أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم
انا ابي اروح باريس شهر عسل وما اعرف شي هناك البعض اقترح اني اروح مع قروب وش رايكم
وهل فيه مكاتب معتمده تقترحون علي لأني بصراحه اسمع عن مكاتب نصب واحتيال كثير
تكفون ساعدوني وبسرعه
بصراحة اخوي اذا هو شهر عسل و مكان ما قد رحتله صعبة ،، شهر العسل يبيله ترتيب مو زي السفرة اذا كنت بلحالك ،، انصحك اذا عندك وقت تقرأ في تقارير الاخوان في المننتدى .. و اذا تبي برنامج او فنادق اسماء مكاتب سياحية هناك انا حاضرة ..
sereemjio
مشكوره اختي على مرورك
وبصراحه ما نستغني عن اقتراحاتك ونصائحك انتي واخواني الاعضاء وياليت تقترحين علي برنامج والميزانية المقترحه.
تكفين محتاج وقفتكم وما ابي يطلع شكلي غلط قدام المدام
هذا الموضوع طرحته انا و ردت علي الاخت ام سيف الله يعافيها ، ممكن يفيدك لان فيه مخطط لرحلتي لباريس و ام سيف ردت على استفساراتي https://artravelers.com/p/re/288006
و هذا كم موضوع بعد للاعضاء ممتعين ممكن تستفيد منهم بعد
https://artravelers.com/p/re/270176 بالنسبة لباريس اماكنها معروفة ، و المدينة رايقة و ما تضيع فيها ابد ، الباصات السياحية بكل شارع و من اسهل شي ، تذاكر الباص تاخذها من الباص نفسه ، و خريطة الباص مع سماعات لشرح المعالم الي تمرون فيها ، و كل ربع ساعة يمر باص في المحطة ، و ممكن تاخذ تذكرة لاكثر من يوم ، هذا الرابط يفيدك https://artravelers.com/p/re/276116 الفنادق احلى شي الي بالشانز ، عندك امارانتي ، الورويك ، نابليون ، راديسون ساس ، اليزيه بارك ، و غيرها كثير ، و عندك شقق الكلاريدج ، و الكونكورد لا فاييت ، و الماريوت ، و طبعا كل واحد سعر ، انصحك بمنطقة الشانز لان فيها محطات ميترو قريبة منك ، و منها ممكن تطلع لديزني ، و كل شي عندك ، مطاعم ، محلات ، مقاهي ، سينما ... الاماكن الي تروحلها ، عندك اهم شي : برج ايفل ، و رحلة في نهر السين مع غداء او عشاء في القارب قوس النصر في الشانز و التجول في شوارع الشانز و محلاته متحف اللوفر ، متحف الشمع ، ساحة الكونكورد و الفاندوم منطقة الاوبرا ، حضور عرض في اوبرا جارنير ، جالاري لا فاييت (مجمع تسوق ) ، البرنتان (مجمع تسوق ) قصر فيرساي ، غابة بولونيا هضبة مونتمارت كاتدرائية نوتردام ، متحف اورسي ... تقريبا هذه اهم المعالم السياحية ... و اذا تبي اي استفسار انا و الاخوان حاضرين ...
