يال هلا وغلا
اولا فيه عرض بين باريس ولندن بقيمه 88 يورو قريته امس
انتم كم شخص
قصدك كونكورد لافييت
هذا قريب من الشانز مشي 15 دقيقه تقريبا بالمترو من محطه بوخت مايو الي الشانز 4 دقائق بالكثير
تفضل شوف بالماب كم تبعد ايفل عن الشانز
وفيه خطوط مباشره بالمترو يعني مو بعيده مره
http://maps.google.com/maps?saddr=George+V,+Paris,+France&daddr=Eiffel+Tower,+Paris,+France&hl=ar&sll=48.864125,2.29633&sspn=0.030377,0.084543&geocode=FU266QIdmRojACnbm-_-6W_mRzG2AUZpQT9H-Q%3BFYOE6QIdOAMjACE4tlTy_s-0kA&vpsrc=0&dirflg=w&mra=ltm&t=m&z=15
انت بس تعبر نهر السين بتكون في منطقه الشانز انا اخترت لك محطه جورج سناك بس لو تختار محطه فرانكلين بيكون اقرب ولو بالمشي بتكون بالمنطقه بكم دقيقه
فندق اربع نجوم وكويس ورائع
https://www.booking.com/hotel/fr/cristal-champs-elysees.ar.html?aid=1300939
وفيه هذا ارتفع تقييمه واصبح افضل من الاول كتقييم ولكن يقع خلفه وقريب من الشانز مشي
https://www.booking.com/hotel/fr/arioso.ar.html?aid=1300939

1. ابيك تعطيني خيارات اكثر اذا ممكن واكون شاكر لك

مرحبا اخوي فيصل
اتوقعتك اترد على الموضوع بس ما اتوقعت بهسرعه ما شاءالله عليك
العدد اثنين انا ومعاي واحد
للامانه السفره جات بسرعه يعني انا مومخطط لها ولاكن الي صار اني برجع اقدم امتحاناتي بلندن ببداية شهر 1
وكلمني واحد من ربعي وقالي يبي يسافر لندن وباريس وبحكم اني بكون في نفس الفتر بلندن يبيني اكون معاه
لانه اول مره يسافر لاوربا وهو بيكون متكفل بسفره ولاكنه اوكل مهمة اختيار الفنادق علي لان ماعنده خبره
بنسبة الى لندن اخترت وخلصت لاني اعرفها وعايش فيها بس باريس مع الاسف زيارتي لها كانت من زمان
لهشي قلت ابيكم اتساعدوني وخصوصا اني مقيد بميزانية معينه وتبي الصراحه ابي اجيب فندق حلو وبسعر الي طالبه
لان مب انا الي بدفع فمابي يطلع شكلي مب حلو
بنسبة للفندقين الي كتبتهم دخلت عليهم تبي الصراحه الاول افضل من الثاني بس بعد ما اتشجعت لهم
ادري بتعبك وياي بس ابيك اتشوفلي غيرهم وماقلت لي رايك بلفندقين الي كتبتهم الي بمنطقة ايفل تاور
وشنو رايك بلمنطقة انا لقرب والبعد مايهمني وايد يعني طبعا مابي شي باخر الدنيا بس بعد مابي فندق بشانزليزية ومايسوا
لان النوفتيل عجبني شكله واحسه يستاهل بس ما اعرف بنسبة لموقعه اشرايك فيه ونفس الشي الفندق الثاني الي كتبته لك
وكنت بسالك اخوي فيصل بنسبة لكوفي شوبات الشانزليزية هل فيها جلسات خارجية بشتاء ولا لا
واذا الفندق ماكان بشانزليزية وين تنصحني اسكن

ابيك تعطيني خيارات اكثر اذا ممكن واكون شاكر لك

وبنسبة للتنقل من لندن لباريس اشرايك انت اخليها طياره ولا قطار وكم سعر التكت من لندن لباريس ون ويه سوان على الفرست او السياحية
واسمحلي على كثرت اسالتي وطلباتي بس مثل ما انت عارف لو انا صاحب السفره او الي بتكفل فيها وصار اي خطاء بلختيار عادي انا الي بتحمل بس لمى يكون شخص ثاني هو الي بيدفع وانا الي بختار راح انحط بموقف محرج لو طلع اختياري خطاء
وانا بنتظارك اخوي فيصل

