تخيلكم ياجماعه الخير لا تقصرون ويايه

الميزانيه بدون طيران دولي اخوي ؟

1. هلا اخوي


2. اول شي الميزانيه


3. احسب حساب السيارة الخاصه 500/600 الف روبيه لليوم

السلام عليكم ورحمه الله وبركاته
يعطيكم الف عافيه
ياجماعه قررنا انسافر نحنا والربع الي اندونيسيا ان شاء الله
وحجزنا تذاكر بتاريخ 26/2/2014 والعوده ان شاء الله 7/3/2014
نبغي جدول طيب
حاطين في النيه زياره بونشاك وجاكرتا وبالي
اللي اباه منكمم كالتالي
1.تقسسيم الايام كيف يكون للعلم طيارتنا بتكون س 2الفجر وبنوصل تاريخ 26/2/2014 المطار س 1ظهرا
2.الاماكن اللي انزورها وتصلح للشباب العاب وجيه وحواطه
3.نبا فله اذا تعرفون في الجبل +فندق يكون مناسب لنا في بالي+جاكرتا
4.وين تنصحونا نحجز لبالي .. حد من الاصدقاء قالي الافضل تحجزو من جنب البقاله السعوديه في بونشاك فيه بكجات باسعار حلوه
5.سائق يفهم عربي اذا ممكن
6.نحنا 5 وكل شخص دفع 3000 درهم هل تكفينا (لسكن ودخول الاماكن السياحيه واكل وسياره وطيران داخلي)
واي سسوال ثاني بقوله عقب
تخيلكم بيضو ويهي ياجماعه الخير ويعل فالكم الجنه

هلا اخوي

اول شي الميزانيه

احسب حساب 25 دولار للفرد الواحد هذا قيمة فيزا تدفعها عند الدخول للبلد =75 دولار ل 3 افراد * تحتاج يكون باقي في جواز السفر ست اشهر لانتهاء صلاحيته عند الدخول * وبيعطونك كرت وصول مسافرين بالطيارة تعبيه ويوجد له ترجمه لو تحتاجها بالمنتدي هلكرت بياخذ جزء منه موظف الجوازات وبيعطيك جزء تحتفظ بالجزء اللي اعطاك اياه مع الجوازات عند المغادرة بيطلبه منك موظف الطيران تعطيه اياه ومعه مبلغ 450 الف روبيه >> بحدود 45 دولار تقريبا قيمة ضريبة مغادرة ل 3 افراد بمعدل 150 الف روبيه للشخص الواحد الطيران الداخلي قيمته تختلف اخوي من شركه لشركه وحسب وقته صباح ولا مساء يعني بين 95 الي 130 دولار للشخص الواحد من جاكرتا لبالي ذهاب وعودة حط حسابك ل150 دولار للفرد يعني 450 دولار مجموع تذاكر طيران داخلي لكم ال 3
+
عندك ضريبه وصول بالي مبلغ بسيط 40 الف روبيه لفرد
هذي الاسايات اللي بتدفعها كاجراءات سفر وفيزا وضرائب
بحسبه بسيطة 450 دولار + 75 دولار نقول 100 دولار مع حمالين شنط او خدمات وكوفي مطار تقريبا 550 دولار بحدود 2050 ريال تقريبا عاد انت احسبها بالدرهم الفرق بيكون بسيط
بقي معكم 7 الاف درهم لو قسمتها علي عدد ايام السفر 7 /8 بحدود 875 درهم او ريال لليوم الواحد

• * مهم تنتبه ان مدة سفركم هي فقط حسب سوالك 8 ايام فقط لان الشهر الميلادي هذا

هو فقط 28 يومهل الميزانيه كافيه نعم تكفي اذا حذفت بالي يعني لا تسافر بالي ووفر مبلغ 450 دولار للبقاء بين جاكرتا وبونشاك وما حواليها يعني خل سفرتك بجزيرة جافا فقط لان مده السفر قصيرة جدا للتنقل بين بالي وجافا بحساب يوم طيران رايح ويوم راجع لان يوم السفر فيه شيك ان وشيك اوت وبيطير عليك اليوملو ما حبيت تلغي بالي ومصم عليها انصحك تخلي رحلتك باولها لبالي اربع ايام مثلا ثم تعود يوم الاثنين3 مارس لجاكرتا وتتجه من جاكرتا مباشرة لبونشاك وقبل السفر بيوم ترجع جاكرتا يعني يوم 6 وبيكون برنامجك مضغوطهل الميزانيه تكفي لو ما حذفت بالي ؟

