بسم الله الرحمن الرحيم
سلام عليكم ورحمة الله وبركاته
شباب سافرت فلبين اسبوع تقريبا تاريخ 17 2 ورجعت 25 2
بقولكم عن روتين إلي سويته لانه أول مره لي وانتو ماقصرتو قريت عن فلبين وطريقة السفر فيها واخذت من نصايحكم
والحين دوري انصح الي بيروح للفلبين اول مره شراتي يعني ههه
والله دوله تستحق الزياره اكثر من مره ههه وايد حلوه انا رايح لندن وتركيا وماليزيا و بانكوك بس الفلبين احلى منهم
واحلى من دول الشام بصراحه والخليج
المهم بخبركم عن المبلغ إلي كامل كامل صرفته اول شي التذكره من أبوظبي طيران الإتحاد إلى مانيلا ليله رقاد في مانيلا بفندق رخيص واقرب فندق لمطار مانيلا لانه عندي سفره ثانيه وهي من مانيلا إلى جزيرة بوهول
المبلغ للطياره من ابوظبي لمانيلا ومن مانيلا إلى بوهول دفعت كامل ذهاب ورجوع للبلاد كامل يعني 3100 درهم اماراتي
ها التذكره كانت وحولت مبلغ مالي بسيط جدا وهو 3500 درهم إماراتي إلى 3000 دولار و 500 بيسو عملة الفلبين
وقعدت في جزيرة بوهول وهي Bohol Beach Club منتجع مالقيت مثله في دولة امارات ولا دوله رحت لها
الليله 100 دولار قعدت هناك 3 ليالي على 300 دولار وايد روعه ورخيصه تعتبر بالنسبه للمنتجعات بالخليج
وعقب رجعنا لمانيلا طبعا بالمطار ياخذون 200 بيسو مالهم بالروحه للجزيره
وقعدنا في فندق مقابل المطعم الإيراني نسيت اسمه ههه بس فخم وايد وروعه وبقرب من المول
الليله على 82 دولار قعدنا فيها بعد 3 ليالي واجرنا تكسي من المطار طبعا نعطيه على كل طلعه على حسب البعد مثل الشلالات بعيده حوالي 5 ساعات 6000 بيسو اخذ و يوم الثاني رحنا للبركان الجبل البركاني 5000 بيسو
وعقب تمشينا في مانيلا على 3300 بيسو رحت حديقة حيوانات ورحت اوشن بارك روعه تجنن ورحنا مدينة مقاتي كأني كنت في دبي يوم شفت مدينة مقاتي
طبعا كنت اتغده واتعشا خضار او تونه لانه اللحم والدجاج عندهم حرام ناكله سالت عن الدجاج يذبحونه بالكهرباء
وماعندهم اكل حلال غير بعض مطاهم العربيه او الإيرانيه والهنديه وبالمولات حلو تقدرون تاكلون معكرونه او باسكا و بيتزا بالخضار يعني تروم تقضي يومك بكل الطرق انا صح اخذت معاي 3000 دولار تقريبا احتجت احول بالفلبين عقب 150 دولار للبيسو لانه اكلاتهم بالمطاعم وجي اكثر شي بعملتهم بس الفنادق للحجز دولار وباقي كله بيسو
طبعا كنت انا وإبن خالي حتى هو اخذ معاه 3500 درهم
واخر يوم للرجوع للدوله الحبيبه الامارات بمطار مانيلا بيطلبون منكم 750 بيسو مالهم
يعني حطو 750 حق العوده
رحله حلوه وانصدمت من جمال الفلبين وتستحق الزياره وبزورها بعد مره
وشعبها عسل بالطيبه والاخلاق ومرحين دوم مبتسمين
رجعت من فلبين وعندي 50 دولار زياده للعلم والحمدالله
مصور عندي صور بس ههه ماعرف انزل الصور انا اول مره اشترك بمنتدى والسموحه والله خاطري انزل الصور بس ماعرف ههه فضيحه اعرف يبالي ضرب تحياتي لكم اخواني
فلبين جنه جنه جنه