مساكم الله بالخير
ان شاء الله ناوين السنه هذي نسير على المانيا
ونبي مساعدتكم بجدول مضبط ومتكتك
حجزنا على الخطوط الاماراتيه بتاريخ
7يونيو إلى 10 يوليو
من الرياض ل دبي ل ميونخ
وبالعودة نفس الشي
قلت لاهلي يخلون ترتيب السفره علي
وبس حجزت الطيران
وباقي الشقق والمواصلات والاماكن السياحيه
غير اننا ناوين يوم او يومين في باريس
5 ايام النمسا
3ايام سويسر
ونبي نروح لها بقطار
نبي اسم الشركه عشان احجز من اللحين على مقاعد
ابي اهم شي بهالاماكن الفنادق مرتبه وباسعار زينه وتكون في شارع عام
عشان لارجعنا الشقه انزل واتمشى تحت
المانيا نبي شقة فندقيه
باقي الدول مايهم اهم شي سعر ومكان مضبوط
وودي ارتب جدول زين بحيث الاماكن اللي قريبة عند بعض نروح لها في يوم
يعني ما ابي نروح مكانين باليوم واحد شرق وااحد غرب
معنا 3 بزارين
غير 2 من اخواني من الشعب السوداني
نبغى مثلا اذا طلعنا للنمسا وسويسرا وباريس نترك الشقه نهائياً
واذا رجعنا نحجز شقه ثانيه
عشان توفير الفلوس وكذا
يالله همتكم اخواني وان ششاء الله لكم دعوة بصلاتي
وان شاء الله اذا ربي قدرني انزل تقريرنا
والله يا بنت العم.. شغلتك شغلة، معقدة لأنكم تبون مواصلاتكم بالقطارات
وهذي يبي لها ترتيب دقيق ومحكم للغاية خصوصا في تغيير القطارات بالمحطات
والله يا أنتو بتضربون مشاوير ، بحياتكم ما ضربتوها
المسافات لا تحسبونكم طالعين للنفود وراجعين
بس نصيحة... خلوكم على الديار القريبة من ميونيخ
يعني من ميونيخ انحدروا على زيلامسي كم يوم ووسعوا صدوركم بالخضار والجو الزين
والثلوج براس الجبال والبقر حولكم حواليكم الحليب على قفى من يشيل
ولامنكم قضيتوا من زيلامسي اصعدوا لإنترلاكن في سويسرا منطقة برأيي أحلى من زيلامسي النمساوية
بعدين انزلوا لميونيخ وخلوها آخر يومين تسوق
لأن من جنيف إلى ميونيخ حول 600 كيلو وبالقطار بتملون خصوصا الأطفال
وفيه محطات تغيرونها أكثر من محطة
وتعالوا لدبي همن للرياض ولا تبطون
بالنسبة للشقق إن شاء الله مقدور عليها
بس رتبوا هدفكم بالسفر وين بتروحون وتنازلوا عن بعض المدن خصوصا باريس المخيسة
رحلة ممتعة إن شاء الله