نشر في الأحساء

ساعدوني يا اهل الاحساء تكفون

ورطه

16-08-2022 - 09:24 am

السلام عليكم
كيفكم جميعا
اخواني اخواتي .. انا طالب توي متخرج من الثانويه
وانقبلت في جامعه الملك فيصل بالاحساء
وانا سااكن بالخبر ..
ولا اعرف شي عن الاحساء ..
تكفون انا بحاجه شق مفروشه ..
تكون قريبه من الجامعه .. ونظيفه ومرتبه ..
وابيها بسعر معقول .. ماتتجاوز ال 20 الف ..
تكفون ماابي اروح الاحساء وقت الجامعه واحتاس هناك مااعرف شي ..
ساعدوني بهالشهر الفضيل .. وربي ماانسى فضل الله ثم فضلكم علي ..

التعليقات (8)

sa.ws

16-08-2022 - 12:13 pm

حياك اخوي
انا بصارحة اعرف شقق مفروشة في المبرز في الراشدية واسمها جوهرة المبرز بصارحة روعه واسعارها معقولة الغرفة مع الدورة المياة أعزكم الله 150 ريال في الليلة أما في الشهر اضربها في 30 يوم شوف كم ياخذون عليك على حسب الأتفاق معاهم
أما بخصوص القرب من الجامعه فهي تعبد عن الجامعه ربع ساعه أو اقل بدون زحمة
أما بخصوص رقم التلفون ابشر اشوف الكرت لك وارد عليك خبر

فانوس رمضان

16-08-2022 - 01:14 pm

ألف مبروك القبول وعقبال التخرج بشهاده ترفع الراس
شوف الموقع هذا أسألهم وبيجاوبونك ان شاءالله
منتدى الأحساء http://ahsaweb.net/vb/
وأنا بأسألك بعد

ورطه

16-08-2022 - 02:15 pm

sa.ws
ماتقصر اخوي
ياليت تعطيني الرقم
احسه مناسب لي
مره الف شكر لك
والله يجزاك عني كل خير .. ويوفقك ويكتب لك الخير في امرك كله ..
ويفرج عنك مثل مافرجتها عني

ورطه

16-08-2022 - 03:16 pm

فانوس رمضان
الله يبارك بعمرك اخوي
آمين يارب يسمع منك ان شاء الله
مشكور وماتقصر
جزاك الله خير الجزاء .. والله يفرج لك همك وييسر لك امرك يارب

جـــواااد

16-08-2022 - 04:17 pm

في شقق مفروشة كاملة
بحوالي 1000 ريال في الشهر
وتبعد عن الجامعة حوالي كيلو واحد فقط
لذلك انصحك تنزل الاحساء يومين وتحجز لك من الان قبل مايرجعون الناس من الإجازات

النسر المهاجر

16-08-2022 - 05:18 pm

الأخ ورطة
عجل على أمرك شوي ورح الحسا بعد العيد بكم يوم وراح تلاقي قدام الجماعة عشرات العمائر السكنية الخاصة بالعزاب
وميزة شارع الجامعة وجود أغلب مطاعم الأحساء والي راح تخدم العزاب كثير وفوق كل هذا قريبة من الجامعة....
مادامك قريب في الخبر أطلع تمشية مع احد اخوياك ودور لك سكن قدام الجامعة قبل ما تبدأ الدراسة بأسبوع عشان تضمن لك سكن على ذوقك....

sa.ws

16-08-2022 - 06:19 pm

هلا وغلا اخوي ورطة
هذا معلومات الأتصال بخصوص الشقق اللى قلت لك
الاسم - جوهرة المبرز للشقق والأجنة المفروشة
تلفون - 03/5317150

03/5310222

العنوان - الأحساء = المبرز =شارع الراشدية =مقابل مسجد الراشد
البريد الأكتروني -
ويالله بالتوفيق وعلى فكرة يوجد إنترنت

فاررسه

16-08-2022 - 07:20 pm

الف مبروك قبولك بالجامعه
اخوي يدرس هناك اخر سنه واخوي الثاني انقبل السنه هذي بيروح بسالك اخواني وارد على موضوعك باذن الله بس اللي اعرف انه اخوي له شقه لحاله مايحب شباب يكونون معاه لانه فيه نظام انكم مجموعه شباب وتقطون الاجار مع بعض والا لحالك بس اشوفهم هاليومين وااكتب لك

الأحساء المسافرون العرب

ساعدوني يا اهل الاحساء تكفون