انتوا حاجزين الذهاب والعودة من ( مطار واشنطن دولز فى فرجينيا ) صح ؟
انصح تقعدون فى فرجينيا ليلتين بالذهاب وليلتين بالعودة وفى اورلاندو 10 ايام
بالنسبة لحجوزات الطيران موشرط من مطار دولز شوف مطار اخر قريب

أسأل الله ييسر لك ماعسر من أمر ويسعدك ويوفقك ويرزقك من واسع فضله، آمين
نعم ذهاب وعودة من دالاس
ونصيحتك جميلة يعطيك العافية
ألف شكر عالرد وكما وعدت سأدعو لك وأنا صائمة بإذن الله وأسأله سبحانه القبول.

شنو قررتوا علي التواريخ،،، هل حددتوا تاريخ الذهاب والعودة لاورلاندو؟

قررنا
3 أيام فرجينيا ( عشان هيرشي)
8 أيام أورلاندو
يومين فرجينيا
رأيك أخوي؟؟؟ الله يعطيك العافية ولا يحرمك الأجر

لا
اقصد التواريخ اللي بتسافرون فيها ( مثلا 8/15 من الرياض واشنطن و 8/30 واشنطن الرياض......علشان اشوفلكم الطيران )

يارب تسعد المشرف عزيز وتوفقه وتكتب له الخير كله وتجمعه بمن يحب في الفردوس الأعلى من الجنة
أبشرك حجزت على US Airways
في ناس ما مدحتها بس الشكوى لله، المهم لقينا شي ينقلنا
عندي استفسار ثاني لو تكرمت، والمعذرة لو ثقلت عليك
بالنسبة للشحن
عندنا نية نشحن عفشنا من أورلاندو للسعودية نخفف من الأثقال
ماهي نصيحتك بالنسبة للشحن؟؟؟ هل نشحن على السعودية؟؟؟ أم شركات شحن لو عندك علم عنها؟؟؟
الله يسعدك في الدارين

نفس المشكله اللي واجهتنا
كل المواقع ما تستوعب عددنا
استسلمت للأمر الواقع وقلت بحجز حجزين منفصلين بس لنفس الرحله
ودخلت أول شي اكسبيديا وشفت اسعار التذاكر واخترت الطيران والرحله والوقت اللي يناسبنا
وبعدها دخلت على موقع الطيران الرئيسي اللي كنا حابين نحجز عليه
وأكملت الحجز لحد ما وصلنا خانه ارقام الهواتف
وطبعا ما قبل بأرقام هواتف دوليه مادري الموقع كان مخرف حزتها
ماادري بس حاولنا كذا مرة ولكم مرة وما صار الحجز
آخر شي قلنا موقع اكسبيديا
موقع ثقه وكل من يدمحه بالمنتدى
خلاص بحجز عليه
حجزت لل6 اشخاص
وبعدها حجزت للباقي
والحمد الله تم الحجز وطرشوا لنا الكونفيرم على الأيميل
بعدها بيوم بس !!!!
ارسلوا لنا ايميل ان حجز ال6 اشخاص تكنسل
أستغربنا شنو اللي صار !!
اتصلنا اكسبيديا ورقمهم رقم دولي طبعا بأمريكا وكل واحد يقط التيلفون على الثاني
وكل واحد يحولنا للثاني
آخر شي بعد مكالمه مدتها تقريبا 50 دقيقة
قالوا لنا ان الخطأ من موقع الطيران اللي رحلتنا عليه
طبعا سكرنا التيلفون وقلنا بلاها خساير
وخل نطرش لهم ايميلات !!
تعبنا واحنا نطرش ونطرش ونطرش
وكل مرة ردهم
لف ودوران آخر شي
احنا آسفين واذا تقدرون كلمونا اتصلوا تيلفون !!
كنا نرد عليهم ان المكالمات تكلف واايد ومب شوي
ونفس الرد بكل مرة
اتصلنا
وكلمنا المسؤول
وبعد مكالمه مدتها ساعه وشوي
قال لنا المسؤول ان راح يحجز لنا حجز جديد وراح يطرش لنا
رقم الحجز الجديد
خلال 24 ساعه
ومن يومين هالكلام وماصار شي
مطرشين لنا رقم حجز بس مب مأكد و عشان يتأكد مفروض ندفع مرة ثانيه !!!!
القهر اللحين بعد ما صادتنا هالمشكله معاهم
سويت سيرج على اكسبيديا
وطلعت لي بلالالاوي عن هالموقع
للأسف الشديد بالمنتدى طايحين مدح بالموقع
بس بمواقع اجنبيه
فيها بلالاوي عن اكسبيديا
وناس وايد صادتهم نفس مشكلتنا
وناس يروحون لحد المطار ويطلع ان ما في حجز بأسمهم
نصيحه لا تقرب صوب اكسبيديا
وهقونا حسبي الله عليهم
هذا احنا فلوسنا عندهم
والقهر ما أكدوا الحجز وصار نص عددنا حجزهم مؤكد والباقي
بدون حجز
والقهر ان أحنا الأغلبيه فينا أطفال وحريم !!!!

الله يعينكم أختي ويسهل أمركم وتلاقون الحجز المناسب لكم جميعاً بإذن الله وترجعون سالمين غانمين
والله يجزاك خير عا لنصيحة ويفرجها لك من أوسع أبوابه
أنا حجزت من موقع Priceline والله يستر منهم بعد، دخلت على موقع الخطوط يو اس وطبعت الحجز وأسأل الله يتممه على خير
المشكلة أني ما شفت أشطر منهم في سحب الدراهم بسرعة مكوكية

غموض
اللهم آآآمين بحق هالأذان المبارك
أجمعين ان شاء الله
ربي ييسر لنا ولكم ان شاء الله هالسفرة
وضحكتيني اختي على سالفه حسبه الدراهم
ههه
اي والله انج صادقه ومن قلب بعد