نشر في لندن

ساعدوني في ترتيب الجدول

يكفيني هواها

16-10-2022 - 01:10 pm

بسم الله الرحمن الرحيم
انا باذن الله بروح للندن الاسبوع الجاي لمدة اسبوع وعندي اماكن ودي ازورها واحتاج انكم ترتبونها لي
لاني اول مره ازورها ومااعرف الاماكن القريبه من بعضها

ملاحظه / _نقطة الانطلاق من اجوارد رود
وسيلة التنقل بالباصات الحمراء

الاماكن / نهر التايمز _ البيكاديللي_ مدام توسو _لندن آي _ بيق بن _ الهايدبارك_بستر فيلج (آوت لت) _الحي الصيني

شابربوش _ الاكسفورد , ريجنت , نايتسبردج ستريت _ بلو ووتر _منطقة انجلتون

ياليت ترتبون لي الجدول حسب خبرتكم واللي عنده اماكن حاب يضيفها ماعندي مانع وكيف اوصل لكل مكان
عن طريق الباص (بالتفصيل) وياليت ارقام الباصات
وبالنسبه للمناطق الريفيه في لندن ودي اخصص يوم لزيارتها واعجبتني منطقة انجلتون اللي يرشح منطقه
غير انجلتون فيها طبيعه وتستاهل الزياره ياليت يذكرها وكيف اوصل لها ؟
سؤال اخير .. ابغى اعرف الجو في لندن الاسبوع الجاي كيف بيكون (بداية شهر 4/2009 ) كم تقريبآ درجة
الحراره ؟
ماعليه تحملو كثرة الاسئله ... انا بانتظار اجوبتكم لاتتأخرون علي ...

التعليقات (9)

القطري

16-10-2022 - 04:11 pm

السلام عليكم ورحمة الله وبركاته
هلا وغلا الغالي
تقدر اتشوف هالموضوع وكل شي امرتب حسب قرب الاماكن من بعض ..
https://artravelers.com/p/re/257584
اما الأسئله الباقيه اعذرني فيها لين ارجع ان شاءالله لأني الحين طالع على السفاره البريطانيه ..
لاأتحاتي ان شاءالله
أعذرني الحين

يكفيني هواها

16-10-2022 - 05:12 pm

في انتظارك اخوي القطري .. وفي انتظار باقي الاعضاء

يكفيني هواها

16-10-2022 - 06:13 pm

وشدعوه ياناس طلبت بس ترتبون لي جدول بهالاماكن وكيف اوصلها بالباص ... لهالدرجه طلبي صعب

القطري

16-10-2022 - 07:14 pm

تامر امر الغالي
وحقك علينا ..
الحين الدوام خلص واول ماأدخل من البيت راح اتلاقي الرد عندك ان شاءالله
اكرر اعتذارنا على التأخير

*صوت السهاري*

16-10-2022 - 08:15 pm

أنا سمعت عن منطقه برايتون مره حلوه وفيها شاطئ جميل
وتبعد ساعتين بالقطار عن لندن...

VOLCANO_KSA

16-10-2022 - 09:16 pm

ومعليش وين أحلى الواحد يروح انجلتون ولا الليك ديستريكت ؟؟؟؟

القطري

16-10-2022 - 10:17 pm

الغالي يكفيني هواها
يالي اتحدد الاماكن السياحيه الي بتروح لها عشان ايسهل علي تحديد ارقام الباصات ..
شوف الموضوع الي فوق واختار منه الأماكن السياحيه الي اتعجبك وبعدها بنحدد أرقام الباصات ..
وتحت امرك بلي تامر فيه ..

يكفيني هواها

16-10-2022 - 11:18 pm

مشكور اخوي القطري
بالنسبه للاماكن السياحيه زي ماقلت / مدام توسو _ لندن آي _ قصر باكينجهام _ الهايد بارك _ ترافلجار سكوير _
البيكاديللي _ الحي الصيني _ بق بن _ شابربوش _ نايتسبردج _ بستر فيلج (اوت لت)
وانا ان شاء الله راح اكون ساكنه في فندق الكمبرلاند

القطري

17-10-2022 - 12:19 am

هلا وغلا أختي يكفيني هواها
ولاأيصير خاطرج إلا طيب ..
الهايدبارك مايحتاج باص لانها دقيقه مشي من الفندق
والبيكاديلي والحي الصيني تقدرون اتروحون لهم مشي وإذا تبون الباصات فهذي ارقامها باص رقم 3 + 12+15+23+ 159
ونفس الباصات توصل إلى ترفلجار سكوير ..
لندن اي + بيق بين 12+53+148+159+211+453
وشبربوش تاخذون الباص الي قدام الهايدبارك..يعني تطلعون من الفندق واتخلون الهايدبارك على يساركم وادجول رود على يمينكم وتاخذون باص رقم94 او 147
والنايتس بريدج قريبه منكم واجد حوالي 10 دقايق مشي وهذي ارقام الباصات الي اتوديكم 9+10+14+19+22+52+74+137+414
وأي خده احنا في الخدمه

لندن المسافرون العرب

ساعدوني في ترتيب الجدول