الأخت الكريمة,
حياك الله في ديرتك وبين أهلك في قطر, بخصوص رتاج الريان يعتبر من الفنادق الممتازة في قطر وهذا موقعهم إذا حبيتي تتأكدين http://www.retaj-alrayyan.com/ .
الليلة تكلف 385 للغرفه, أما السويت ب 726 ريال قطري.
إذا بغيتي شقق فندقية ممتازه من ناحية الموقع والخصوصية وتعتبر ممتازة للعائلات عندك السد سويتس
ينصح بها للعائلات لموقعها
هاتف: 44444199
الموقع: السد, بعد فندق ميلينيوم وسنتر بوينت . هناك تقرير للأخ The Watcher عن السد سويتش إذا حبيتي
https://artravelers.com/p/re/198640
يحوي التقرير صور ومعلومات مفصلة.
دمتي بحفظ الله وكل عام والأمة الأسلامية بخير.

اي بس تاج الريان مب خمس نجوم وانتي طالبه خمس نجوم
اقعدي في الشيراتون احسن
والا عندج الفورسيزون

ماقصرو الجماعه الله يعطيهم العافيه
وفندق رتاج الريان ممتاز وفي احلى مناطق الدوحه وقريب من مجمع السيتي سنتر
واي خدمه احنا حاضرين

قالت لكم تبي فندق خمس نجوم
وانتوا قاعدين تقولون لها رتاج الريان ورتاج الريان
صححوا لها وقولوا لها ان رتاج ثلاث ماادري اربع نجوم
وانصحوها بفنادق خمس نجوم مثل الفورسيزون والا الشيراتون

النوريq
أعتقد إنتي قريتي الردود بس ما قريتي موضوع الأخت وهي شنو تسأل عنه بالظبط .. إذا في فندق تشوفين إنه أحسن شوري عليها بدل ما تقولين للأخوان في المنتدى يكتبون شنو ويخلون شنو.
حياك الله يا النوري

النوريq
اختي النوري الله يعطيج الف عافيه على جهودج
بس فندق رتاج الريان 5 نجوم
ولا زم اختي تتأكدين اذا الفندق كم نجمه
عشان نكون صادقين مع الناس
ومانوصلهم معلومه وحنا مش متأكدين منها

من غير لف ودوران فندق دبليو من حيث المكان والفخامه
1 - W hotel
2 - grand hayatt

نتشرف اختي بوجودكم , وأنصحكم بفندق رتاج الريان ذو الخمس نجوم لقربه من المناطق السياحية وهذا رابط الفندق :
http://www.fendeq.com/hotel.php?departure_date=2010-08-20&arrival_date=2010-08-19&hotel_id=74659

يعطيك العافيه ماقصرتوو جميعا
يعني اتوكل على الله ونحجز في الرياان ؟؟؟
ابي شي راقي وغرف راقيه لاني قريت عنها انها شقق!!!
اخر قرار رشحو لي وراح اخذ شوركم رتاج الريان ولا قراند حياة ولا دبليو ؟؟؟؟؟؟؟؟؟؟؟؟؟؟؟؟؟
qatar3333
انتظر رايك مع الجميع