انا الصراحه انصحك بما انك اول مره تروح انك تروح لاغادير . وبالنسبة لحجوزات الفنادق رح لمكتب المؤيد وهو يسنعك
شكرا

ومن دامك معزم تروح حط في بالك انك تبي ترجع مره ثانية للمغرب . الله يعينك على الزعطه

عاشق_المغرب . الله يعينك على الزعطه
أشرحه أكتر شكرن إلك

1. او تدخلها من اذنك اليمين وتطلعها من اليسار 00 هذا شي راجع لك

أخوي lukey صباح الخير
انا بعطيك نصيحه وانت على ما قال تبي تاخذها

او تدخلها من اذنك اليمين وتطلعها من اليسار 00 هذا شي راجع لك

أخوي 00 التقارير هنا في هذي البوابة مليانة كثر التراب بفضل جهود الشباب (( الله يعطيهم العافية ))
ومتنوعة أيضا 00 في تقارير عن كازا في عن مراكش في عن أغادير في عن كل مدن المغرب من جنوبها إلى شمالها ومليانه معلومات 00 تبي مطاعم تبي سكن تبي اماكن تمشي وش تبي بس طب وتخير حتى في تقرير لواحد من الأعضاء هنا ما تسعفني ذاكرتي إني أذكر إسمه كاتب تقرير عن مراكش 00 شكله الظاهر بوعلام ( خبير مراكش ) المهم انه يقول فيه قبل لا تجي ساحة الفنا في مواقف مادري وين 00 المهم انه قام يوصف مكان حتى لمواقف السيارة وين أحسن مكان 00 وأذكر انه كاتب بعد لا توقف جنب الرصيف اللي لونه أصفر ووقف عند الرصيف الأبيض علشان ما يعطونك مخالفه أو مادري الظاهر كذا 00 يعني اقول لك لا تشيل هم من اي ناحية ما يقصرون الشباب اللي هنا حتى في أدق الأمور
المطلوب منك شي واحد بس 00 كثّف جهودك في هالبوابة على التقارير وشاور أخوياك وصدقني راح تطلع بنتيجة ممتازة 00 والتخطيط المناسب ينتج عنه سفره لا تنسى
شاور نفسك وشاور أخوياك 00 وورهم التقارير دام حنا اليوم في تاريخ 12 / 4
وتاريخ سفرتك في 22 /4 يعني باقي لكم 10 أيام
انت لو تسأل وتطلب شور الجميع 00 الصراحه راح تضيع ناس تبي تقول لك كازا
وناسي تبي تقول لك مراكش وناس أغادير وناس مادري وين
الجميع هنا الله يعطيهم العافية ما يحطون أرائهم الا انهم يبون الخير والوناسة للي يبي يسافر
لكن نصيحتي لك 00 بدال ما تصير مشتت الذهن والفكر انت وأخوياك بكثرة الآراء
رح إفتح موضوع الأخ المغترب على هالرابط https://artravelers.com/p/re/45432
وهو عموما موضوع مثبت في هذي البوابة
يحتوي على تقارير كثيرة لأعضاء البوابة شف التقارير الموجودة وراجعها مع أخوياك 00 وشوفوا اللي يجوز لكم
وإذا كان عندكم مشكله بخصوص السكن في المدينة اللي اخترتوها 00 حط استفسارك في قسم
(( ساحة الإستفسارات الخاصة بالمغرب )) وصدقني الأخوان ما يقصرون معك
وانا بعد ماراح أقصر معك بحدود معرفتي المتواضعه اللي اكتسبتها من تقارير الاخوان هنا
أو من خلال رحلتي
عموم اً ،، تمنياتي لك بالتوفيق 00 وشد حيلك وخطط زين 00 وعلى فكره احسنت الإختيار انت واخوياك
بخصوص سفركم للمغرب
تحياتي لك

تريكي
بيض وجهك صراحة كفيت ووفيت دائما انصح لمن لم يذهب للمغرب يقراء التقارير وياخذ فرة على البوابة وكذا ياخذ فكرة عن البلد الحبيب المغرب .... وبعدين يحدد الاماكن التي يريد ان يذهب اليها ويضع برنامج تقريبي ويشاور الاخوة في هذه البوابة على هذا البرنامج وكذا تستفيد ...
مقترح عدد الايام سبعه وانصح بمراكش وما حولها مثل اوكيمدين واوريكا وتروح في مراكش لساحة جامع الفنا في الليل افضل وعلى بالفلاح وغيرها ... وحياك الله...
النظرة الثاقبة

مراكش طيبه هذا الوقت