1. لان ما عندي خبرة بالاجهزة نهائي وقريت وايد

ابا موقع لاستئجار السيارة موثوق فيه
شركة سكست ممتازه تقدر تحجز عن طريقهم او مكتبهم الي في مدينتك وفيه يورب كار كمان.
هل يفضل الدفع في النت او عند استلام السيارة
كلها تمشي بس انا دفعت مقدماً وهناك مادفعت الى التأمين وعن طريق البطاقه ماياخذوا كاش.
هل يجب ان اطلب كرسي للطفله ( للعلم بنتي عمرها 4 شهور )
اكيد اطلب كرسي اطفال مع السياره وحدد العمر ايجاره 35 يورو مقطوعه طول مدة ايجار السياره.
عند طلب جهاز الملاحه هل سهل استخدامه وهل يطلب مني وضع اسماء او احداثيات ؟

لان ما عندي خبرة بالاجهزة نهائي وقريت وايد

اشتري القارمن من عندك افضل سعره مايتجاوز الف ريال وخليه يحط الخرائط الاوربيه. والاحداثيات افضل بكثير من العنوان ،،،،اكتب في محرك البحث حق المنتدى ( احداثيات تهمك في النمسا ) وسجليها في القارمن حقك من الان كلها موثوقه بحسب تجربتي لها.
حد يقول احط احداثيات وحد يقول اكتب الاسم وننطلق واحترت شو الفرق بينهم
كلها سوى بس الاحداثيات اسهل ومختصره والاعضاء ماقصروا كل مكان تبغي تروحي له تلقي احداثياته ( احداثيات تهمك في النمسا)
للعلم ( نخن 3 كبار وطفلتي الصغيرة )
طلبي الاخير ما هي الانشطة الي ممكن اسويها في كل مدينه
وشو ممكن ازور بالاضافه لهم
كل مدينه بتروحي لها سجلوا الاعضاء احداثياتها بطريقه جدول كل مدينه كتبوالك نشاطاتها واحداثياته
الامور اذا رحتوا اسهل بكثير مماتتوقعوا حاولي تقري تقارير كل مدينه بتزوريها ودوني احداثيات النشاطات في القارمن وهو بيوصلك.

اشتري القارمن من عندك افضل وتأكدي انه اضاف لك الخرائط الاوربيه وخليه يعلمك كيف تسجلي الاحداثيات مره سهله وسجلي احداثيات المدن مع نشاطاتها في القارمن من الان في المفضله وهناك شغلي القارمن واختاري كل يوم الاماكن الي بتروحي لها وقبل كل شي حاولي تقري في التقارير وتتنوري شوي. رحله موفقه.

1. انا ماعندي فكرة عن شركات التاجير ، لكن انا جربت سيكست وكان جيد

انا ماعندي فكرة عن شركات التاجير ، لكن انا جربت سيكست وكان جيد

اما بالنسبة للدفع فبالنسبة لشركة سيكست لما تحجزي عن طريق النت هناك خيارين ، اما الدفع في وقت الحجز او الدفع عند الوصول ، وطبعا الدفع وقت الحجز بيكون ارخص ، لكن بعض الشركات بيكون الحجز بدون دفع اي مبالغ زي افيس ، او شركات الوساطه بتدفعي مبلغ بسيط كعربون والباقي عند استلام السيارة ، يعني تختلف من شركه لشركة ان شوف اللى يناسبك
وطبعا لازم تطلبوا كرسي للطفل لان البوليس لو شاف الصغير بدون كرسي راح تاخذو مخالفة
بالنسبة للقارمن انا اخر مره استاجر سيارة من سيكست طلبت يكون معاها جهاز ملاحة ( جي بي اس ) ولما استلمت السيارة طلبت من اللى سلمني السيارة يعلمني على الجهاز ، شرحلي في نص دقيقة كيف استعملة وكان جدا سهل ومشيت بيه طول رحلتي بدون مشاكل ، بس انا عندي فكرة من قبل عن اجهزه الملاحة لاني كنت استخدمها كثير لما كنت باستراليا ، عشن كده ماطول لما شرحلي لاني بس بغيته يعلمني من فين ابداء والباقي انا اعرفه ، لكن طالما ماقد استخدمتوا جهاز ملاحة من قبل ، فاعندك شيئين يا انكم تشتروا واحد من هنا وتدخلوا فيه الاماكن والاحداثيات من بدري ، او انكم تنزلوا برنامج السايجك حق الملاحة في جهاز جوالك يصير لو ماعرفتوا لجهاز الملاحة اللى في السيارة تستخدموا الجوال .
وبالنسبة لطريقة استخدامة ، هناك طريقتين وانت تختار ايش تبغى ، يا انك تحط الاحداثيات ، او تدخل العنوان كامل يعني اسم الشارع ورقم المبنى ، طبعا ادخال الاحداثيات اسهل اذا كان عندك الرقم ، لان ادخال العنوان ممكن يكون فيه تشابه في اسماء ، لكن الطريقتين سهله وانا اوقات ما بيكون عندي الاحداثيات وادخل العنوان يعني كلها سهله
بالنسبة للاماكن اللى تستحق الزيارة ، راجع التقارير وحتلاقي كل شي مكتوب وبالاحداثيات
رحلة سعيدة

مشكورين وايد وايد ما قصرتو يا اعضائنا الاعزاء

طيب ممكن احد من الاعضاء يتكرم ويعطيني موقع لاستجار سيارة موثوق فيه في المانيا