1. البيق باص شرحته بالتفصيل في موضوعي بالتوقيع

السلام عليكم
خذ لك فره في تقارير و جداول المشرفين بتاخذ فكره
مده زيارتك محدده جدا ..
انصحك تاخذ لك فره في البيق باص .. و الاماكن اللي تعجبك تنزل فيها ..

البيق باص شرحته بالتفصيل في موضوعي بالتوقيع

راح يوديك النهر .. و البيق بين .. و مدام توسو .. و لندن اي .. و يسويلك رحله بحريه .. و بتمرون علي البيكاديللي و اذا تبي تنزل تنزل و لما تخلص تركب الباص اللي وراه لان التذكره مفتوحه .. و ايضا بيوديكم هارودز .. ووايد اماكن ..
استغله و خذ لك يوم كاامل من 8 الصبح لي المغرب و المكان اللي تبيه و يشدك انزل شوفه و اللي ما تبيه مر عليه بالباص بس مرور الكرام ..
جذي بتكون شفت اغلب الاماكن السياحيه و التاريخيه بيوم او تقدر تكمل الصبح اللي بعده بعد يكون يوم و نص
ثاني يوم .. اذا تبي تروح بيستر فيلج .. من الصبح عشان تستغل اليوم روح المحطه و خذ اول قطار و روح تمشى فيها لي الظهر او العصر ..
اذا رديت ريح شوي و كمل اليوم في الهايد بارك و الاوكسفورد و الريجنت و اذا تبي تمر اجوار رود .. و ممكن تروح الويستفيلد
ثالث يوم .. اذا تبي تروح الملعب تروحله .. و اذا في شي من الاماكن السياحيه ما شفته بالبيق باص روحله .. او عقب الملعب روح الكوفنت قاردن تمشى فيها ..
و الق نظره علي موضوعي و الاماكن اللي بلندن اذا يعجبك شي اخر

جزاك الله خير اختي علي المساعدة
بس عندي استفسار هل هذي الأربع ايام تسوي أخذ تذكره اسبوع للاندرجراوند و الباص ولا احسن اخليها يوم بيوم؟

mizofaheem
اليوم ب 5 باوندز مفتوح .. بس ما اذكر اذا كان شامل الباصات بس و الا الباصات و الاندرقراوند
و اذكر كان في شحن ل3 ايام .. ماكان معلن عنه و لا شي و عبالنا اقل شي 7 ايام لكن يوم قلنا حق مال التيكيتز شحن لنا حق 3 ايام لكن اعذرني ماذكر السعر
افضل شي اسال اللي تحجز عنده عن افضل شي
و اذا مافي حق اقل من اسبوع انا اقول 27 باوندو وايد فاخذ بو يوم بيوم .. لان الردي انت يوم جذي بتقضيه بالسياحه و البيق باص اذا عجبك يعني ماراح تستخدم الاويستر .. و نص يوم بتقضيه اكيد في بيستر فيلج يعني ما يسوا تدفع 27 باوندز علي الاويستر اذا هذا جدولك

انا حقيقي اشكرك جدا علي المساعده
بعتذر منك عندي سوال ثاني اعذريني اخوك اول مره اروح لندن
هل تذاكر الاماكن السياحيه أخذها من السفاره بالكويت ولا أجيبها من لندن احسن
و انا انشا الله بروح من لندن لأمريكا بقعد شهر فهل الشوبنج بلندن يسوي ولا اخلي كل الشوبنج من امريكا

mizofaheem
والله انا احجز كل شي هناك .. لكن الاغلبيه يقولون التذاكر بالسفاره هني توفر لك .. بس طبعا احجز الاشياء اللي متاكد انك تبي تروحلها اما اللي ما مو متاكد و حسب الوقت و الظروف فخلها هناك
طبعا الشوبينق بامريكا احلي بمراحل ! الاسعار انزل بكثير و التنزيلات اقوى و اكثر و تنوعات اكثر ..
طبعا لندن سوقها حلو .. بس سوق امريكا شخصيا اقول اقوى و احلي و ارخص بوايد ..
يعني اذا عجبك شي حيل بلندن اخذه .. لكن التسوق بشكل عاد خله حق امريكا

يعني أختي تنصحيني أروح بيستر فيلج ولا أهون عنها؟

والله اذا وراك امريكا .. و انت كلها 3 ايام بلندن مادري يعني ممكن تروح لها الصبح مبجر و ترد الظهر ..
بس ترا امريكا فيها اوتلتات تحط بيستر فيلج بمخباتها و خاصه نيو يورك :d
الراي لك طبعا

اختي كويتيه ممكن تسوين لي جدول بالاماكن اللي تستحق الزيارة في لندن والاماكن القريبة منها واماكن التسوق اللي تنصحين فيها بخبرتك في لندن علما ان السفر لمدة 20يوم الذهاب الرياض لندن الرياض حبيبتي هذا الطلب طلبته مني احدى الصديقات قائلة اعرضي طلبي على خبراء المسافرون العرب عاد لاتفشلوني فيها مشكورين

النوروالبلور
ان شاء الله في موضوعي بحط جدول عام بتقسيم الاماكن
مع اني مو مع الجداول ابدا :|