hareb777
15-10-2022 - 09:24 pm
انا ولا مره سافرت لوحدي اوروبا وابغيكم تساعدوني لاني صغير فالسن ومرات ماعرف اتصرف لوحدي لاني كل ماسافر يكون حد وياي واعتمد على الله ثم عليه في كل شي وماركز في شي
انا ساير ميونخ بعد اسبوع تقريبا اول مره اروح لها
الاستفسارات اللي عندي وين احسن مكان للحجز ومن المطار كيف استخدم القطار لاني ماعرف كيف اقص التذاكر ولا اعرف كيف اركب القطار اصلا وكيف اذا وصلت المحطه وين بلاقي التكاسي وكيف بعرف اني وصلت شو بيكون مكتوب لي ع الشاشه
وكيف عن المطاعم الحلال وهل استأجر سياره وكيف نظام السواقه والشوارع هناك مثلنا فالخليج ولا غير طيب
وابغي اروح من ميونخ على سالزبورغ وفيينا بشو اروح طياره ولا قطار واذا بالطياره وين بلاقي مكاتب الحجوزات واذا بالقطار خبروني وين بلاقي التذاكر و هل الشنطه تكون معاي فالقطار ولا فالشحن لاني مول ماعرف شي
الله يخليكم ساعدوني وعطوني التخطيط من اوصل المطار شو اللوحات اللي بتكون امامي وكيف اطلع من المطار الى آخره
واذا حبيت اروح من ميونخ لفرنسا خبروني كيف الترتيب وساعدو اخوكم اذا ممكن لاني ماعرف نهائيا كيف اسافر بروحي
لاتقصرون في اخوكم
