احلام المتكبرين
15-08-2022 - 06:20 pm
السلام عليكم ورحمه الله وبركاته
انا مخططه اسافر بالصيف شهر 7 سنه 2012 اما لندن وباريس وسويسرا
وسبق اني حطيت طلب بتخطيط رحله لها
او بريطانيا
والحين ابي تخططون رحلتي الى بريطانيا فقط وانا اختار واحد من الاثنين على حسب ايهما افضل لي
بصراحه انا عمري مارحت بريطانيا
وابيكم تساعوني بافضل واروع المناطق
على فكره معاي 3 اطفال . ابيكم تراعون الاماكن اللي فيها ملاهي
وابي السفره تكون بحدود 20 يوم من ضمنهم لندن
وانا افضل المناطق الريفيه لاني احب الريف واحب الخضره واحب الاكواخ والطبيعه والهدوء
ما احب اماكن الصخب ولازم تراعون معاي اطفال احنا عائله
ونبي نأجر سياره طول فتره الرحله من اول السفره الى اخرها
وضروري تبلغوني بالمسافه بين كل منطقه ومنطقه راح اروح لها وهذا مهم بالنسبه لي
ابي اعرف اشكر ياخذ وقت
وهل بريطانيا بارده بشهر 7 والا حاره يعني شنو اخذ ملابس
ضبطوني بسفره ما انساها طول عمري
واكون لكم شاكره
مثل ما قتلج سهله من بريطانيا الي باريس بالقطار
لكن سويسرا لازم طياره
المهم
بالنسبه لشهر 7-2012 ماعتقد بيكون اختيار جدا موفق .. بسبب بدايه الالعاب الاولمبيه في لندن الاسعار بتكون شابه نار و زحمه غير طبيعيه من جانب الالعاب و جانب اخر ان العرب بييمعون كلهم بلندن هالشهر بسبب رمضان ووقتهلو تخلينها بعد العيد او شهر 5 او بدايه 6 افضل
ما انصح بالسياقه في بريطانيا لعده اسباب
اولا السواقه باليمين .. عكسنا و عكس المانيا و النمسا يعني صعبه الواحد يتعود عليها بسرعه و شوارعهم و دواراتهم كلها يمين عكس اللي متعودين عليه و بيكون وياكم يهال يعني مو مال تعلوم و مغامرات ..
ثانيا اسعار الوقود في بريطانيا بتكسر الميزانيه
ثالثا لندن مدينه مزدحمه و باغلب الاماكن ماراح تلقون باركينق للسياره حتى عند الفنادق مافي يعني بتقطون سيارتكم بمكان و بتمشون لكم مسافه تهد الحيل او بتدفعون مبلغ كبير للباركينج
رابعا المواصلات العامه في لندن مثل الباصات و الاندرقراوند متوفر و بسهوله و ممتعه و رخيصه نسبيا و توصلج اي مكان تبينه باقل جهد حتى اهل الديره نفسها يفضلونها علي السيارات الخاصه
و غيرها من الاسباب .. السياره اوكي انصحج فيها في المانيا و النمسا و سويسرا و غيرهم من دول اوربا .. الا لندن .. لندن غير ..
بالنسبه للطبيعه ممكن تخلين لج 3-4 ايام في البحيرات .. او تروحين صوب اسكوتلندا ايضا 3-4 ايام للتغيير ..
لندن بروحها لا تقعدين فيها اقل من 7 ايام .. تستاهل و ما تنمل !
بالنسبه للملاهي و سياحه الاطفال في موضوع خاص كامل لهالشي سواه الاخ موادع اطلعي عليه ..