1. وبعد منطقه يلوه هل تستحق الزياره وكيف نروح لها

صبحكم الله بالخير انا كتبت هالاستفسارت لاخي حكيم وادري مهوب مقصر بس ابي منكم بعد المساعده لاني والله منحاسه ومتظايقه حيل من الوضع هنا في اسطنبول وهذي الاستفسارات تكفون لا تهملونها فديتكم باسرع وقت
اخي حكيم مسافر
عندي استفسارات وابيك الله لا يهينك تساعدني
احنا وصلنا اسطنبول من يومين تقريبا وسكنا بفندق رديسون ساس بلو يطل على البسفور بس شكله شوي بعيد من منطقه تقسيم ويش رايك نغيره ولا نستمر فيه علما ان تحته مقاهي ومطاعم كثير ومرسى يودي رحلات للبسفور ومسجد
ثاني شي احنا رحنا جزيره الاميرات وتل العرايس صرااحه مافيها شي حلو ابدا ابدا اقل من العاديه بس ذبحتنا الشمس وبس
بعدها رحنا رحله للبسفور حلوه ماعليها بس رحناها قبل غروب الشمس كان الجو يعني ماشي حاله
المهم الحين اخوي قولي وين نروح اماكن غير اللي رحناها اهم شي ما تكون بمستواها
وشي ثاني هل بورصه يكفيها يوم واحد نروح ونزور جبلاولداغ والشجره والشلالات والحديقه والبازار اللي يقولون مدري الحرير ولا المناشف ونرجع اخاف نسكن تطلع مو حلوه مثل اللي في اسطنبول وكيف الطريقه عشان نروح لها يعني بااسماء لانهم تعبونا لا يعرفون عربي ولا انقليزي

وبعد منطقه يلوه هل تستحق الزياره وكيف نروح لها

شي مهم اخوي اوزنقول هل تستحق الزياره واذا تستحق كيف نروح لها هل هناك قطار يودي لطربزون ومنها كم المسافه لاوزنقول وهل الاوتيلات متوفره ولا كيف نحجزها ارجووك ناخيتك ساعدني زوجي نكد علي يقولي هذا تركيا اللي صجيتينا فيها حلوه وروعه بس حر وشموس لو مخليتنا على عادتنا باروبا احسن
الله يخليك ساعدني هو رافض نروح لاوزنقول يقول بالطيران ساعتين وتذاكرهم الف ريال واحنا 4 اشخاص هل فيه قطار يودي مثلا وهل حجز الفندق في اوزنقول سهل وكم المسافه بين طربزون واوزنقول وما هي وسيله النقل وهل افضل لو وافق نسكن طربزون ونرح نتمشى باوزنقول ونرجع ولا اشلون
الله يخلييك لا تهمل اسئلتي
وبعرف ويش فيه اماكن حلوه نروحها في اسطنبول غير المراكز والاشياء اللي ذكرتها يا ناس ذبحنا الحر والشمس بصرااحه اسطنبول ما تسوى والله تكفون شوفولي حل بجد طفشت لنا يومين بس نتهاوش ولا شفنا شي مميز
ارجوك لا تهمل ولا استفسار بكرى ضروري نحدد وضعنا ولا بنرجع السعوديه
تكفى رد علي باسرع وقت
ابسال بعد وشي ابانت هذي ودي اعرف عنها بعد واي منطقه او مكان ما ذكرته وتشوف انه حلو ياليت تكتبه بالتركي وافضل المطاعم
تكفى احتري ردك باقرب وقت بكرى بيودينا للمتاحف اللي عند ايا صوفيا واللي جنبها هل جنبها شي يتحق الزياره بالمره انا اذا صحيت بحاول افتح الموضوع لعل وعسى القى منك رد قبل ما نروح لها بعز القوايل الله يعين صايره رحله تعذي مهوب ترفيه
الله يسهل امركم اي احد عنده اي معلومه عن اي شي يكتبها مع الاسم والعنوان تكفون مالي الا الله ثم انتم ولا بتنكد انا وعيالي ونقول يرجعنا احسن ولو الوضع في اسطنبول كله مثل جزيره الاميرات وتل العرايس بجد توبه ما ارجع لها ابدا
احتريكم باقرب وقت وجزاكم الله خيير