احسب حساب السيارة الخاصه 500/600 الف روبيه لليوم

والسكن بشقه مفروشه بين 95 الي 130 دولار بحسب تصنيف الشقه بايام جاكرتا وبالي وبين 700 الف الي مليون وميتين لليله بفيلا ببونشاك بحسبه بسيطه الميزانيه تكفي مع التحفظ اذا ما بتدخل مزارات واجد وتكون مقتصد بالصرف اما لو الغيت بالي بتكفي باذن الله - يا تلغيها وهذا الافضل عشان ميزانيه السفر اللي حددتها انت وعشان مده السفر القصيرة او تزود الف درهم مثلا من كل شخص تكون للمزارات لان المزارات دخولها مختلف مثلا تمان سفاري اندونيسيا وحدها بتكلفك بحدود 800 الف روبيه لدخولها انتم الثلاثه مع سواقكم وبيوم ثاني مثلا بتدخل حديقة شيبوداس بتدفع مبلغ رمزي يعني الاسعار متفاوته
ايضا ببالي الباكجات للالعاب البحريه مثلا للفرد بين 50 الي 120 دولار حسب الباكج هذا لو قررتم تلعبون العاب بحرية هذا بتهز ميزانيتكم شوي لو قررتم تاخذونها
فكر وقرر وحنا نعطيك راينا والقرار لك بقية الاجابات ممكن اجابتها بعد ماتقرا ردي عن مده السفر والميزانيه اولا ------

jaka
هلا الغالي
نحنا 5 بالضبط وكل واحد بيدفع 3000 يعني ال5 كلنا 15000 الف درهم -ريال سعودي
نحنا حاطين فالحسبات انه يكون منهن الطيران الداخلي من جاكرتا لبالي

jaka
هلا هلا الغالي ..
الغالي نحنا 5 اشخاص يعني 15000 الف..
الشباب مقررين بالي ..
فماعرف شو رايك ؟
اول شي اباك تخبرني
..
شو الاحسن هل او ما ننزل المطار ع طول نقص تذاكر وع بالي ؟
للعلم نحنا بنكون في مطار جاكرتا س 1الظهر
ولا قصدك نقعد في بونشاك وعقب بالي
اتمنى ترتب لي جدول ؟
ملاحظه :حد من الاص\قاء سبق وان زار بالي سابقا
وقالي ياعبدالله يفضل انك تنزل في بونشاك وقالي فيه مكتب يرتب لك تكت طيران +فندق وتقريبا يطلع اشخص ب 600 درهم ؟
ماعرف الكلام صح ولا لا

موفق اخوي وتروحو وترجعو بخير خطوط اير اسيا عاملين تخفيض حاليا كما اعتقد على الطيران وتقدر تدخل على موقعهم وتشوف الرحلة اللي تناسبك وكذلك السعر واتوقع رحلتكم 9 -10 أيام بالكثير ..حسب وقت الوصول لأن كما تقضل الاخ هالشهر 28 يوم فقط اعمل احسابك..
فمدري هل تريدون الاستمتاع بالجبل والمكوث به ام بالي ام الاثنين لأن احسها صعبه بالوقت القصير ..
إلا كفكرة من جاكرتا لبالي 5 او 4 ليالي ومن بالي لباندونق ومنها للجبل لجاكرتا..
والشباب اهل الخبرة ما بيقصرو بس واتمنى افدتك..
وبالي عندك موقع بوكنق واجودا شوف اللي يناسبكم حسب ميزانتكم بالسكن .

1. الشباب مقررين بالي وانا اقول اللي مازار بالي مازار اندونيسيا


2. بس انتم وقتكم قصير جدا اخوي


3. ولا قصدك نقعد في بونشاك وعقب بالي


4. اتمنى ترتب لي جدول ؟

هلا هلا الغالي ..
الغالي نحنا 5 اشخاص يعني 15000 الف..
الشباب مقررين بالي ..
فماعرف شو رايك ؟
اول شي اباك تخبرني
هلا اخوي معذره حسبتكم 3 اشخاص عموما ماتفرق انت احسب الحسبه زي ماقلت لك
5دولار للشخص قيمه فيزا اضربها ب5
و150الف روبيه للشخص ضريبه مغادرة اضربها ب5
وقيمه تذكرة بالي زي ماقلت لك بدون باكج تختلف اضربها بعدد 5

