1. هل احجز من الحين أحسن؟....................أفضل
2. أي طيران من بوظبي ممتاز للعايله مع اطفال 4؟..............طيران الامارت الاحسن من دبي
3. اي الفنادق مناسبة لي وأطفالي وفيها خليجين؟ >>>أريد احس بالاطمئنان..... فندق بوينت وعلى مسؤليتي...."مجربة"4.
شو وسيلة النقل الاحسن للعايلة؟.................... اجار سيارة مع سائقها عن طريق مكتب ممتاز جنب فندق بوينت وهذا المكتب ممتاز جدا " يسمى الحران"..... وهذا المكتب ثبتة اخونا المشرف ابو عبدالملك.......وانا تعرفت عليهم وجدهم قمة الاخلاق .......وياخذ فلوسه اخريوم من السفر وامكانية تبديل اي شيء تريدينة فندق سائق سيارة
5. شو المناطق السياحية اللي تنصحوني فيها؟....... حسب المدة.... اسطنبول ويالوا وبورصة 6.
شو المطاعم المناسبة لأطفالي وهل آخذ لهم أكل من البلاد؟.... تنسين اكل بلادك نهائياً
7. شو ارخص طريقة لحجز الفنادق والا اخليها عن طريق مكتب سياحي بس احس انهم غاليين؟.... بلعكس يعطيك سعر ارخص من الحجز المباشر مع الفندق
https://artravelers.com/p/re/228568
8 ايام في اسطنبول
اجعل يوم لمنطقة السلطان احمد " وزور جامع سلطان احمد و قصر توب كابي والغراند بازار والسوق المصري ومنطقة امينونو "
ويوم تتوجهة فية الى عثمان بية وششيلى ولفينت والاسوق وهناك
ويوم الى جزيرة ااميرات " بيوك ادنة " بالتركي
ويوم جولة على البسفور
ويوم الى الجانب الاسيوي وزيارة " تلة العرائس " تشاملجا بالتركي"
ويوم الى منطقة بكري كوى في الظهر واغداء هناك وعصراً الى مقهى بيرلوتي في منطقة ابو ايوب الانصاري
ويوم التجول في الفاتح وعصراً الى منطقة وارتكوى تحت الجسر
ويوم انطلق الى بورصة بعد الحجز المسبق لفندق في بورصة
ويومين في يالوا..........والسكن في ترمال فندق الليجانس
وزيارة جبل التلفريك اولدغ..... ويوم الشجرة التاريخية ومصنع الحرير
واذا كانت المدة طويلة ............. يمكن الحجز من اسطنبول على مطار طربزون
ثم الانتقال بو اسطة الباصات الموجودة عند المطار الى اوزونجول ........والسكن عند البحيرة
دعواتكم

احسن الاماكن الي زرتها في تركيا هيه
اسنطبول ومن اسطنبول الى يلوا عبر السفينه من ميناء اسمه على ماعتقد.. ياني قب.. وعقب من يلوا الى بورصه بلباص وعقب ترجع لاسطنبول
طبعا اسطنبول رائعه للعائله والسكن فيها احسن الاماكن الي عجبني عند السلطان احمد وفيه اماكن للعائله مب بس شوارع وضيق مباني لا في مساحات وفيه موانئ وجسر نصيحه لاتروح تسكن في شارع الاستقلال صح فنادق وايد بس كله زحمه ها الشارع واكثر الحرامين هناك مثل ماسمعت برا وفي المنتدى بعد
تقدر تروح من سلطان احمد الى شارع الاستقلال بلقطار ورخيص جدا يعني تروح شارع الاستقلال وتتمشى وتشوف الاجواء كيف لان ها الشارع من اشهر الشوارع في تركيا
وحتى في السلطان احمد في اماكن رائعه مثل الكورنيش والحديقه ووالكثير والكثير
وفيه يلوا تقدر تروح المياه الكبريتيه لوول عجيب السباحه فيها بس مادري لو فيه حق عوائل او لا لان ماجلسنا وايد في يلوا يعني على طول من اسطنبول الى يلوا وعقب انطلقنا الى بورصه بلباص لان وصلنا يلوا فليل لوول
وبورصه عجيبه التلفريك والاماكن وا الاسواق الي تحت والثلج الي فووق الجبال تستاهل تقعد فيها اكثر من يوم
حاول تروح بتكسي الاماكن القريبه لان سعر التكسي وايد غالي.. بسبب ارتفاع سعر البترول عندهم مب مثل الخليج اكثر منهم