عاشقه السفر 888
ترى رديت عليكي اختي من بدري في صفحة الاستفسارات

أختي أنا ممكن أفيدك بمنطقة آبنت وهي قرية تابعة لمدينة بولو وتبعد عن اسطنبول حوالي 270 كلم وآبنت عبارة عن بحيرة ويوجد بها فندقين 5 نجوم وهي قبل مدينة بولو بحوالي 20 كلم على اليمين وهي جميلة جداً وباردة جداً وجوها مقارب لأزنوجول ممكن تروحون لها بالباص وبسعر 25 ليرة للشخص وبالتاكسي حوالي 350 - 450 دولار إذا بتروحوا بالباص أخذوا تاكسي لمحطة الباصات اللي تودي لجميع أنحاء تركيا واسمها أوتو جار ومن هناك أحجزوا عن طريق مكتب شركة oz bulo وهو المكتب الخاص بالانتقال من وإلى بولو .
ويلوا مدينة ساحلية أبرد من اسطنبول إذا بتجونها إما تسكنون فيها أو في ترمال وهي منطقة المياه المعدنية وقريبة منها قرية اسمها غوشدرا إذا ماني غلطان تبعد عن تيرمال تقريباً 500 - 600 متر وفيها شقق بسعر 50 دولار اليوم وهي باردة ومليانه من أهل الخليج .
تحياتي لك

اخي حكيم اشكرك ما قصرت
اخي الهوى تركي
الله يجزاك خيير ما قصرت يعني رايك خلاص بلاش من اوزنقول ابنت مثلها ومثل جوها
طيب الله يعافيك قولي عن بورصه هل يوم يكفيها نروح لها ولجبل اولداغ والشلال والشجره يكفي وكم المسافه من اسطنبول لبورصه واشلون نروح
وشي بعد ايلوه تستاهل نروح لها ولا بس مياه معدنيه زوجي موسوس مستحيل يرضى ندخل حمام نسائي لو نموت اذا كذا فيها بس مالها داعي
واذا تعرف اي شي في اسطنبول نروح له غير هالاشياء اللي باذكرها يا ليت تفيدني انت والاعضاء
رحنا
تل العرايس ... سيئ جدا
جزيره الاميرات .....سيئه جدا
ايا صوفيا ومسجد سلطان احمد ومتحف توب كابي ...حلوه لاباس فيها لولا الشمس الحارقه وكانا في تعذيب
رحلت البسفور ....حلوه جدا واهم شي انها قبل الغروب
ايليوس بارك ....مافيها شي حديقه ومطعم تطل على البسفور احسن شي فيها انها بارده شوي مع انا رحنا لها قبل الغروب ايضا
المولات ...... مثل بعض جواهر وغيره وغيره لا جديد مثل مولاتنا ما فيها زوود
الحين ابي سال عن السوق المصري يستاهل ولا بلاش اروح له
وبعد جراند بازار ويش فيه وهل يستاهل نروح له
وبعد تركيا الصغرى ميني تورك بكرى بنروح لها هل تستاهل وهل فيه شي جنبها نروح له بالمره واكيد شمس وحر كالعاده
الحين تكفون قولو لي وين نروح غير الاشياء اللي ذكرتها بليز احتريكم ولا بجد بنظطر نرجع للسعوديه

هههاي الله يهديك منجد من قرا كتاباتك بالمره يتحطم
ويبطل يروح لتركيا !!
مابي تزعلي من ردي .. بس والله اتمنى ربي يسعدكم ويهنيكم
ان شاء الله تعجبك يارب باقي المناطق ..
اختك المسافرة لتركيا الاسبوع الجاي ان شاء الله