الفنادق اللي ذكرت قريبات من برج ايفل
ولكن ما اعلم هل هي قريبه من ايش قصدك الشانز ارفقت لك الماب قبل شويه تحب تروح مترو او مشي
مع انه بالصيف المشى حلو ما جربت المشي هناك بالشتاء
كوفيهات الشانز فيه جلسات برا اذا الجو كويس
الفندق كريستال صدقني روعه لو مكانك ولقيته بالسعر هذا بسكن فيه بدون اتردد اذا ما تغير
منطقه اللي حول برج ايفل كويسه ورائعه حقيقه
البريطانيه توفر طيران الي باريس من مطار هيثرو وتقريبا اذكر امس اتصفح بحدود 300 ريال
فيه ايزي جيت من مطار لوتون شمال لندن الي مطار اورلي بباريس تقريبا 35 يورو من غير العفش
القطار ممتع حقيقه والاسعار تختلف بس بحدود 50 - 60 يورو او شوف عرضهم اللي ب 88 يورو ذهاب اياب بس ما ادري هل هو محدد بوقت معين
اسئل يا غالي زي ما تقدر اللي بعرفه بجاوبه
تحت الخدمه

مشكور اخوي فيصل واسمحلي تعبتك وياي
وان شاءالله ناوي على فندق كرستال باذن الله لاني حجزت فندق لندن وباجر بحجز باريس
وانا واثق بشورك
والحين بتعبك معاي اشوي
لان ابي جدول حلو حق 4 ليالي
ابيك اتسويلياه بتفصيل اهم الاماكن والمزارات وابي اروح دزني لاند
وابي رايك اذا 4 ليالي حلوة ولا لا لان قبل كانو 5 ليالي بس خليتها 4 ليالي
وانا بشوف التقارير بعد بس جدول منك اذا ممكن
وممكن اتجطلي موقع القطار علشان احجز منه التكت بعد اذنك
واسمحلي على الازعاج

انت شوف التقارير ونرتب اللي تحب تزورهم
ديزني يعني يوم
يبقي لك 3 ايام تحب اللوفر ومتاحف ولا تبي فرساي واسواق
بعض المواقع ما زرتها بالشتاء فاخشي اختارهم ولا تعجبك بس بعطيك تقرير شتوي شوفه وقارن
موقع القطارات الداخل باريس ما يحتاج
ااذا قصدك حق باريس ولندن ابشر
http://www.raileurope-gcc.com/
التقرير
https://artravelers.com/p/re/471470
وكذلك
https://artravelers.com/p/re/496586
اصدقاء وآثق بتخطيطهم كثير

1. بس مشكلتي ما اعرف التنسيق بين الاماكن لاني ما اعرف المسافه

مشكور اخوي فيصل تعبتك وياي
وانا دخلت وشفت التقارير وجذبني تقرير اخونا ببسي كولا لنه مدته قليله وراح اماكن وايد

بس مشكلتي ما اعرف التنسيق بين الاماكن لاني ما اعرف المسافه

مثلا انا ابي ازور برج ايفل وقوس النصر ومتحف اللوفر وقصر فرساي والكونكورد والشانزليزية والهضبه والحي اللاتيني وكنيسة نوتردام واللديفيس ولافيتي جالري ونهر السين
ودزني لاند والاوت لت تقريبا هاي الاماكن الي اعرفها مادري لو في غيرها فابي اعرف المسافه بينهم وشنو الاقرب والي اقدر ازوره بيوم واحد لو تقدر اترتبلي لاني كل ما ابي ارتب اتخربط وانا بزورهم بتكسي لهشي هل في اماكن مافيها تكاسي وايد وبعد ابي اسال هسؤال هلتكاسيهم يتكلمون انجليزي ولا لاني تعقدت وانا بالمانيا وتركيا والنمسا لان مو الكل يتحجى انجليزي فمادري شلوضع في باريس
وابي اسالك بنسبه للقطار هل في خصم لطلاب ولا لا
وانا يمكن اخذ قطار الساعه 12 الظهر او الساعه 2 الظهر ومابوصل باريس الا يا 3 وربع يا 5 وربع وعلى ما اروح الفندق لهشي بعد ابي اعرف هل اقدر استغل هليوم اني اروح مكان ولا بس الشانزليزية
وبعد بلقطار انا ناوي اخذ فرست بس لاحظة في فئةالبزنس وهي اغلى فمادي اشتفرق على العلم ان بطياره الفرست اغلى من البزنس ولا هم نظامهم غير
واسمحلي على كثرة الاساله بس والله ابيارتب الجدول الني محتاس وبعد بسالك عن المطاعم شنو الافضل عندهممن مطاعم وكوفي شوبات وهل في مقاهي عربيه وشيشة مثل لندن ولا لا اذا فيه دلني عليهم اذا اتعرف
واسمحليع لى الازعاج

