1. https://artravelers.com

أخوي أو أختي .. سفريات دوت كوم ..
المترو جدا سهل وأخوي JASSIM حاط موضوع فيه خريطة المترو
الرابط

https://artravelers.com

بداية تقوم فكرة المترو على ألوان الخطوط ثم أسماء المحطات .. وكأنك تلعب لعبة التوصيل .. تبي توصل الفار للجبن
عشان أسهل لك الموضوع تخيل ان المترو مافيه الا خط واحد إلي هو الخط الأصفر في الخريطة الأولى في الرابط .. ( الخط الرئيسي لباريس ) هذا الخط يمر بمنطقة لاديفانس و شارع شانزلزيه و بتلاقيه في الخريطة مرموز له بالرقم 1 على اليسار وهو يوازي الخط الأحمر إذا ما لقيته ..
وهذا رابط آخر
http://en.wikipedia.org/wiki/Image:Ligne_1.gif
بتلاقي على طول الخط الأصفر دوائر تكون بيضاء أو صفراء بلون الخط وجنبها أسم يدل على اسم المحطة
البيضاء يتفرع منها خط واحد أو أكثر يكون لونه مختلف عن الأصفر بالتالي يسلك مسار آخر ..
فالنفرض انك في شارع الشانز وحاب انك تروح اللوفر راح تركب مثلا محطة CHAMPS-ELYSEES في المحطة تلاقي طريقين واحد رايح والثاني جاي وبتعرفهم من اسم المحطة الأولى فانت بتاخذ البوابة الي توديك لوجهتك .. وانت في القطار الأصفر بتلاقي خط سير القطار وكل ما يوصل محطة بتلاقي في المحطة اسمها على طول المحطة فلاتحاتي ما بتضيع الحمطة
محطة اللوفر اسمها PALAIS ROYAL MUSEE DU LOUVRE لما توصل هالمحطة تنزل طبعا ..
نكمل لعبة الفار .. الجبنة للأسف ما لقاها على الخط الأصفر وهي في مكان ثاني يمر عليها قطار بالخط الأزرق مثلا .. شلون يروح لهالمكان .. عن طريق الدوائر البيضاء في الخط الأصفر وإلي هي تشير إلى إن في تقاطع مع لون آخر قد يكون الأزرق نفسه أو قد يكون لون آخر يوصلك للأزرق ويمكن لون هاللون الآخر يختصر الطريق للخط الأزرق ..
واتمنى اني أكون أفدتك وغيرك .. وأي استفسار أو توضيح انا حاضر

ههه
حلوه الجبنه والفار ههه
خوش شرح والله
وفعلاً كلامك هو الصح .. وان شاء الله فهمتك اختنا سفريات دوت كوم
بس ينصح دائماً بعدم ركوب الميترو بعد الساعه 9 مساءً
مع انه يغلق الساعة 12 ليلاً

شكراً اخويcoffee استفدت كثير من شرحك

ايش الفرق بين المترو والقطار
والا هو نفس الشي

majed-99
عزيزي ماجد حسب معرفتي المتواضعة
المترو يكون عبارة عن محطات ، تنتقل فيها تحت الأرض عبر الأنفاق ولكل مدينة شبكة مترو منفصلة
أما القطار (عادة) يكون فوق الأرض يعني تقدر تشوف جنبات الطريق، ويصل بين المدن والدول

ادري تعبتكم معاي ..........بس وشو اسوي ......المهم مافهمت وخايف اتوهق اذا رحت هناك

سفريات دوت كوم
ماراح تتوهق
الامور سهله جداً
خذ خريطه وخله يحددلك محطتك انت .. وخله يحددلك المنطقة الي بتروح لها .. وبس .. أمورك سهله جداً انت بتقلب الخريطة بروحك بتفهم

العفو .. أخواني وأخواتي ..
المترو سهل جدا جدا ..أول يومين خذوا خريطة معاكم من أي محطة والمحطات أصلا فيها خرايط كبيرة تكفيكم عن حمل الخرايط ..
وأي استفسار انا حاضر

الله يجزاكم خير وان شاء الله تصير الامور تمام ...