shyoom1
11-01-2022 - 09:56 am
السلام عليكم
اخواني اكتب لكم واني كلي ثقة انكم راح تردون علي بسرعه
رحلتي بكرة واتمنى منكم الرد السريع
اخواني اني راح اروح باريس ومفكرة اخذ تذكرة paris vist من zone 1-3
والاماكن الي راح اروحها هي:
الشانزليزيه
ميدان الكونكورد
متحف الشمع
غابات بولونيا
الاوبرا
برج ايفل ونهر السين
الحي اللاتيني
هضبة المونمارت
قوس النصر
سؤالي هل هالاماكن كلها راح تكون مشمولة من زون 1-3 ؟؟؟
ومفكرة ايضا اروح الى الديزني لاند .. لكن ماراح اروح قصر فرساي ولا المطار بالرير لان معانا عفش وايد وراح ناخذ تكسي
لذلك فكرت اني اشتري تذكرة الدزني لاند بروحها بدل ما اخذ من زون 1-6
كم سعر تذكرة الرير الى الديزني لاند رايح راجع ؟؟ وفي اي محطة بالضبط راح ادفع حق الرير الي بيوديني الى الدزني؟؟
شرايكم بخطتي هل جذي راح تكون لي اوفر؟؟ لو في طريقة ثانية اوفر؟
وفي سؤال عندي اخير اتمنى ما اخربطكم لاني مابي اتوهق بشي هناك
هل اقدر استعمل الرير بتذكره الباريس فزت للاتنقال في المناطق القريبة بوسط باريس؟؟ يعني مثلا من برج ايفل الى الحي اللاتيني اقرب لي استخدم الرير c
انتظر ردودكم
للوصول الى ديزني لاند يجب الانطلاق من محطة
Charles De Gaulle Etoile
في القطار المتجه الى
Chessy - Parc Disneyland
ويجب الحرص على ركوب القطار المتجه الى ديزني وذلك لان االقطارات تمر في طريق واحد وتنفصل في نهاية المسار
يعني احرصي ان قطارك تكون اخر وجهه فيه Chessy - Parc Disneyland
وبالمحطه كل ماجا قطار بتنور اسماء المحطات اللي بيوقف فيهم القطار
واهم حاجه لاترمون التذاكر لانهم تحتاجونهم بالخروج
ومن ناحية الرير C داخل باريس انا اقول جربي وان ضبطت كان بها ولو ماضبطت خلك عالمترو