سارووونه
16-12-2022 - 11:48 pm
ياهلا وغلا بالجميع ..
نكمل معكم التقرير
.
.
البارح كانت لي زياره لهونغ كونغ ..زياره خطافيه ام خمس ساعات بس
الهدف منها فقط ( الغداء بمطعم هندي )عاد ياكثر ابو هنود بهونغ كونغ
.
.
وطبعا مانسيتكم وأخذت لكم كم صوره ..
لشارع ناثان ..وأهم الفنادق ..والاسواق ..وشاطئ كولون وميدان الساعه ...
والاهم من هذا كله صور المطعم الهندي اجل وشو له طاقيين كل هالمشوار
.
.
الرحله كانت من مدينة كوانزو الى هونغ كونغ عبر القطار بقيمة 190 للشخص ..
مدة الرحله ... ساعتيين ...
هذي بعض الصور من الطريق ...والجو وقتها كان خيالي ..
مرينا على مدينة شنزن ..
بعد ساعتيين وصلنا محطة القطارات ب ( منطقة كولون) أخذنا تاكسي من المحطه ورحنا لشارع ناثان ..
هذي بعض الفنادق الموجوده بهالشارع ..
الشيراتون ..
امبيرل هوتيل ..
هوليدي ان ..
هالفندق مقابل الشاطئ ..والمتحف ..
هذا المتحف الموجود بشاطئ كولون ..
فيه بعد مولات كثيره بهالشارع ..منها ..
اي سكوير شوبينق مول ..
لوي فيتون
برادا
هنا بتلقوون كل الماركات العالميه ..بالاضافه للمطاعم العالميه ..
توجهنا لشاطئ كولون وكان زحمه بالمره بسبب الويكيند ..
ميدان الساعه ..
من جهه ثانيه ..
ومن فوق
اول ماوصلنا لميدان الساعه شفنا تجمع كبير بالمره .. ورحنا نشوف وش السالفه > ياشين اللقافه
شوفو وش شفنا
.
.
.
رحلتي الى الصين
.
العالم كلها صافه طابور
قاعديين يصلوون ..!!
اللهم لك الحمد والشكر على نعمة الاسلام
.
.
بعد ماشبعنا تصوير ومحشات
رحنا لشاطئ كولون ..والجو كان عجيب ...
وهات ياتصوير ...
ماينلامون والله ..خضراء وماء ووجه حسن ...
.
.
المهم داهمنا الجوع والوقت بعد ..بتعرفون سالفة الوقت بعديين لا تستعجلون على رزقكم
كانت الخطه هي الغداء بمطعم هندي ..والخيارات كانت متعدده ...
رحنا أول شي لمطعم مغل ...ماعجبنا أبد ..وصخ ..ويسد النفس ..
المطعم موجود بشقه داخل عماره
هنا الهندي يدق الجرس عشان يفتحون الشقه مدري المطعم ..
وبصراحه نغزني قلبي وماارتحت له ابد بالذات يوم شفت المطعم من جوا..
تقل .. ... ماودي اقول اخاف ماتكملون التقرير
.
.
فطلعنا وتوجهنا لمطعم ثاني اسمه ...
koh-i-noor
هذي لوحة المطعم ..
هو بالشوارع الفرعيه لشارع ناثان ..بالضبط الدخله الي عند محل رولكس ..
.
.
هالمول K 11 مقابل المطعم الهندي بالضبط ..
المطعم بسيط جدا ولكنه نظيف جدا ..والاهم الاكل لذيذ جدا جدا ..
والاسعار جيده مقارنه باأسعار مطاعم هونغ كونغ ...
.
.
أخليكم مع الصور ..
المطعم من الداخل ..
وهذي الاطلاله ..على الشوبينق مول المقابل له ..
طلباتنا ...
عجبتني هالحركه ...
برياني لحم ...ألذ برياني لحم أكلته بحياتي ... من كثر ماعجبنا طلبنا ثاني بعد ..
وطلبنا شيكن تكا مسالا (لذيذه)...وسلطة خيار بالزبادي بالاضافه لخبز النان والفلفل ..
ولا تهون سمبوسة الخضار ..اتعب وانا اقول لذيذه ..
هذي فاتورتنا .. كانت هالغدوه على حسابي بس يوم شفت الفاتوره هونت
وهذا عنوان المطعم ...لا يفووتكم ..
أنصح فيه وبقوه ...
بعد الغدا تمشينا شوي بشارع ناثان ..ورجعنا لمحطة القطارات ..لانه أخر رحله لكوانزو الساعه 7 ونص قهر والله ..
بس الحمد لله .... العوض ولا القطيعه زي مايقولون ..
وبكذا رجعنا أدراجنا ..مدري كوانزو
وبكذا تنتهي سعسعتي بهونغ كونغ ...
ان شاء الله أكون قدمت المفيد والجديد ...
تحياتي لكم ..