الشباب مقررين بالي وانا اقول اللي مازار بالي مازار اندونيسيا

بس انتم وقتكم قصير جدا اخوي

لو حسبت شيك اوت من الفندق وروحه للمطار وطيران حدود ساعتين الا شوي من جاكرتا لبالي مع اجراءات مطار وشيك ان بفندق بالي بيكون اليوم رايح عليك ومثلها بيوم العوده من بالي لجاكرتا احسبها بعقلك بتتعبون شوي ليتكم تزودون كم يوم سفر بيكون انسب لكم اخوي واريح بالي وحدها تحتاج من 4 ايام صافيه بدون ايام سفر منها ولها تبقون فيها ولا تكفيها يعني من 4 الي 6 ايام مناسبه وحلوه
اما تروحون 3 ايام صدقني ماتسوي العنوه والتعب بالسفر برايي وتكاليف الطيران الداخلي لها
..
شو الاحسن هل او ما ننزل المطار ع طول نقص تذاكر وع بالي ؟
للعلم نحنا بنكون في مطار جاكرتا س 1الظهر

ولا قصدك نقعد في بونشاك وعقب بالي

اتمنى ترتب لي جدول ؟

اوكي اذا مقررين ما تزودون ايام سفر وملزمين علي بالي مع بونشاك وتقدرون تتحملون تعب سفر مواصله يعني بتنزلون بجاكرتا بالصاله الدوليه وتطلعون للصاله رقم 3 للسفر الداخلي وتحجزون طيران بنفس اليوم لبالي بيكون انسب عشان الوقت القصير بس بعد بيكون متعب لكم بتكملون علي الاقل 20 ساعه من طيرانكم من الامارات لين تاصلون بالي مع اجراءات سفر وعفش وشناط وجوازات والخ وطيران داخلي ومثله عفش والخ
اذا شايفين فيكم شده وتتحملون الامر بيكون انسب رغم اني اعيد وانصح تزودون الايام افضل عشان تستمتعون ببالي وبونشاك جميع
ملاحظه :حد من الاص\قاء سبق وان زار بالي سابقا
وقالي ياعبدالله يفضل انك تنزل في بونشاك وقالي فيه مكتب يرتب لك تكت طيران +فندق وتقريبا يطلع اشخص ب 600 درهم ؟
ماعرف الكلام صح ولا لا
نعم الكلام صحيح اخوي بس المبلغ مو دقيق ممكن يزيد شوي حسب الموسم يعني عاده يكون بين 200 الي 350 دولار بحسب عدد الايام ونوع الفندق اللي تختاره حسب المتوفر عندهم
المكتب اسمه بافقيه مشهور بالجبل وممكن تسئل عنه الف من يدلك عليه وهو وكيل مكتب كاها بالبونشاك وكاها احد اشهر مكاتب الترافيل ايجنت باندونيسيا
لكن تنتبه لشي ان خيارات الفنادق عنده محدوده يعني الافضل تشوف وش الفنادق اللي عنده بالباكج وتدخل للنت تقارن اسعارها وتشوف مناسبه ولالا
هذا رقم محمد موظف في مكتب بافقيه الجبل ممكن تستفسر منه لو حاب قبل السفر ويتكلم عربي مكسر شوي المهم تعرف اسماء الفنادق اللي بلباكج ولو ماعرفت اسمها اطلب منه يرسل لك صوره للباكج بلوتس اب باسماء الفنادق عشان تشيك عليها اول ومستواها لان فنادقهم ببالي مو الافضل غالبا
4محمد
نجي لنصيحه خويك انك تنزل في بونشاك اول وتحجز لبالي زي مااجبتك فوق لازم تقرر ايهم اهم لك بالي ولا بونشاك بحسب ايام سفركم
المهم اللي لازم تنتبه لك بترتيب برنامجك انك ماتكون في بونشاك يوم سبت او يوم احد لانك بتكره المنطقه لان طرقها مغلقه للمزارات فيها بسبب الويك اند

jaka
مرحب الغالي
حبيب قلبي والله
والله كلامك صدق بس شو اسوي بالشله اللي عندي
وانا الصراحه ماعرف حاط في خاطري بالي,,
مع اني ماشفت عنها تقارير
كله عن بونشاك
شوف االترتيب..
بنوصل الاربعاء الظهر وبنطلع ع الجبل وبنقعد (الخميس والجمعه والسبت)
والاحد بنطير عبالي وبنقعد (اثنين وثلاثاء واربعاء والخميس) الصبح بنظهر ع جاكرتا وبنقعد الخميس كله والجمعه س 6 المغرب طيارتنا ع بلاد زايد ؟
شو رايك؟
او فيه مجال ننقص يوم من بالي ونخليه في بونشاك عشان نزور في هاليوم البركان في باندووق
شو رايكم
ولا تحس خربوطيشن

شمس المطر
يعطيك العافيه ياغالي