هلا بأخوي باسل
يا ليت تتحفنا بتفاصيل أكثر مع الصور .. ونكون لك من الشاكرين
بأنتظارك يا بطل

يعطيك العافية أخوي
بس ياليت لو توضح او توصف المكان بشكل أدق حتى تعم الفائدة للجميع
وجزاك الله خير الجزاء

مرحبا بك اخي الغالي ،،،
يمكنك الاستفاد من هذا الموضوع لرفع الصور
لكي يتسنى للجميع مشاهدتها!!!
~.•° خاصية الالبومات والصور: شرح مبسط °•.~ https://artravelers.com/p/re/316008
تحياتي لك
ملاحظة: تم دمج موضوك الجديد بالقديم لان نفس الموضوع من الافضل درجه تحت موضوع واحد،،،

انا لي قصة مع سان انطونيو
قرأت أحد المواضيع هنا في هذا المنتدى عن هذا الشاطئ ..
كان صاحب الموضوع يسولف لنا عن هذا الشاطئ وبدون ما يدعم موضوعه بأي صورة
كان يقول أنظف بحر والموج كأنه جبل من ارتفاعه الشاهق وتسبح بالبحر وقدامك الجبال وشلالات تصب بالبحر
أنا صراحة رحت فيها مع وصف الرجال وقررت أروح لهذا المكان وانا شايل الشورت فوق كتفي
أول ما وصلت للقرية بجانب البحر .. سألت الموجودين عن الشاطئ فقالوا لي اركب مع احد الدبابات يوصلك
هذا أول انطباع سيئ
ثاني انطباع سيئ .. الدباب وهو موديني للمنتجعات كل شوي يغرز وأنا انزل أدف
ثالث انطباع المنتجعات اللي موجودة تذكرني في الاستراحات اللي يحرم منها المعتمرين في السيل الكبير
ما عدا كم منتجع حليوات بس مليانة كوريين وفلبينيين وغالية بالحيل بالويك اند
وباقي الاسبوع خاوية على عروشها ما غير انت تمردح بالاسياب ولا فيه مطاعم ولا سوبر ماركت ولا أي شي من مظاهر الحياة
قعدت ادور الامواج اللي كأنها جبال ما لقيت
قعدت اتلفت أدور الشلالات ما لقيت
كل شي ما لقيت ما لقيت ما لقيت
آخر النهار من الطفش قررت ارجع سوبيك دورت دباب يوديني الشارع ما لقيت
دقيتها كعابي للشارع
دورت باص يرجعني لسوبيك ما لقيت
تمرمرطت وقلت توبة أوطوط على انطونيو
نصيحتي .. انطونيو ما تستاهل المدح أبد أبد أبد

وهاذي الصور نرفعها لك
مع أني أتفق مع أخوي د مصرقع
خاصة بعد ما شفت الصور

غسلت إيديني من يوم شفت الشبك

تبي الصدق عاد وأنا أخوك
حرام الواحد يضرب مشوار علشان يشوف المنظر هذا
يعني عندي منطقة بتنقس أصرف مليون مرة
وقريبة من مانيلا ( حذفة عصى )
هذا رائي شخصي
ويمكن تخالفني فيه
وهذا حقك
دمتم بعافية

يااخوان كل يمدح ماواجه صحيح ولا لا
ثانيا اذا كنت لحالك لاتروح ولا للشارع تمل وتطفش
حنا اربعه اشخاص بصراحه جوها ممتاز جدا سكن هادي لاازعاج ولا بواري
بعدين اذا ما اعجبك هذا شف قبله بشوي منتجع اورشبد اذا ما اعجبك اعتقد انه مايعجبك ا لا مانيلا وزحماتها
اعوذ بالله من قول انا واتعجنا الزحمات او التسوق احب الهدوء والتغيير زين زكسر الروتين مطلوب لتجديد الرحله
عموما يا اخوان الف شكر لمروركم وتفاعلكم ومساعدتكم لرفع الصور واخص اخوي رجنت ومسافر بلا محطات ( عساك تلقا محطه ولقاك هناك يالنشمي

د.مصرقع
ههه
ما لقيت ما لقيت ما لقيت ههه
الله يوسع صدرك بالعافيه .. بس ما عليه هي تجربه بالحياه و مرات المرمطه تكون لها ذكرى سعيده
و الحمدلله على سلامتك و سلامة الدباب

بوركت فيما قدمت 000 لله يامانيلا