السلام عليكم
وعليكم السلام
مخططه نزور ايطاليا بصيف او ربيع 2012
لمدة 10 ايام
ايه خليك في الربيع احسن
شو افضل المناطق
وابغاه يكون طبيعه وترفيه وتسوق
كل ايطاليا بالنسبة لي : )
فكرت ان تكون - روما - فينيسيا - ميلان وكومو للتسوق - ونفسي اضيف انترلاكن بس مو اكيد على حسب الميزانيه والوقت
طيب وش رايك تضيفين بعد فلورنس عشان نقول رحتي للمدن المعروفه على الاقل
سمعت عن فيونا وجاردا وفلورانس هل تستحق الزياره وكم تحتاج من عدد الايام
او اذا نقدر نزورها ليوم واحد
شوفي يمكن اقول لك روحي على الاقل فلورنس .. جاردا ملاهي وفيرونا قريبه منها ..
الكلام انتي كم بتجلسين في ايطاليا وهو الشي اللي يحدد
وكم تحتاج كل منطقه مده للسكن فيها
حددي مدتك اول شي واقول لك كل مدينه كم تستاهل
وشو افضل وسائل المواصلات بكل منطقه مع العلم اول مره نزور ايطاليا
وماعرف عنها شي
قطارات ومترو وباصات ورجولك : )
وهل المسافات بعيده
بين ايش وايش
وكيف يكون الترتيب الافضل
حددي المدن والمده اول شي
واي شهر مناسب للسفر لاني ماحب الحر والرطوبه وايطاليا اغلب مدنها ساحليه وخاصه فينيسيا
هل شهر 5 مناسب ؟ او 4 وكيف بتكون الاجواء بهالفتره
اربعه على خمسة الجو فيها بطل ترا يصير مره يوسع الصدر
ومالافضل اخذ ولدي معاي ولا اخليه عند اهلي عمره 9 شهور هل بيكون تعب علي وعليه مع التنقل
نصيحتي خليه عند اهلك عشان شي واحد بس العربيه هناك صعبه تمشي
وكم بتكون تكلفة السفر بدون تذاكر الطيران والفنادق - لمدة 10 ايام مع كل شي
ثمانيه الاف تقريبا .. بس بس بدون شوبينق وبتعيشون مبسوطين بعد
وشو افضل فندق في كل منطقه من حيث الموقع والسعر والنظافه
اتمنى منكم المساعده ياخبراء ايطاليا

سنيور
مشكور على الرد
المده بتكون 10 ايام
مو مشكله نضيف فلورنس
اجوبتك مطمنه يجزاك خير
اجل شهر 5 لاني دورت فنادق بشهر اربعه ببوكينج مالقيت اغلبهم محجوزه
وشهر 5 لسى مافتحت
يعني الافضل يكون روما وفينيسيا وفلورنس وميلان
طيب جاردا وفيونا اقدر اروح لهم وارجع بنفس اليوم بدون ماسكن فيهم وهي قريبه من اي مدينه؟
اذا صعبه ومتعبه مشوارها اكنسلها
لاني ابغى الرحله ممتعه ومريحه وانبساط

شوفي عشره ايام ابقول لك روحي روما 3 ايام وميلان ثلاث ايام وفينسيا وفلورنس على يومين يومين وبس

طيب كيف بيكون ترتيب المدن
روما وفينيسيا وفلورانس وميلان
فلورانس هل هي بين منطقة فينيسيا وميلان ؟
والمواصلات بروما وميلان على ماقريت بتكون مترو
وفينيسيا الاغلب قوارب وفلورانس كيف مواصلاتها ؟
هل بيكون شهر 5 سياحي يعني ممكن تكون فيه احتفالات وكذا
واذا بنزور الملعب بميلان كم يبعد عن المنطقه وكم تذاكر دخوله التقريبيه وكيف اعرف مواعيد مبارياتهم
وهل المترو يوصل له
وهل ميزانية 8 الآف تكفي تنقلات داخليه مع معيشه لمدة 10 ايام مع مواصلات
بدون الشوبينق وطيران دولي وفنادق
كم مدة الرحله بين فينيسيا وفلورانس - وبين فلورانس وميلان
والافضل والارخص بين روما وفينيسيا قطار او طائره دخلت على ايزي جت لقيت اسعاره حلوه بشهر مارس وشهر 5 لسى مافتح حوالي 29 يورو
كم بتكون اسعار القطار يورو ستار وهل له موقع لمعرفة الاسعار
ادري اتعبتكم بالاسئله الكثيره
مالنا غنا عنكم

هلا بك أخوي
المخطط روما فلورنس فينيس ميلان
فلورنس بين روما وفينيس
والأفضل بالتنقلات والأارخص والأسهل السيارة
لكن بعد ما تطلع من روما تستأجرها وتسلمها اول ماتوصل ميلان
وأذا ما ودك بسيارة خذ لك قطارات أصرف لك
لأن الطيران متعب وراح يأخرك
لازم قبل ساعتين أو ساعة ونص تكون بالمطار وتحت شنطك وتنتظر ومتى تاصل ومتى تنزل ومتى تجي شنطك
مالها داعي لأن المسافات بين كل مدينة ومدينة 300 كيلو تقريبا
هذي نصيحة مني
تحياتي لك