حياك الله
اولا كم يوم الرحله ؟؟؟ والميزانيه؟؟
لكن بشكل مبدئي
البدايه بميونخ ثم زيلامسي ثم انترلاكن ثم جنيف او بالعكس ..
حذفنا فينا لانها بعيده عن المخطط .. ممكن ادخال مدينه بالوسط بين زيلامسي وانترلاكن لان المسافه بينهم 6 ساعات وربع
ملاحظه بين ميونخ وزيلامسي ساعتين ونصف .. وليس ساعه
تحياتي

مشكور ياخوي علي
بيض الله وجهك
بس ياخوي انا فيينا راح اروح لها هذا شي اكيد إن شاء الله
انا بين هالخمس اماكن ابي الترتيب حسب البعد والقرب بعد وميونيخ راح تكون النهاية بكل الاحوال وانا راح ااجر سيارة والميزانية راهية لاتحاتي
بمعنى
جنيف وفيينا بالبداية وميونيخ بالنهاية
ميونيخ 6 ايام
زلمسي 6 ايام
فيينا 5 ايام
انترلاكن 4 ايام
جنيف 5 ايام

اخوي علي بديت افكر اني اطب في فيينا وعقب الست ايام اطير لجنيف بطيران داخلي او قطار
انت شتنصحني فيه
وهل لك خبرة في تأجير السيارات في جنيف
والله يجزاك خير

اخوي ترتيبك ما يضير ..
لكن طالما رحلتك 26 يوم
.. ويكون الجدول
فينا ثم زيلامسي ثم ميونخ ثم انترلاكن ثم جنيف
او جنيف انترلاكن ثم ميونخ وبعدها زيلامسي ثم فينا
رغم ان المخطط في مسافات بعيده
تحياتي

ali_q8_77
والله ياخوي علي افكارك حلوة للأمانة
بس مثل ماقلت لك انا مثبت بشكل اساسي ميونيخ تكون ختام الرحلة وقاعد اخطط على هالاساس
ومثل ماذكرت لك لو اطب في فيينا واقعد فيها المدة المقررة ووعقب بحكم البعد بين فيينا وباجي المدن اروح بطيران داخلي إلى جنيف وااجر سيارة واهني خط السير اعتقد بيكون واضح وانا راد لميونيخ
انا ودي يكون الترتيب بهالشكل
اطب في فيينا واقعد فيها 6 ايام وعقب اروح جنيف بطيران داخلي او قطار (( مادري شكثر المدة بالقطار )) عقب ارجع انترلاكن بعدين زلمسي بعدين الختام في ميونيخ
سؤال ثاني لو تكرمت
يورو بارك شنو الاقرب لها من هالمدن الخمس اللي اخترتهم علشان لو فكرت اروح لها
والله يعطيك العافية

انا احببت ابعد عن الطيران الداخلي ... لكن ممكن مثل ما ذكرت .. لكن انصحك بأضافة انسبروك او سي فيلد او بيرتساو ..
بين انترلاكن وزيلامسي كون المسافه بينهم 6 ساعات وربع ... وارشح لك انسبروك ..
يوربا بارك اقرب شيئ لها من انترلاكن ساعتين ونصف

يعطيكم العافية جميعا
بما اني قاعد احوس بالموقع واضبط رحلتي حسيت بمعاناتك اخوي عبدالله وان شاء الله هالموضوع بفيدك بشكل كبير وبوفر عليك كثير من الأسألة ولا يهون مشرفنا العزيز علي
https://artravelers.com/p/re/255901
هالموقع شرح للقوقل ماب واللي فادني بشكل كبير بتحديد مسار رحلتي كوني بأجر سيارة بإذان الله
وموفق خير يارب

bo.9ale7
الله يعافييك ياخوي بوصالح مالنا غير هالموقع من بعد الله
سنة 2007 سافرت نفس هالسفرة تقريباً عن طريق هالموقع اللي افادني بكل شي
والله يجزاك خير عالموقع
الحين بشوفه إن شاء الله
بو صالح وين بتسكن في زلمسي ولا كابرون ؟

ALI_Q8_77
تصدق وردت لي فكرة انسبورك بس تخليت عنها لأني عادي متعود عالمسافات الطويلة سنة 2007 سقت السيارة 14 ساعة
وبيني بينك بخليها 3 ساعات عقب اريح بينهم عقب اكمل 3 ساعات
ومشكور عالإفادة والله يجزاك خير بصراحة فدتني حيل
واشلون اقدر اعرف المسافات بين المدن في موقع يفيدني بالإضافة لخرائط غوغل اقصد موقع يعطيني الحسبة رقمية بدون خرائط
وعندي سؤال ثاني بما انك خبير النمسا وسامحني ثقلت عليك
الحين انا كنسلت فكرة اني اسكن في زلمسي لأنها زحمة وفنادقها مافيها مكيفات
وقررت اسكن في كابرون لأنها اهدئ بس بعد فنادقها مافيها مكيفات
في فنادق مزودة بمكيفات ولا عادي تمشي الامور بدون تكييف