت كررت الاتصالات لكن ما
من مجيب قلت احلا نكبه يا بو سالم
المهم وصلت ساعه 5 وطياره بقى عليه ساعتين اروح
ولا ما اروح ......؟
قلت توكل على الله وروح وركب سياره وبسرعه القصوى
للمطار واتصالات ما زالت متكرر على بو سالم وصلت
قبل لا يسكر الكونتر وشحنت الشنطه وهم للحين اتصل
على ابو سالم
ركبت طياره وانا اتصل عليه مدري ليه اتصال يعني
بيلحق مثلا المهم دزيت له مسج وقلت له انا ركبت
طياره ولحقني انت على اقرب رحله
تهقون ابو سالم بيجي ولالا ؟؟؟
بالجزء الثاني بين معنا كل شي