ياهلا وغلا بالجميع ...
,
قبل ثلاثة اسابيع تقريبا كانت لي زياره خطافيه لمعشوقتي ( كوريا الجنوبيه) ...
لمدة 5 ايام فقط ..ضروف عمل زوجي ...
وانا قلت اروح معه احسن و اغتنم الفرصه للشوبينق
,
,
سبق وان زرتها العام الماضي ...وكانت الصدمه الحقيقيه على هالرابط ..
https://artravelers.com
اما السنه هذي ماانصدمت ولا شي ...خلاص تعودت عليهم
,
,
تقريري هالسنه عن سيئول راح يكون مختلف .. لان اغلب الاماكن السياحيه تم ذكرها في تقريري السابق...
التقرير عباره عن صور وتعليقات ..ونصايح وتوجيهات
.
.
يالله نبدأ الرحله ....
كانت الرحله من مدينة كوانزو الى سيئول .
قيمة التذكره ..1500 ريال ...
الطائره كانت جميله جدا وكبيره من نوع ايرباص ...
بس انا زعلت عليهم ماحطوني عند الدريشه
,
وعشان يراضوني قدمو لنا وجبه حلال .. >
الي لاحظته انه حتى المويه كاتبيين عليها حلال ههه
,
وصلنا سيئول العصر والاجراءات كانت جدا سهله .وابشركم مااحتجزوني بالمطار هالمره خ
المطار جدا رائع ونظيف ومرتب ..
تم صرف الدولارات بالمطار ...تقريبا كل 1000 وان = دولار وشوي يعني 4 ريال
,
,
بعد الصرف ...صار لابو الشباب موقف لايحسد عليه خ
وحنا طالعيين من المطار صادفنا واحد كويتي ...ويوم شاف ابو الشباب سلم عليه ...
وسأله اذا كانت هذي زيارته الاولى لكوريا... فقاله ابو الشباب لا هذي ثاني مره ...
فقاله انا بصراحه شفت تقرير عن سيئول بمنتدى العرب المسافرون اسمه صدمة سيئول الحقيقه !!!
وبصراحه اعجبتني هالدوله وقلت لازم ازورها ...
ابو الشباب يقولي ماعرفت ارد عليه ووش اقوله ..
ويوم جاني وقالي بالسالفه ...ماصدقت وطرت من الفرحه ....
ماتصدقون وش كثر فرحت واستانست انه تقريري استفاد منه الكثير ...
,
,
المهم طلعنا من المطار وتوجهنا للباص الي بيوصلنا الفندق ...
راح تعرفون رقم الباص بكل فندق من خلال مكاتب خاصه بالباصات ..
وسعر التذكره 10 الاف وان ... 31 ريال تقريبا
,
,
اخذت لكم كم صوره من الطريق ..
وصلنا فندقنا واسمه ...
Ibis Ambassador Myeong-dong
ايبس هوتيل ..
موقعه عالخريطه
من الخارج ...
صوره عامه للغرفه والفندق والمطعم...
الفندق 3 نجوم ..موفخم ...بس موقعه حلو ونظيف وقريب من كل شي ..سعره 655 ريال بدون افطار ..
تعاملهم جدا راقي كعادة الشعب الكوري ...أنصح فيه للي مايبي الفخامه ...
احلى مافي الفندق انه فيه مطعم الزعفران
المطعم كان جدا مزدحم وقت زيارتنا ...ماشاء الله كلهم كويتيين وحريم بعد
طبعا ماقصرت خبيرتنا (مليت جرحي) تكلمت عن هالمطعم بهالرابط ..
https://artravelers.com/p/re/483488
,
,
ملاحظاتي على هالمطعم
غالي ....الاسعار مولعه بس بصراحه يستاهل ...
الاكل جدا لذيذ ...والخدمه جيده وسريعه ..
اعجبني جدا وجود المصلي بالمطعم ..
والقعدات الارضيه جدا جميله .. يبيلها دق بالخمس
,
,
SEOUL STREET 81
( شارع ايتوان )
طبعا لابد من زيارة شارع العرب ( ايتوان) ..
ومثل ماذكرت سابقا ماانصح بزيارة هالشارع من بعد العشاء
خاصة للعوائل ..
اهم معلم بهالشارع
دجاج شوايه ههه الله يذكر شواية الخليج بالخير
,
,
وهذا يبيع السمك
خ
هالمحل جدا جميل واسعاره حلوه ..عنده شنط وملابس سبور جدا جميله ..
,
,
هذي صور متفرقه من زيارات متعدده لشارع ايتوان
ولزوم الكيف ..
والحلى
اهم مايميز هالشارع وجود مسجد ومدرسة الامير سلطان الله يجزاه الف خير ..
ايضا مايميز هالشارع وجود العديد من المحلات والبقالات والمطاعم الحلال ...
,
,
هذا مطعم هندي وللطلاب اسعاره خاصه فيهم ..
هذا محل سفريات
محل فطاير ومعجنات وحلويات ..لذيذ جدا ..أنصحكم فيه
بقالات حلال ..( وراح انزل موضوع خاص فيهم ) ..
اهم شي عندهم الجلي والكراميل عشان رمضان
,
,
ولا يفوتكم هالمطعم التركي اللذيذ جدا جدا ..
من الداخل
واحلى طبق اسكندر لحم..
ومشاوي تركيه ...
اسعاره متوسطه والاكل جدا لذيذ ..أنصحكم فيه ..
,
,
راح اكمل معكم سعسعتي بكوريا الجنوبيه في البارت القادم ..
تابعوني ..