عني انا كله انزل في هيثرو
اختي
كل مطارات العالم فيه زحمه
وهالاشياء روتينيه والكل تعود عليها
يعني في مطار هيثرو ما راح اطولين اكثر عن ساعه
توكلي على الله وانزلي ع اقرب مطار لمدينتج
موفقه

وعليكم السلام ورحمة الله وبركاته
هلا وغلا Maaay
وحياكم الله بين اخوانكم وخواتكم وان شاءالله اتفيدون وتستفيدون
نفس ماقال شيخنا ناصر ..المطارات كلها زحمه
وبعدين مانشستر بعيده عن لندن ( 3 ساعات بالقطار )
إلا إذا بتقعدون في مانشستر ..
وزحمة هيثرو راح تتفادونها إذا انتوا على البزنز او الدرجه الأولى لأنهم راح ايوزعون عليكم بطاقات الدخول السريع
وإذا كنتوا على السياحيه حاولوا مع احد الموظفين في الطياره ايجيبها لكم بالخش :8888:

انا عارفه انه كل المطارات زحمه بس الا مايكون في فرق احنا على الدرجه الاولى بس يعني سمعت انه مانشيستر اخف وحبيت أتأكد لانه هيثرو تمشي مسافه طويله والاجراءات ومدري ايش والشنط على بال ماتنزل يعني اللي جرب مطار مانشيستر ومطار هيثرو شاف فرق ولا عادي كلهم مثل بعض

أختي MaaaY
إن شاء الله تروحين وترجعين بالسلامة، والله يسهل لك أمورك كلها، وتكون سفرتك أمنه وهادئه...
أختي الكريمه
إذا كانت وجهتكِ الى لندن مباشره (يعني إذا كان عملك او دراستك او سياحتك في لندن)فأنتي مضطره للهبوط بمطار هيثرو > ومطار هيثرو ليس بذاك السوء برأيي، لإن الزحمة في هذا الوقت أخف من الزحمة بالصيف .. وحتى الزحمه بالصيف صدقيني ما تاخذ منك أكثر من ساعة من تنزلي من الطيارة إلى باب الخروج والعفش سريع تحصلينه قدامك...
أما إن كانت وجهتكِ الى مانشستر فأنت مضطره أضطراراً >>حلوه أضطراراً أعجبتني

maaay
إذا على الدرجه الأولى فراح ايكون لكم مسار خاص عند الجوازات يختلف عن ركاب الدرجه السياحيه وفي العاده هالممر الخاص بركاب الدرجه الأولى ودرجة رجال الأعمال ايكون فاضي
فلاأتحاتون دام انكم على الأولى

مرايا الغيم يسلمو ياعسل على الرد الذوق انا جايه سياحه اسبوعين وراجعه وعندي ناس راح امرهم بليدز وبعدين راح نطلع انا وياهم للندن بس بعد كم يوم من وصولي فاحبيت اعرف اذا كان مطار مانشيستر افضل من ناحية الزحمه اخف واسرع جيت على مطار مانشيستر وخليت لندن بنهاية رحلتي على اساس العةده منها اما اذا كان والله مافي فرق جيت على لندن وجلست يومين ثلاثه وطلعت لليدز ومره ثانكس على الرد المحترم
القطري هي درجه اولى والله يكتب اللي فيه الخير لانه مره جيت على لندن وتضايقت مره زحمه ومسافه وعلى بال مانزلت الشنط تعبت مره عشان كذا حابه اتاكد خصوصا انه راح اجي لحالي

لندن وإن كانت زحمة فالنظام يخلي كل شي يمشي بسرعة فلا تحاتين
والله يوفقج وتروحين وتردين بالسلامة
وتتهنين يارب

هلا اختي مطار مانشستر اخف كثير من حيث الزحمه والتفتيش مافي مقارنه بمطار هيثرو

هلا اختي البارحه نزلت لمطار هيثرو ولا لقيت صعويه والشنط بسهوله واذال كان علي بعد من نزول الطائره للجوازات فيه سلالم متحركه ارضيه