أفا عشرين مشاهده ومافيه ردود

اختي
برأيي نعم غالية
التكاسي غالية جدا
المطاعم غالية جدا
الفنادق في الحد المعقولالترام زحمة و لازم صبر
الباصات راح يتعبك العفش
التكاسي نارالاكل
صحن سلطة صغير 13 ريال
صحنين شيش طاووق صغير 65 ريال
صحن شيبس صغير 12 ريال
2 كولا 20 ريال
هذا غدانا امس شي بسيط بسعر 110 ريال

a better man
يوه مره غاليه ماتوقعتها كذا !!
اجل غيرنا راينا خلاص ,خلينا على اندنوسيا أحسن

اسبوعين تكلفتها بالمعقول 25 الف ريال شامل لكل التكاليف
وممكن توصل ل 30 الف ريال اذا كانت الفنادق 5 نجوم

أنا دوبي جايه من تركيا
وكانت سفرتنا موفقه الحمدلله ليش
لانو من قبل السفر بثلاثه شهور انا أقرأ بين التقارير والاستفسارات ورتبت السفره تمام واستفدت كتير وبالتالي ما حسينا انو تركيا غاليه
حسيت المعيشه فيها ممتازه ما عدا أسعار التكاسي لأنو ما حبينا نتنقل بالمواصلات العامه لانها دائما زحمه واحنا عائله كبيره ماشاء الله فراحتنا الأهم
يعني سافرت تركيا وأنا عندي خلفيه كبيره عشان كدا الحمدلله ما دفعنا فلوس الا في مكانها
خدي مثال عند الوصول كانو حمالين الشنط يتصيدو المسافرين القادمين من السعوديه تقريبا بس يحمل الشنط للبوابه ب 50 ريال احنا أخدنا عربيه وحملنا شنطنا بنفسنا بليره بس
عند بوابة الخروج في مكاتب توصيل عرضو علينا توصيلنا لفندقنا ب 150 ليره وغيرهم لما وصلنا معاهم لسعر 60 ليره أرخص شي وكانو يقولولنا انتو عيله كبيره لازم تاكسسين يعني توصيل بسيارتنا أرخص وهما كدابين طبعا
خرجنا واخدنا تاكسي كبير وصلنا لفندقنا بالعداد تقريبا 30 ليره وأخد عشره ليره لانو عددنا سته أشخاص يعني 40 ليره
وكمان عرض علينا الفندق رحلة البسفور لعددنا 6 أشخاص ب 850 ريال
واحنا رحنا بأنفسنا لميناء أمينونو من السلطان أحمد 7 ليره تاكسي + 350 ريال كلفة رحلة البسفور ل 6 أشخاص
عندك في رحلة البسفور في محطة اسمها أناضولي كفاجي توقف فيها السفينه ساعتين قابلنا عائله لبنانيه وحكولنا مطعم سمك نصب عليهم في أناضولي وتغدو فيه ب 700 ريال سعودي عشان ماانتبهو وطلبو المينيو
وفي نفس الجزيره شفنا مطاعم كتير ينادونا لاننا عرب وحسينا حينصبو علينا
رحنا مطعم لعائله ونفس الاسماك ونفس الشي وطلبنا المنيو وتغدينا بسعر ممتاز
أهم شي في المطاعم تطلبي المنيو وتنتبهي للاسعار
احنا مره ناسبتنا أسعار المطاعم
أهم شي تفتحي عينك تمام وترتبي رحلتك
وقابلت وحده قطريه فاجأتني بسعر عروض الفندق للمزارات التاريخيه في منطقة السلطان أحمد
واحنا ما كلفتنا غير تذاكر المزارات وبس
أهم شي اعتمدي على نفسك

زهره000
مشكوره على مرورك واعتقد ان تكلفة 30 الف واكثر لاسبوعين احسها كثير مره

فنونه ليمونه
والله ماقصرتي كفيتي ووفيتي
اختصرتي علي اشياء كثير
وفعلا النصب في كل مكان بس الواحد لازم يعتمد على نفسه ويكون نبيه بكل شي
شكلي بعيد النظر في الموضوع
حبيبتي بكلف عليك شوي ,ياليت تقولين لي
اهم المدن اللي لازم نزورها بتركيا وعدد ايام الاقامه فيها؟ وكيفية التنقل بينها بسياره او طياره ؟
ولك مني كل الشكر

اولا شهر 2 يبكون الجو بارد واخذيلج جولة على تقارير الاعضاء ورتبيلج احلى جدول يناسبج

1. شلالات مانافقات لا بعيده وما تستاهل


2. البلده القديمه كاليسي حلوه وفي منتزه جنبها ع البحر مره روعه

زيارة المدن حسب ذوقك ايش تحبي وحسب طبيعة الجو الا يناسبك
أنا زرت اسطنبول وانتاليا في شهر سبتمبر كان الجو رائع في اسطنبول أما في أنتاليا حراره شديبده زي حرارة السعوديه
اسطنبول حلوه وطبعا هيا الأساس
ممكن بورصه أو يلوه بس صراحه ما زرتها وأعتقد الجو حيكون بارد جدا فيهم شوفي تقارير الأعضاء عن بورصه و يلوه
أنتاليا أعتقد حيكون الجو رائع فيها
مريحه نفسيا كتر من اسطنبول بس صراحه الجو الحار عكر علينا شويه
وأهم ما يميزها المنتجعات برضو ماانبسطنا في المنتجع الا أقمنا فيه أول شي الحر
تاني شي التعري
تالت شي الخمور وبعض الأجانب سكرانين مره
القروبات الأجنبيه في المنتجع ومره زحمه يمكن في شهر 2 ميلادي يكون غير
وكان المنتجع شامل الوجبات التلاته والأكل خورافي بس أصناف كتيره وكميات كبيره تدوخ
وأيضا تتميز أنتاليا بالشلالات منتزه شلالات دودان يجنن

شلالات مانافقات لا بعيده وما تستاهل

البلده القديمه كاليسي حلوه وفي منتزه جنبها ع البحر مره روعه

ونزلت كمان في فندق رمادا بلازا رائع خمسه نجوم بمعنى الكلمه الغرف مريحه وواسعه والفطور مطل ع البحر والموقع ممتاز في وسط أنتاليا وخلفه شارع حلو مطاعم ومحلات والتسوق في أنتاليا رخيص أتذكر اشتريت بلايز حلوه وبخمسه ليره واكسسوارات واشياء حلوه
عموما هيا مدينه بسيطه وهاديه وصغيره تستاهل 4 أيام أو خمسه مو أكتر
وفي مكاتب سياحيه بس أسعارها غاليه شويه تقدم رحلات زي رحلات سفاري بس كان الجو حار ما قدرنا نروح
وفي رحلة تجديف بس بعيده عن أنتاليا 85 كيلو
وفي أثار كتيره بس رحتها استفسري من الفندق أو المكاتب
أنا أنصحك بفندق رمادا بلازا احجزي من بوكينج السعر ممتاز لكن من الفندق نفسو أغلى
في مسبح وجيم وكوافيره وسبا
وسعر التذكره ع الخطوط التركيه 500 ريال
وفي منتجعات كتيره بس ما حبيناها أحس نظامها للأجانب مو لنا بسبب الخمور والديسكو
وبرضو شوفي تقارير وصور عن أنتاليا