السلام عليكم
بفيدك بجزئية بسيطه
ان بتايا اقرب من بانكوك للمطار
يعني مايحتاج تروح بالقطار
تاخذ باص من المطار و تنزل بتايا على طول تقريبا 40 دقيقة فقط

باص افضل
وبعدين وش لك في بتايا وخاصه مع الاطفال
ياليت تعيد النظر

روح بتايا ولا اتطوفها وايد حلوة وغير عن الباقي

الزين عندنا
السلام عليكم
اخوي بالنسبة لبتايا شعندك رايح بتايا تري ما تصلح لك انت والعايله معاك انت فاهم قصدي
بالنسبة للباصات واجد هناك تقدر تأخذها من المطار الي بتايا تقريبا ساعه ونصف او اكثر شوي
بالنسبة للبطاقة الائتمانية ان شاء الله امان
وياليت تفيدنا عن المدة هناك عشان نضبط لك جدولك .
اخوك / عبدالله الكويتي

راح افيدك ببعض المعلومات والاماكن عن بتايا .
بتايا
بتايا تقع على الساحل الشرقي لخليج تايلند تضم منتجعات وفنادق وغيرها
اسواق بتايا :
اسواق الليل سوق Thepprasit Night Market
مجمع رويال جاردن
مجمع البيج سي
مجمع لوتس
سوق الاحد
مركز مايك مول
مركز TOPSتسوق وبولينج
مجمع كارفور
الاماكن الترفيهية :
عالم الماء في بتايا ( Underwater World Pattaya
بتايا كار ( سباق السيارات )
حديقة الفيلة ( بتايا اليفنت )
حديقه الزهور
بتايا شوتنغ ( لمحبي الرماية )
حديقة الافاعي
حديقه الاحلام (nong nooch garden )
حديقة مزرعة التماسيح
الشلالات
حديقة (كاوكياو) الجبل الاخضر
حديقة بتايا بارك ( منطقة احواض سباحه وبها تلفريك.)
ميني سيام
متحف ريبليز بليف ات اور نوت
حديقة ملاهي باتايا
حديقة الفراشات
بتايا شو ( مسرح للعرض جميل )
بتايا اسكيتنج ( مستنقع للتزحلج على الماء )
الاماكن السياحية :
المعابد الرخامية الرائعة لبوذا (وتمثال بوذا الذهبي )
جاردن بالاس
شلالات ريونج ( تبعد حوالي ساعتين من بتايا وهي منطقة جميله جدا )
جزيرة كوه لاند في خليج بتايا تبعد بالقارب السريع نصف ساعة فقط
الشواطئ :
شاطئ جامبتيان
الفنادق الخمس والاربع نجوم :
فندق بتايا
فندق المونتيان
فندق اماري فندق بتايا ماريوت
فندق رويال غاردن
فندق الدوست
فندق أماري سوكومبيت
فندق جراند
فندق بتايا لاند
فندق هارد روك
الفنادق الرخيصة : ( اماكن العرب )
فندق في سي
فندق مارين ينسباي
فندق رايت سبوت ان ان
فندق مارين منشن
فندق دايموند بيتش
فندق مايك
المستشفيات :
مستشفى بتايا انترناشيونال
مستشفى بانكوك بتايا
المطاعم العربية خاف تشتهي الكبسه هذا المطاعم عندك :
مطعم ابونواس
مطعم ابوسارة
مطعم بوعبدالله
مطعم ليلى
مطعم ابو سعيد
مطعم أبو كريم
مطعم ومقهى المواردي
مقهى رضوان للشيشة
مطعم أرز لبنان
مطعم ادم (تشنبوري ، جنوب بتايا )
مطعم امير (تشنبوري ، جنوب بتايا)
بالاضافة الى مطاعم المأكولات البحرية المنتشرة في بتايا وكذلك المطاعم العالمية مثل الماكدونالدز
والبيتزا هت والكنتاكي والبرجر كنج وغيرها
اخوك / عبدالله الكويتي

مشكورين وماقصرتوا..
انا كنت بسكن في بوكيت بس قالوا لي ما فيها شئ ..
ورحلتي راح تكون 18 يوم..
الاخ عبدالله الكويتي ..شلون عن الفنادق الخمس نجوم هل فيها شقق فندقيه احتاج4 غرف والاسعار ابي سعر مناسب
وبخصوص بتايا بالليل ماراح يطلعون الاطفال بس بغيت اسأل عن اعلانات الشوارع والصور فيها شئ يخدش الحياء للاطفال؟؟

هلا اخوي
1- مافيه قطار يروح للبتايا مافيه الاالسيارة فقط
2- الشقق الفندقية فيه بتايا نادرة والعرض قليل ولازم تتدور بنفسك مناك
3- البطقات الائتمانية مستخدمة في كل مكان ماعندك مشكلة
4- تستاجر باص صغير من المكاتب المنتشرة في بتايا
( انا كنت بسكن في بوكيت بس قالوا لي ما فيها شئ .. ) اخوي من جدك تتكلم ولاتمزح بوكيت المزار السياحي الاول في تايلند
الصور والاعلانات قليله لكن هذا الشي تشوفه اكثر على الواقع وخصوصا في بتايا
تحياتي

كفى وفى عبدلله سلمت يداة

اللي قالك ان بوكيت ما فيها شي شكله يسمع بفوكيت ولا راح لها !!!
8يوم انصحك ببانكوك وشيانج ماي وفوكيت
ولك الحرية في الاختيار