الهتون الظبياني
لا طبعا وشو اللي تاخذين معاكي :tongue: ,,, مطاعم المولات حلوة

شكرا لكم وما قصرتوا
وهذا العشم فيكم
والله اني متوترة وما ادري نفسي احجز من الحين
بس الشور في يد زوجي
اخافه يقول في الاجازه احسن ما أدري كيف اقنعه؟
يعني تعتقدون شو اسوي في البدايه
اكلم المكتب اللي في بوظبي واحجز فندق
والا يا اخوي يمون 12 اتصل ع الفندق اللي قلت لي عليه واكلمهم واحجز بالمره
فندق وسيارة وسواق مره وحده
شو رايك يا خوي
وانتوا يا اخواني انصحوني؟

1. هل احجز من الحين أحسن؟
وايد احسن من الحين
2. أي طيران من بوظبي ممتاز للعايله مع اطفال 4؟
من دبي طيران الامارات (دايركت لاسطنبول)
من بوظبي طيران الاتحاد (ربيعتي مسافرة عن طريقهم ويا عيالها وتمدح فيهم)
3. اي الفنادق مناسبة لي وأطفالي وفيها خليجين؟ >>>أريد احس بالاطمئنان
تجربة شخصية فندق لاريس بارك لاني سكنت فيه شهر 2 روعة
4. شو وسيلة النقل الاحسن للعايلة؟
تأجرون سيارة مع سايق
5. شو المناطق السياحية اللي تنصحوني فيها؟
اسطنبول (تل العرايس +جزيرة الاميرات +قصر دولما باهجه+توبكابي +متحف آيا صوفيا +جولة ف البسفور +ميني تورك
+بورصة+يلوا
6. شو المطاعم المناسبة لأطفالي وهل آخذ لهم أكل من البلاد؟
كل المطاعم مناسبة لدرجة تنسون اكل البلاد (من كثر مااكلهم لذيذ)
7. شو ارخص طريقة لحجز الفنادق والا اخليها عن طريق مكتب سياحي بس احس انهم غاليين؟
الافضل انج اتسوين كل شي من البلاد عسب ماتتلعوزون (اقصد الفندق +المواصلات+التذاكر)
آخر سفرة لاسطنبول شهر 2 كنا 3 اشخاص كلفتنا حق الشخص 3600 درهم

شكرا لج اختي الغاليه
لولو الامارات
بس كيف احجز من هنيه الفندق والسيارة مع السايق
يعني اتصل على وين
على مكاتبهم في بلادهم دايركت؟
واذا اتصل على مكاتبهم ممكن رقم مكتب مجرب ومعروف بحيث يكونون صادقين
لا اتورط

هلا ختيه
انا حجزت عن طريق مكتب في دبي دايما اتعامل معاهم
يعني الفندق + التذاكر + المواصلات ( من و الي الفندق)
وعطوني رقم شخص يتكلم عربي من المكتب اللي هم يتعاملون وياه
والصراحة ناس وماعليهم كلام
اي شي كنا نبغيه نكلمهم وهم يرتبون لنا (الرحلات +السيارة مع السايق)
مكتبهم في يلوا بس عندهم فرع ف اسطنبول
اذا بغيتي مساعدة ترانا ف الخدمة

يزاج الله خير يا لولو
بس سامحيني مش مركزة عدل
أول مرة ريلي يثق فيني ويتكل علي في هالسالفة
وأبغي اطلع جدامه قدها وقدود
تعرفين يمكن امه واخته يسيرون ويانا
وتعرفين ودي أكون سنعه أونه
عشان جذيه ما عليج كلافه
كيف يعني اتصل على مكتبهم اللي في اسطنبول مثلا واقولهم
أنا ابغي فندق وهم يحجزون؟ يعني ارخص عن طريقهم
واذا ممكن بس رقم المكتب واسم اللي يتكلم عربي عندهم
وسامحيني يا لولو
والله يبارك فيج يا رب

هلا ختيه
اللي اقصده اني حجزت عن طريق مكتب ف دبي
والمكتب هذا يتعامل مع مكتب في اسطنبول
وهم سوو لي الحجز وبعدين عطوني رقم شخص من المكتب اللي يتعاملون فيه في اسطنبول
بالنسبة للرقم اعتقد ختيه انه ممنوع احطه واذا عادي بحط لج اسم المكتب ورقمهم اللي ف دبي وتكلمينهم