السلام عليكم ...
مساء النور اخوي ابو احمد .
اي مجمع او مركز تسوق تلقى فيه قهوة او مطعم صغنون
وجلسات حلوة وتروق مزاجك وتنبسط وتشوف الناس
رايحة وجاية ...وعندك شارعنا المزعوم كل القهاوي
راصة هناك رص ...وعندك شارع تيلاوي لكن بعيد ويحتاج
تاكسي واغلب جيرانهم خمارات والعياذ بالله .
اجل عندك 2 اما المراكز مثل klcc او بوكيت بينتانغ .
وان قربت الدنيا والاسواق تقفل ابوابها اسرع لاي مقهى
واجلس فيها مع عائلتك قبل ما يخرجون الناس وتلقى زحام
وصعب وقتها تلاقي كراسي
موفق اخوي وقهوة هنية والسلام عليكم

وعليكم السلام
حبيب قلبي والله
ومشكور اخوي
طيب ممكن اسماء معينه
من القهاوي
بعد ماتقفل قهاوي شارعنا المزعوم
عشان التاكسي يفهم علي بسرعة
ويوصلني للمكان المطلوب
وأي شئ تتذكره قوله الله يحفظك
لاني اعرف ذوقك حلو بكل شئ
وصدقني منحرج منك كثير وتعبتك معاي
لكن ان شاء الله
تاخذ اجر والكل يدعيلك
والله يوفقك
وتتزوج
الزوجة الصالحة

السلام عليكم ...
هلا وغلا بحيب قلبي ابو احمد .....
قهاوي بوكيت بينتانغ تجلس لاخر الليل حتى قريب12
وبعدها يبدأون الدراكولا والوطاويط في الخروج
وتبدأحياة المراقص والخمارات ...وعلى خط بوكيت
بينتانغ وشارع سطان اسماعيل وبي رملي كل هالبلاوي
موجودة وتلقى جنبها بعض المقاهي الطيبة لكن الجيرة
سيئة وعندك المطاعم العربية سهر لاخر الليل يتفرجون
على عمرودياب يترقص مع البنات ومعسل وروايح ...
لكن رح عندهم وخذ لك قهوة او سلطة او ورق عنب
وبعد ماتتعب وتطفش ارجع الفندق مع اني اتمنى لك
اللي اتمناه لنفسي الساعة 11 وشوية انا بغرفتي .
وجنب استانا مطاعم عربية ...وبوكيت بينتانغ قريب
الساعة 1 وبعض المحلات تشتغل ..ما تطفش وطوله
واسع ...لكن في اخره بلى ماودي انك تشوفه .
موفق اخوي ابو احمد وان عندك استفسار اخر لا تخجل .
وترانا مادخلنا الا بغينا نتساعد ولك تحياتي وتقديري
والسلام عليكم

جزاك الله خير اخوي
وصدق من قال
يبين الموضوع من عنوانه
وانت توقيعك دعاء
وكلامك كله درر