السلام عليكم ...
اختي الحب الابدي اولا توصلين بالسلامه انشالله ..
البلد اللي بتروحين لها حلوه من ناحية الموقع ،بلجيكا لها حدود مشتركه مع هولندا وتبعد بالسياره تقريبا ساعتين واما بالقطار ربع ساعه او ثلث مش بعيده ولها حدود مع المانيا وفرنسا ولكسمبورغ وتلقب بروكسل العاصمة بعجوز اوروبا هي الدوله اللي ما شاركت في الحرب العالمية بتشوفين البناء القديم
محافظين عليها وانصحج اتروحين في بلجيكا منطقه نامور اللي تمتاز بطبيعتها وقلاعها ومدينه انترويب الشهيره اللي تمتاز بالماس البلجيكي منطقة اليهودتعتبر اهي ،وبروغ بعد ،بروكسل فيها فندق شيراتون اللي يمتاز بقرب من السوق والمجمعات التجاريه طبعا ياحبهم حق السوق الحريم دخلي مجمع سيتي تو في مجمع نفس ماركس اسبنسر اعتقد اسمه inno
وشهر 7 يكون عندهم تنزيلات وفي مدينه تبعد عن بروكسل تقريبا ساعة في مجمع تجاري كل الماركات واسعاره مخفضة جدا تصل 70%
انصحج اتروحين مدينه هولندية اقريبه من حدود بلجيكا rotterdam فيها اسواق حلوه
اما المانيا ما انصج اتروحين في توقيت كاس العالم بعد البطوله ممكن بتروحين منطقه على حدود بلجيكا اقريبه koln و dusseldorf و frankfurt.
اما باريس تبعد عن بروكسل بالقطار ساعة و25 دقيقة بالضبط
كل المناطق اللي قلت لك المشتركه مع بلجيكا التوصيل بالقطار في محطة قطار في بروكسل اسمها midi منطقة اخوانا المغاربة .
وسامحيني على القصور وسفرة ممتعة انشالله .

كشاف قطر
تسلم اخوي عالرد والمعلومات الوافية اللي عطيتني اياها
تسلم ما قصرت
اختك
الحب الأبدي

السلام عليكم ....
اختي باريس هلتون
االقرية اسمها maasmechelen village انا ما جربت اروح لها بالقطار .. كله بالسياره اروح .
في قطار يوصلك للقريه تقدرين اتزورين موقع السوق على http://www.massmechelenvillage.comوتتعرفين كل شي فيه .
اما بالنسبة كيفية الوصول الى ديزني لاند عن طريق القطار ؟
اتروحين محطه اسمها midi (ميدي) بس انتي من تدخلين حي واتشوفين قهواي عربية اعرفي انك قريبة من المحطة والمنطقة اسمها ميدي لا تنسين ,وتشوفين كونتر لقطع التذاكر واتقولين لهم ابي اروح على قريةاسمها marne -la-vallee اللي فيها ديزني لاند وهناك عدة شركات قطارات السريعة وهي شركة TGV / Thalys على طول من تركبين القطار ما يتوقف الا وانتي في ديزني ساعة ونص بالضبط
اسعار التذاكر تقريبا مش متذكر والله بين 30 يورو -60 يورو .
واحسن سكنته فندق في ديزني من ناحية التكيف والقرب من الا لعاب اهو Disneyland hotel اتحصلين الشخصيات ميكي واخوانه داخل الفندق .
توصلين بالسلامة انشالله

مرحبا اخوي كشاف قطر .......ماشاء الله عليك شكلك خبير سفر
عشان جذي ابيك ترتب لي برنامج محترم ( ماعليك امر )
ان شاء الله بنروح بلجيكا في تاريخ 2/8 ...بس قالوا لنا مافي دايركت يعني بتكون على طريق المانيا فبشنو تنصحنا نقعد في المانيا كم يوم وبعدين نروح بلجيكا ...او نروح على طول بلجيكا ...نسيت اقولك بتكون مدة الرحلة 10 ايام ... عشان بخلي ولدي الصغير ابوه مب راضي نوديه ....باقول لك قصة حياتي. :_)
.يعني عددنا 3(انا وزوجي وبنتي 4سنوات ).......وسلامتك