اول رحله لنا على اندونيسيا وابي مشورتكم من ناحية توزيع الايام لاني حايسه
زوجي موكلني على كل الترتيبات وحجوزات الفنادق يقول انا علي حجزت لكم طيران وانتي كملي الباقي
عاد انا متعتي الترتيبات والحجوزات قلت ابشر طال عمرك بس اي غلط ماليش دعوه
قد رحنا قبل كذا مرتين على ماليزيا وكانت كلها من ترتيباتي وتخطيطاتي ودامه ابو الشباب طلب مني ارتب الرحله يعني اكييد مناسبه رغم انه كان يقولي من سلبيات الرحله السكن مقابل السوق
حريم ياحبيبي حريم اجل سفر من غير تسوق مايصير
المهم مالكم بالطويله
رحلتنا بتكون 8 اغسطس نوصل على الساعه10 ونص مساءً مطارسوكارنو هاتا
والمغادره بتكون 23 اغسطس الساعه00:40 لحد الان مادري هي صباحاً والا مساءً
المشكله وصولنا بيكون يوم الجمعه والسبت والاحد مايمدحون طريق الجبل من الزحمه ايش تشورون علي
ترتيبي نجلس يومين بجاكرتا من 8 اغسطس الى10
0اغسطس الى 15 بونشاك
من 15 اغسطس الى19 باندونق
من 19 الى 23 جاكرتاى للتسوق
زوجي يقترح علي بالي بالجدول وانا ودي بس الهوى ضدي
ماابي هجوله وطيران داخلي لان معانا 3 اطفال
اعمارهم 12 و7 و5شهور
هل بالي تستاهل وهل تنفع للاطفال لاني سمعت انها اغلبها اجانب
و90 % من سكانها غير مسلمين وانا مابي عيالي يشوفون مناظر مخله
وبنشاك وباندونق ايش الاماكن اللي تستاهل الزياره فيها وماتكون متعبه للصغار
وياليت ترشحون افضل الفنادق حالياً وقع الاختيار في جاكرتا على فندق استون مارينا
ايش رايكم فيه اهم شي يكون بمكان حيوي وفيه خدمات
وباندونق نفسي بفله مع مسبح ماحصلت في البوكينج
ايش ترشحون لي
بالنسبه لبونشاك سمعت انك ماتقدر تحجز الفلل الا اذا تعرف سواق هناك يحجزها لك
زوجي اخذ رقم سواق من واحد من اصحابه لكن لحد الان ماكلمناه ايش ترشحون فلل تكون خاصه وفيها مسبح وايش رايكم بفلل المجمعات هل بتكون مريحه وآمانها افضل من الخاصه !
ادري كلامي مو مرتب بس ياليت ترتبون لي الجدول مع اقتراحاتكم لافضل الفنادق والفلل
وربي يجزاكم كل خير
بإنتظاركم