في البداية اعتذر عن الرد بعد ماذكروا الاخوان المعلومات المهمه لكن لعل كلن يدلو بدلوه ...
ثانيا : عندي طلب لزوجك المصون حفظه الله ( لاتحكم على تركيا بمجرد زيارة مكان واحد ) ...
ثالثا : بالنسبة لتركيا فكان من المفترض ان يتم التخطيط المسبق عن كافة الاماكن المقترحه على شان ماتتورطون وانتوا هناك ماتعرفون ايش تسوون ...
رابعا : الاماكن المقترحه :-
أ - ابانت - ازمير - والمناطق القريبه منهم كا بودروم ونحوها ...
ب - الذهاب بالطائرة الى انطاليا ( جنوبا) والمناطق المحيطه بها حيث الهدوء والاستجمام والجو الرائع ..
ج - بورصة ويلوا ثلاثة ايام كافية عليهم .
د - بالنسبة لازونجول فمن الممكن لاتجدون بها المتعه الكافيه .. علما ان الجو يميل الى البروده والامطار .. الا انها قرية صغيره فمن الممكن لاتعجبكم ..
هذا ما احببت ان اشارك فيه ...
وأي استفسار انا حاضر ...
تقبلي وافر التحية والتقدير

والله مشكله خوفتيني من كثر ماتقولين شمس وحر وانا صاجه زوجي اقول خلنا نروح الجو يجنن براد وسعة صدر عشان ابيه يقتنع شكله بيصفقني اذا وصلنا احنا رايحين الاسبوع الجاي انشا الله

اختي الكريمة انتي لم تذكري ماذا تريدون بالضبط -- هل تريدون جو بارد او طبيعة ومناظر خلابة او شواطئ وبحر او اثار و متاحف او اماكن ترفيه والعاب و تسوق -- عموما 1- اسطنبول الذى ذهبتوا اليه هو المعروف ولم يبقى الا المتاحف و القصور والاسواق الشعبية والحديثة ( مولات) -- 2- يلوا (مدينة شاطئيه) وبورصة - كلاهما في النهار جو مثل اسطنبول اما الجبل ( التلفريك ) في بورصة بارد جدا -- 3- ابانت بحيرة حولها طبيعة خلابة جوها بارد (فقط) يعني مافي تسوق او تماشي -- لكن ممكن الذهاب الي مدينة بولو قريبة من ابانت ( 20 دقيقة تقريبا) فيها فنادق و اسواق وملاهي ومطاعم -- 4-ازمير او انطاليا مدن ساحلية تتميز بشواطئها التي تجذب السواح الاوروبيين ولكن جوها في النهار حار جدا اكثر من اسطنبول ---------------- انا اقترح عليكم التالي 1- الذهاب الي مدينة ازمت ( izmit ) وهي قريبة من اسطنبول ( ساعة ودقائق بالسيارة ) تطل على البحر ويوجد حدائق و مقاهي ( كافيه ) ومطاعم للماكولات البحرية علي الشاطئ و توجد اسواق شعبية وحديثة ( مولات ) اشهرها اوت لت سنتر ( outletcenter) -- وتوجد حديقة كبيرة تسمى - فوار ( fuar) بها العاب ومطاعم ومحلات للملابس و الاكسسوارات وعروض بهلوانية و فنية وغير ذلك ( الافضل الذهاب لها بعد المغرب لان الناس يتوافدون لها في هذا الوقت )------- 2- عند الذهاب الي ابانت تجولوا في مدينة بولو و القرى حولها فانها جميلة ولا تنسوا ان تذهبوا الي مدينة دزجي نزولا من بولو عن طريق الجبل و ليس الخط السريع حتى تستمتعوا بالطبيعة الخلابة ومطاعم المشويات فيها روعة -- وبعد يمكن ان تذهبوا من دزجى الي مدينة اكشاكوجا الساحلية والتمتع بشاطئها و القلعة المطلة على الشاطئ ---- ( من الافضل ان تكون معكم سيارة خاصة حتى تتحركوا بسهولة )---- هذه بعض مقترحاتي لكم اتمنى لكم رحلة سعيدة

بجد نصيحه اللي بيسافر تركيا شهر يخليها نص شهر لباريس واللي بيروح اسبوعين يخليها اسبوع في باريس وشوفو الفرق بصراحه ندمت على تركيا بجد ما تسوى وهذا رايي وكلن له ذوقه ورايه