مهاجر المدينه
10-10-2022 - 10:10 am
بكتب لكم تقرير مصور عن سفرتي بتاريخ 23 / 7 واللي سافرنا فيها لتركيا .. انا والمدام بس .. وزي ماتعرفون .. الأطفال بلآبل .. اعشاشها المنازل ..
كانت الرحله على الخطوط التركيه فجر السبت 23 / 7 من المدينه - اسطنبول - طرابزون .. والعودة بنفس الأتجاه .. وسعر التذكره 3142 ريال للشخص الواحد ..
طبعاً تعمدت اني ما اجلس في اسطنبول .. وقررت الأتجاه للشمال التركي .. حيث سحر الطبيعه + بساطه وطيبة اهلها ..
وصلنا مطار طرابزون على الساعه 12 ونص .. واستآجرت سيارة من نوع فورد -فييستا ..من نفس المطار .. بسعر 250 ريال لليوم الواحد ..
وهذي صورة للسيارة اللي استأجرتها
خرجنا من مدينه طرابزون .. بأتجاه اوزنجول ..
وهذي صور من الطريق ..
بداية الدخول لأوزنغول ..
هنا في هذا المربع تتواجد هيليكوبتر .. لأخذ السياح في جوله لمدة 8 دقائق على اوزنغول ..
وهنا مقطع فيديو لجزء من القريه .. والتصوير من غرفتنا ..
&"https://www.youtube.com/watch?v=2rpPPPRkLoc&feature=autoplay&list=ULSU8W4o-phO8&index=2&playnext=1" target="_blank">&"https://www.youtube.com/watch?v=_VG5ooZ5pHk" target="_blank">&"https://www.youtube.com/watch?v=3GPx_-rlzVA&feature=related" target="_blank">&
وهنا صور من الطريق ..
وصلنا هذه المنطقه الساعه 12 ظهراً ..
وكان الجو رائع .. امطار خفيفه .. واصوات الرعد تدوي .. وسحب فوقنا .. وسحب بجانبنا ... سبحانك ياربي ما اعظمك .. والله اني اذا شفت هذا المنظر اني اتذكر الجنه .. عسى ربي يجمعنا بكم فيها ..
اترككم مع الصور .. فلآ يوجد تعبير ابلغ من الصوره ..
خير يالحبيب وش فيك تنآظر ؟!!
عرفوا اني بصورهم .. قالوا لازم ننآظرك علشان تطلع الصوره حلوه ..
هذا شكله يحب له بقره ..مسوي اضراب عن الطعام ..حب من طرف واحد ..
بقايا ثلوج ..
السحب بجانبنا ..
القوس قزح ..
جلسنا في هذي المنطقه الى بعد العصر .. وماكان ودنا نروح .. بس مشينا علشان في مهرجان ثقافي سعودي تركي بأوزنغول .. وكان ودي احضره ..
وصلنا اوزنغول وعلى طول ع المهرجان ..
كان المهرجان بجانب النهر مباشرة .. وقد غطى المكان الأعلام السعوديه التركيه ..
من برامج المهرجان .. كان تعريف بالمناطق السياحيه في تركيا .. وكذلك خريطه كبيره موضح فيه المدن السعوديه ..
ايضاً تقديم التمر للزوار .. وبعد ذلك مباراة بين السعوديين والأتراك .. وللأسف انهزمنا 5 - 1 بس احسن شيء ان الكوره اذا طلعت برا مايجيبونها الآ من النهر
بعد ما انتهى المهرجان رجعنا للشقه .. وريحنا شوي .. وبعد كذا طلعنا نتسوق من المحلات اللي جنبنا .. بعد كذا نمنا وعلى الساعه 11 الصبح مشينا لمدينه طرابزون .. سبحان الله .. فرق كبير بينها وبين اوزنغول .. كان الجو فيها حار نوعا ً ما .. بس احسن مافيها .. سوق وسط طرابزون .. سوق كبير مره وكل شيء فيه .. واسعاره معقوله .. اشترينا منه هدايا للأهل .. وبعد كذا رجعنا للشقه .. ومنها للمطار ...
مشينا وانا احمل احلى الذكريات في هذه القريه .. وواعدت نفسي ان اعيد زيارتها عاجلاً ام آجلآً
ختاماً اتمنى اني اكون وفقت في هذا التقرير ..
دمتم بحفظ المولى