مساء الخير
وشكرا لكم على جهودكم المبذوله
بعطيكم تفاصيل عن رحلتي انا وزوجي
الرحله لشخصين
والتذاكر اشتريناها من شهرين تقريبا وكل الامور تمام
مخطط الرحله حسب الحجز والطيران
الذهاب تاريخ 26 سبتمبر
من الرياض الى فيينا
العوده تاريخ 9 اكتوبر
من باريس الى الرياض
اللي محتارين فيه ايش المدن اللي نروح لها
لان زوجي يبغى نجلس بفيينا 3 ايام فقط
وفي باريس أيضا 3 أيام
وضروري نروح لزيلامسي
يصير باقي لنا ايام مو عارفين ايش افضل مكان نروح له
مره نفسنا بانترلاكن لكن مسافة القطار جدا بعيده من زيلامسي
فكرنا بميونخ ومنها طيران على باريس
وسالزبرغ مو مره حابينها
الصراحه محتارين نبغى مدينه نروح لها من زيلامسي ومن هالمدينه على باريس
علما بأن زوجي رافض فكرة القياده بأوربا
نبغى تنقلاتنا بالقطارات أو الطيران الاقتصادي
بشرط الدوله اللي نروح لها يكون فيها رحلات اقتصاديه على باريس
فا ياليت تقترحون علينا بحسب خبرتكم وتكملون الجدول الناقص
وهذا جدولنا
من تاريخ 26 سبتمبر الى تاريخ 29 سبتمبر // فيينا ********> 3 ليالي
من تاريخ 29 سبتمبر الى تاريخ 2 اكتوبر // زيلامسي >>> 3 ليالي
من تاريخ ( ) اكتوبر الى تاريخ ( ) اكتوبر // ********> ( ) ليالي
من تاريخ 6 اكتوبر الى تاريخ 9 اكتوبر // باريس ********>> 3 ليالي
ياليت تعطوني تكمله للفراغ يصير باقي 4 ليالي وياليت تذكرون افضل وسيلة نقل
والرحله شهر عسل