- صباح الاثنين رحت واخذت البوردنق على اساس اني اطلع مرتاح للمطار
- اثاري الموضوع فيه لفة لان الرحلة كانت الرياض الدمام مانيلا
- وصلنا مطار مانيلا
- 8pedro cor.m.h.del pilar
- Ermita Manila Philippines
خلال هذا العام 2005 زرت هذه البلاد المسماه الفلبين اربع مرات الأولى والثانية نتيجة حسابات طويلة لاني كنت بروح ماليزيا وطلعت التذكرة من الرياض - كولا الرياض اغلى من تذكرة الرياض- مانيلا- مانيلا- كولا -كولا -مانيلا- مانيلا- الرياض وهذي خلتني اسافر للفلبين مرتين
عاد المرة الثالثةة كنا متفقين نسافر انا ولاخ سالم ماغيره وواحد من الاصدقاء وكنت اقول لهم ترى بروح معاكم مجاملة (دايم يضيق صدر سالم من ها الحكي) لكن سالم اعتذر في اللحظات الاخيرة
عاد السفرة هذي اللي هي تحمل رقم اربعة كنت بصحبة واحد من الاصدقاء اللي كان عنده عمل بالديرة هناك
المهم ان الرجل عنده جولة بيمر خلالها الهند وسيرلنكا والفلبين طبعا قلت له اشوفك بمانيلا لاني مالي في الهجولة
الرجال سافر وانا كانت رحلتي يوم الاثنين الموافق 5/9/2005 على السعودية طبعا وكان صديقي اشترى لي التذكرة قبل ما يسافر وسوى الحجز اول ملاحظة اني الرحلة كانت تطلع بدري من الرياض على غير العادة عند الساعة الثامنة والربع مساء.
صباح الاثنين رحت واخذت البوردنق على اساس اني اطلع مرتاح للمطار
اثاري الموضوع فيه لفة لان الرحلة كانت الرياض الدمام مانيلا
ويوم وصلنا مطار الدمام كان معانا ركاب بينزلون بالدمام وبيطلع ركاب من الدمام ويحجزونا بالطيارة تقل بسجن يالربع ما يصير قالوا حقون السعودية ما نقدر لا الجوزات مانعة احد ينزل طيب الوقت طويل قالوا مالك امل
وحدث موقف طريف اجا احد الاخوان بالجوازات يعد المسافرين ( طريقة اقل ما يمكن ان توصف به انها طريقة متخلفة)
المهم اقلعت الرحلة ولله الحمد الى مانيلا
في حاجة كل ما اجي مانيلا اصور من الجو وطبعا ما تخليت عن عادتي هذه المرة
وصلنا مطار مانيلا
وختمت الجواز واخذت الشنطة وكان فيه ترتيب ان يستقبلني احدهم بالمطار ولكني لم اجد احدا والغريب اني ما لاحظت ان فيه احد يحمل اوراق للاستقبال وقفت قدام الباب اتلفت يمين يسار ماعندك احد المشكلة الاخرى ان صديقي حاجز فندق وما اعرف أي فندق وفي خضم الهواجيس اجا واحد من السكرتية ما ادري شرطة المطار وقال لي اذا في احد بيستقبلك ترى من هنا ودلني على الطريق
المهم نزلت وادور اسمي بين الاوراق وما لقيت شي قبل ان يتصل على الشخص المفترض انه يقابلني ليخبرني لاحقا بأنه كان يتوجب علي الذهاب الى منطقة الحرف (S) لانه اول حرف في اسمي (Saudi) المهم اخذني للفندق وهو فندق حياة الجديد في مالاتي
الفندق خمس نجوم وحليوة وقريب من المطاعم العربية ومن سوق روبنسون وعنوانه
Hyatt hotel
8pedro cor.m.h.del pilar
Ermita Manila Philippines
كان وصولي لمطار مانيلا الساعة الواحدة ظهرا وما ادري كم الساعة عند وصولي للفندق المهم انهم طلبوا مني تأمين 800 دولار يالربع ما يحتاج قالوا لازم المهم عطيتهم الماستر كارد ولا رضيت تشتغل واعطيهم 300$ وعرض علي مضيفي غداء او اكل لكني اعتذرت وقلت بنام
اول مادشيت الغرفة قلت اصور قبل الحوسة
وهذي هدية البرتقالة
وهذي مناظر من النافذة للواجهة االبحرية الغرفة بالدور 25
وهذا منظر للمدينة في الشارع الايسر يوجد مطعم القدس ومطعم البحر الاحمر قريبة جدا للفندق
صديقي كانت رحلته في المساء عن على السنغافورية وطبعا وصل وانا نائم وما تقابلنا الا ثاني يوم
صديقي كان عنده اشغال وما تبداء الا بعد الظهر وطبعا كنت معاه يوميا من الظهر الى التاسعة ومرات العاشرة مساء لنذهب بعدها لتناول وجبة العشاء وغالبا تكون يا اما بمطعم الشاورما (قريب من الفندق) او نروح لمطعم مأكولات بحرية على البحر مباشرة الاكل عندهم متنوع ولذيذ المطعم اسعاره غالية ولكنه مزحوم
اسم المطعم
Harbor view
اول مرة في حياتي أكل قواقع
الغداء كان يا من ماكدونالدز او بيتزا هوت عندهم بيتزا بالأنانس
اخر الاسبوع قلنا نطلع خارج مانيلا لكن صديقي كسول قال كيف نروح وننام برى الا خلوها طلعة وحدة من الصبح وفعلا طلعنا يوم الاحد الى منطقة لاقونا ان لم تخني الذاكرة
طبعا في العادة انسى اسمى الاماكن وهذي المرة قررت اني اكتبها المشكلة اني ما عاد عرفت اسمها من بعض
اكيد الخبراء بيعرفون المنطقة من الصور ويساعدوني
المهم اني مسجل بالورقة كم اسم وضيعت بينها
يمكن تكون tagaytay او انها picnic grove واظن ان الا سم هو الاول
هذا مناظر عامة للبحيرة
الجو كان ممطر
والخضار في كل مكان
ويمكن مشاهدة العيد من المنتجعات بالمنطقة
وهذي صورة لجبل البركان من جلسة ستار بكس المطلة على البحيرة
وهنا تظهر مراكب الصيادين بالاسفل
وهنا مطعم وما ادري شسمه لكن اللي عرفته انك تدفع قيمة الطاولة وبعدين قيمة الاكل عشان كذا ما جلسنا فيه ورحنا ستار بكس
منظر اخر للبحيرة انا كنت احسبها جزء من البحر
وهذا منتجع تحت الانشاء سمعت انهم يبعون الفلل فيه لكن ممنوع تملكها للاجنبي
وهنا تظهر ملاعب القولف
بوابات المدخل
الجو في مانيلا كان ممطر ورطب العمل اخذ اغلب وقتنا
صديقي كان ينام اول ما نرجع الفندق وانا اسهر
والصباح يروح يتسوق وانا انام وبعد الظهر نبدأ العمل
ويوم الخميس رجعنا الى الرياض الحبيبة وتأكدت ان الرحلة مباشرة
