سيكم بالخير يالربع
عساكم طيبين
كاكا ،، انتبه للطريق طال عمرك ،، لا تسرع بذا المطر ، الطريق يصير زلق وحنا جايين نتمشى
ابك الربع ما لهم شوفة ... (( الوافي ،، هشام ))
والله ياخوفي من هالاثنين .... الله يصلحهم بس
إتبع
شلة هذا ..

سافر مع كاكا الى اوربا بالسيارة بولندا
( من كاكا الى الجميع سوى شلة ابو صفيرة اوالمتابعين بالمنتدي والقائمين عليه وخص بالذكر اخونا هشام وهو طبعا من شلة ابو صفيرة :
بمناسبة قرب حلول نهايه الرحلة الميمونة بالسيارات بقيادة الامير سازنور و صاحب الخزانه الوافى و الاصلع هشام
و الراكب المرفق كاكا تحب ان نذكر بان الرحلة هى خاصة لمن يذهب بالسيارة الى اوربا ( مع ان هناك شرح لسلوفاكيا اتوقع انه كافى لاخى الوافى بناء على طلب سابق له فى بولندا و هو يعرف ذلك ) و بما ان بولندا من وقت بعيد نسبيا ذهابنا لها فسوف نبين فقط الطريق وكيفية الوصول لها بالسيارة دخولا من سلوفاكيا ( مع العلم بانه هناك من هو بالمنتدي قد زار بولندا بالوقت الحاضر ويمكن الاستفادة منه اكثر مني مع علمي اليقين بان من يسافر بالطائرة ليس كمن يسافر بالسيارة حيث يكون الاول محصور تواجدة فى منطقة او منطقتين على اكثر تقدير , اما من ياتيها بالسيارة
فانه يكون قد قطعها من ادناها الى اقصاها , ويكفى انت تعرف اخى القارئ بان من حدود البولندية الى مدينة اقدانس وما يتبعها من مناطق مثل سابوت بمسافة 800 ك .
ولذالك نقدم شديد اسفنا لعدم نقل الصورة كفاية عن الحاضر والتطور اللى وصلت اليه هذه الدولة ...
كما نحب ان نذكر باننا من الاشخاص الغير مهتمين بنوعية المطاعم , او الفندق وجودتها واسعارها , وعليه نكرر اسفنا
ونتمناء ان يكون هناك فعلا من يقوم برحلات الى هذه البلدان بالسيارة ويستمتع ويجرب ويتذوق حلاوة السفر بالسيارة
الى اوربا ويعيش المغامرة كما عشناها ويقدم ما هو جديد بهذه البلدن وسوف تكون نظرته ومعلوماته بكل تاكيد مختلفة عن ما يذكر لمن يزورها بالطائرة ( كان اخر سفره لى الى اوربا سنة 98 وارجو ان اجد من يجددها والنيه ان اقوم انا بذلك ) ................. كاكا .
تابع سافر مع كاكا الى اوربا بالسيارة بولندا 13

من الباسل200
الى الذئب كاكا....الله يعطيك العافية على هالرحلة الجميلة ..بالصراحة امتعتنا وحسيت كأني
معكم...اتبع كاكا الى اوروبا...
تحياتي لك..

روح ياخوي كاكا وحنا معاك.....
ولاتطري النهايه ترى تعور قلوبنا.....
وانا اشهد انك وافي ودايم وافي ياذيب......
اخوي سازنور موجودين ولا تخاف.....
اتبع............. كاكا وسازنور وهشام
اخوكم
~الوافي~

مسيكم بالخير يالأجاويد
اربطوا احزمة الأمان ،، ترى من اليوم ورايح السرعة 180 وطالع
قدام ياراعي البورش قدام .. الوعد قدام لم العيون الزرق وجهتنا ،،
حاسب على الميزانية يالوافي ، واعطنا التقارير ،، وانتبه لخويك هشام ، ما كل ما طلب شي تقول سم وابشر ، خلك حضرمي .
تحياتي
الأمير
ساز نور

السلام عليكم
الله يستر عليكم
والله السفر بلخط متعة وخاصة لعيون الزرق
بس مادري وش سيارتكم ياقروب بولندا عشان أنا من راح يزور بولندا هذا الصيف بس أخوكم بيطلعكم من بين سكان بولندا
المارية العيون الزرق
نتمنى لكم سفراً سعيداً

مرحباً بالسكب
صبحك الله بالخير يالطيب
حنا سياراتنا يا طويل العمر ( VXR ) و ( بورش )
ال VXR معي أنا وخويي كاكا بيك ، والبورش مع ( الصلعان ) الوافي وهشام
أي خدمة طال عمرك ..؟؟ تبي شي ..؟؟ عندك شي تبي تقوله ..؟؟
أبد حاضرين يالطيب .. وديرة العيون الزرق قاصدينها ،، ومسألة انك تبي تطلعنا من بين سكان بولندا ما هقيت ،، لأن حنا بعد لون بشرتنا ما يفرق عنهم كثير
كاكا عيونه حمر ، من قطع المشاوير
والوافي وهشام تقول طالعين من جيبوتي
وأنا ..!!! بسم الله علي ،، من عيون الحساد ،، بسم الله علي ،، اللي يشوفني من بعد كيلو يعرف اني راعي إبل .. وحليب الخلفات تشم ريحته من بعد ثلاثمية متر بس .. أبد مميزين طال عمرك لا تحاتي
ولو سألت أي واحد في شوارع بولند ،، مر عليكم ناس غير شكل ..؟؟ يدلك على طول

اتبع الشلة وتلقى العلوم الغانمة
الأمير
ساز نور

اوف 180 مره وحده......
والله اخاف نطير وماتحصلونا يالامير.....
والله سالفت جيبوتي رهيبه.. ...من وين جبتها
المهم لا تنسانا من حليب الخلفات......
وحياك الله اخ سكب.....
ودورنا هناك زي ماوصف لك الامير سازنور.....
بس لاتصدق سالفت جيبوتي......
ترى احنا كشخات ونعجبك.....خصوصا انا صلعان
اتبع كاكا وشلة ابو صفيره
~الوافي~

من كاكا الى الامير ...... ذيب وما تطوفك علوم ...... وترى كاكا ما هو عنك بعيد ... قصيده قيلت فى وقت ما هو بعيد ..
ترى كاكا ما تطوفه الاعلوم ...... تنكر وظهر بزي جديد ..... يحسب ان كاكا ما يتابع ... لو قالك بانه ما تقدر تميزه ....... قله صبرك ...... ومعرفتك ما تبي فراسه ...... لو تلونت بلون جديد ... سلوبك بين ... تحاوط من وقت قصير
منتظر دخولك معنا ....... مثل ما توقعت ...... جابتك رجليك ...... وهذا انت ما تغير ... لو اسمك جديد .....
خابرك يالامير ....... تفهم ما بين السطور ..... طوفها بمزاج ...... وصبرك ترى ما يصبر بيكشر عن اللى بصدره
ويفضح امره ...... ومرسولنا يمره ويتعداه ..... ولا يفهم وش قلنا ........... كاكا , شلة ابو صفيره .