نشر في تركيا

ساعدوني باسافر تركيا

فديت ولدي

12-01-2022 - 06:38 am

شلونكم يا احلى اعضاء بأحلى منتدى
الصراحه اللي شجعني اني اكتب في هالمنتدى روح التعاون اللي شفتها بين الاعضاء اللي حسستني انكم اتعرفون بعض وانكم اكثر من اخوان علشان جذي حبيت اتساعدوني بترتيب جدول لتركيا لمدة اسبوعين بس يكون جدول يناسب مولود عمره 5 شهور يعني وين اروح وشنو المناطق اللي تصلح لسن ولدي ادري اني راح اتعبكم بس اتمنى انكم تستحملوني وماتفشلوني ومشكورين مقدما

التعليقات (6)

عيون الطيف

12-01-2022 - 08:51 am

حياك الله أختى الكريم:
وان شاء الله ماحد يقصري معاج باي شي،من خلال قراتى للمنتدى اخ مقيم وضع برنامج جميل جزاه الله خير ممكن تستفيدين منه خلال الرحله لان الاجواء بتكون نفس الشي وهذ شى ضروري للي عنده رضيع،تفضلي الرابط:
برنامج مختصر لزيارة تركيا لمدة 15 يومًا
https://artravelers.com
وأي أستفسار حاضرين.
تحياتى لج.

مقيم

12-01-2022 - 09:53 am

اختي فديت ولدي
العام الماضي كان معي ولدي و عمره ثمان شهور ، و البرنامج كان جدا ممتاز
لكن هناك بعض الملاحظات :
1- لا تتاخروا في المساء
2- اثناء البرنامج اليومي خذوا معاكم شنطة الولد المحتوية ( حفائظ ، الحليب ، الماء ، دواء السخونة - ادول او تمبرا ، مناديل معطرة ، منشفة ، غيار ملابس )
و اي استفسار حاضر

عيون الطيف

12-01-2022 - 10:54 am

بارك الله فيك اخوي مقيم،وجزاك لله خير،الصراحه خبره في شئون العائليه والسفر.
جعلك الله ذخر لهذا المنتدى المعطاء.
تقبل تحياتى.

فديت ولدي

12-01-2022 - 11:55 am

عيون الطيف مشكور اخوي على الرد وعلى الرابط الأكثر من رائع
اخوي مقيم مشكور على الملاحظات اللي ذكرتها والجدول اللي حاطه الصراحه روعة وماقصرت على هالمجهود بس حبيت اسأل عن الجو هناك هل ينفع لولدي بو 5 شهور ولا تحس ان الجو بارد عليه من خبرتك مع ابنك الله يخليه لك واسمحلي على الازعاج بس شاسوي هاذي اول مره اسافر فيها مع ولدي وماودي اضره

مقيم

12-01-2022 - 12:56 pm

مشكور اختي عيون الطيف على الثناء و لا يسمعك الحبيب الباب العالي
تري ما يخليني اقعد في البوابة ساعة ، ههه
اختي فديت و لدي
اضيفي للقائمة اعلاها عربية صغيرة
( بحيث لو تطبقت و يسهل حملها و في المطاعم تتطبق و تتركن على الجدر - حلوة الجدر ههه)

فديت ولدي

12-01-2022 - 01:57 pm

ههه صج حلوه الجدر
اما بالنسبه للعربه فانا حاطه في بالي اخذ من هذا النوع ان شاء الله

تركيا المسافرون العرب

ساعدوني باسافر تركيا