شوق200000
17-02-2022 - 02:55 am
السلام عليكم ورحمة الله وبركاته
اخواني ابي اسال كم سؤال وياليت تطولوا بالكم علي
حنا في السعودية لو جاء الزائر الساعة 6 بعد الفجر ما تحسب عليه الساعات حتى الساعة 2 الظهر من نفس اليوم
يعني لو جيت يوم السبت الساعة 6 ص ما يبدأ الحساب عليك الا الساعة 2 الظهر الى الساعة 2 الظهر يوم الاحد وبهذي الطريقة تكسب كم ساعة مجانا
1- فهل هذا النظام ماشي في دبي او الشارق؟؟
2- متى يبدا اليوم ومتى ينتهي بالضبط ؟؟ يعني الساعة 2 الظهر مثلا زينا او متى؟؟
3- انا جالسة تقريبا ليلتين في دبي ويوم واحد وين الاماكن اللي تنصحوني اروح لها في يوم اقامتي؟؟
4- ايهم افضل اسكن في دبي او الشارقة , من ناحية السعر والتمشية والمطاعم ؟؟
5- اذا سكنت في الشارقة متى تنصحوني اروح للمطار مع العلم بان رحلتي الساعة 10 ص؟؟
اسفة لاني طولت عليكم وانتظر ردودكم بفارغ الصبر وشكرا
شوق200000
مرحبا اختي
اول شي انتي بتكونين جاية على اي مطار الشارقة ولا دبي
وبنسبة لهنظام لا اختي مو مطبق لان معروف الدخول الساعه 2
بس ممكن اتقولين لهم انج تبين ايرلي شيك ان يعني دخول مبكر وتعطينهم وقت طيارت واذا الفندق مو فل بيسمحون لجلان انا في واحد من الفنادق بدبي وثلت عندهمالصباح على الساعه 6 وكنت جاي من رحلة بعيد وكنت مرسل لهم اني بجي بدري ومع ذالك صادف الفندق فل وماقدرو يعطوني غرفة لين ما هددتهم اني بطلع من الفندق لاني كنت جاي من استراليا وبعدها قالولي انطر ساعه وقلت له ساعه بظبط واذا مافضى بغير الفندق وبعد ساعه فضولي غرفة ولاكن مثل ماقلت لازم اتبلغينهم قبل وهلفترة مش فترة موسم او مهرجان يعني الفنادقمش مليانه فتوقع يدخلونكم بس انتو تاكدو من سستم الفندق قبل
والدخول يكون الساعه 2 والخروج الساعه 12 بس بعد ممكن اتاخرونهم لساعه 2 او 3 الظهر
واشلون انتي قاعده ليلتين ويوم واحد مافهمت ممكن اتوضحين
وبنسبة للاماكن عندج المجمعات وهي امارات مول & دبي مول & مركاتو & برجمان & وافي ستي & فستفال ستي وغيرهم من المجمعات
وعندج مدينة جميراة وجميرة والك
بنسبة لسكن اكيد اكيد دبي وممكن اتحصلين بدبي سكن رخيص
اكي الشارقة ارخص بس حط في بالج الزحمه الغير طبيعيه يعني بتملين بروحه والرده من والي الشارقه
والشارقة مافيها تكاسي كثر دبي
وانا اقول خلوها دبي احسن
وبنسبة للمطار لازم اتروحين بدري اذا كنتي في مطار الشارقة وانتي في دبي اطلعي قبل موعد اقلاع الطيارة ب 4 ساعات تجنبأ لزحمهواذا بمطار دبي وانتي بدبي اطلع قبل موعد الطياره بساعتين واذا كنتي بشارقه وبتسافرين بمطار دبي اطلعي قبلها ب4 ساعات لان الزحمه بتكون موت والناس رايحين اشغالهم الي بدبي يعني اذا رحلتج 10 الصباح لازم الساعه 6 انتي بسيارة لان الطريق مع الزحمه اقل شي ساعتين واسالي مجرب
بس نصيحتي اسكني بدبي
واتمنى اني جاوبتج على اسالتج
تحياتي