1. انت كذا بتضغط برنامجك

انت كذا بتضغط برنامجك

يوم ديزني لاند والاوت لوت تروح علي طول لاوت لوت وبعدها تروح لديزني ويبيلك تستخدم الباس اللي بتشوفه قدام بعض الالعاب علشان توفر وقت كثير ولا تقدر تزور الاستديو لان وقتك بيصير ضيق ولكن تقدر تشوف العروض اللي تقدم الساعه 4 تقريبا
بخصوص الفريست والله ما ادري بالضبط
بخصوص الشيش ممنوع هنا الكلام هنا ولا جربت والله يا غالي
الكوفي شوب يا رجال بكل شارع بتلقي كوفي عد واغلط طبعا بالشانز الاغلي وبقيه يكون ارخص يعني لا تشيل هم
المطاعم العربيه فيه وكثيره وغاليه
التاكسي ما يحتاج يا غالي
القطار مكان الاستعلامات بتشوف لوحات للموظف اللي يتكلم انجليزي
مثلا انا ابي ازور برج ايفل وقوس النصر ومتحف اللوفر وقصر فرساي والكونكورد والشانزليزية والهضبه والحي اللاتيني وكنيسة نوتردام واللديفيس ولافيتي جالري ونهر السين
بخصوص انك تجي العصر او وقت اخر تقدر تزور ايفل بس الله يعينك علي البرد ما اتوقع تقدر تزور الطابق الثاني من البرد
وحوله عروض وحديقه تشوفها ومقاهي ومطاعم قرب محطه تراكادور وبجانب البرج نهر السين تاخذ لك قارب مدته تقريبا 55 دقيقه بس اذا برد مدري تحب او لا
وبعدها تقدر ترجع للشانز تتمشي فيه الي محطه الكونكورد مع قوس النصر في بدايه الشانز
الحي اللاتيني وكنيسه نوتردام قريبات من بعض تقدر تزورهم وقوول 3 ساعات من وراهم وتتغدي بمطاعم الحي اللاتيني او تتعشي وفيها مقاهي
ويكون قبل بنفس اليوم تروح للهضبه مونمارت وفيها مقاهي ومطعم عربي اعتقد اسمه شهرزاد يعني فيه وقت لك بهذا اليوم
باقي لك يوم تروح فرساي وترجع لاديفانس ساعه اتوقع وقتك هنا بيكون 6 ساعات ولا راح تلحق علي جالري لافييت واللوفر فيه ايام يقفل 9
هل اليوم اللي راح توصل فيه محسوب من الاربع الايام
ايش اللي راح تضحي فيه وتبي تاخذ وقت قليل
فرساي انا اشوف بالصيف اروع من غيرها هي وايفل
وياليت الشباب يشاركونا
معاك لين تضبط امورك وكل التنقلات بالمترو ولا مشي

اسمحلي خويفيصل تعبتك وياي
والمدة 4 ليالي 5 ايام
من يوم الاحد تاريخ 15 يناير الىالخميس 19 يناير
وطيارتي بتكون الساعه 3 العصر يعني مابستغل اخر يوم
انا كنت متردد وبعد ماشفت ردك تحسفت اني مامددت يوم لاني خلاص حجزت ودفعت واخترنا فندق كريستال
وانا فكرت يوم الوصول اخليه لبرج ايفل والحديقه المجاوره ونهر السين والشانزليزية
ثاني يوم اخليه لدزني لاند كامل والغيت الاوت لت لاني متسوق بداية الشهر بلندن وكنت بس بشوفه بس اذا بياخذ مني وقت خلاص بلغيه
ثالث يوم اخليه لقصر فرساي وبعده متحف اللوفر والاديفناس
رابع يوم اخليه للهضبه وبعدهاالحي الاتيني ونوتردام وجالري لافيتي
وخامس يوم هو يوم العوده يدوب نصحى وانسوي شيك اوت وعلى المطار
اشريك بلجدول
وابي اعرف الاوقات مثل قصر فرساي متى يفتح ويصكر ونفس الشي اللوفر ودزني لاند
وهل اقدر ادخل كنيسة النوتردام ولا بس من برا
وهل في اماكن تنصحني ازورها باوقات معينه ولا لا
وهل عندك ملاحظات على الجدول ولا لا
وابي شرح اشلون اروح لدزني لاند بلمترو
وبنسبة لستخدام التكسي لان الي معاي مايحب المترو يقول بهدله
وبنسبة لشيشة لان الي وياي يشيش وسالني هسؤال وقلت مادري ممكن اتعرف حد عنده علم بمكان يكون نظيف وكويس
فمادري اذا ما تقدر تكتبه هنا تقدر تكتبلي او تسالي وترسلي برساله خاصه لو في مجال
واسمحلي اخوي فيصل تعبتك وياي

هلا وغلا
برجع لك الليله ولا الفجر بالرد لاني لو ارد اعرف نفسي مش بالفورمه الحين
تحياتي لك