باقي 12 ساعه
على موعد الرحله وللحين مافيه اي رد

اهلا وسهلا
بالنسبة للرحلات الجاية من ابانت فهي تقف في اسطنبول في منطقة اوتو قار او البعض يسميها "بايرام باشا "
وهناك ميترو من هذي المنطقة الى اكسراي ومن ثم الى منتصف منطقة السلطان احمد ...
والاريح من ذلك ان تذهبي مباشرة من منطقة بايرام باشا الى السلطان احمد بالتاكسي ب "20" ليره ...
تقبلي التحية وبالتوفيق

غلا روحى
تقف الباصات في مجمع الباصات واسمه اوتوجار ottogar
بعدين في المجمع نفسه تحصل محطة المترو مقابلك جوه المجمع تركب الى محطة اكسراي اخر محطة بعدين تنزل وتروح مشي الى محطة يوسف باشا وتركب الترام الى محطة السلطان احمد
بس اذا معك شنط وعفش صعبة شوي في هالحالة من رأيي انك تاخذ تكسي من اكسراي الى فندقك في السلطان احمد

طيب أكسراي بعيده عن محطة الترام
لأننا أثنين بس
وأغراضنا خفيفه

لا ليس بعيده خصوصا اذا كانت اغراضكم خفيفة ...
يعني مشي مافي مشكلة ....
بالتوفيق

هلا وغلا (( غلا روحي))
انا قبل اربع ايام رجعت من ابانت الى اسطنبول بالباص انا وزوجتي وطفل. خبرت المضيف اللي بالباص اني اريد منطقة تقسيم قال تمام. طبعا الباص يوقف في كذا محطة. المهم بعد ما وصلنا لمحطه ما اعرف اسمها نزل الشنط من الباص وقال لي روح لذاك الباص ويوصلك لمحطة تقسيم طبعا هذا الباص موجود في محطة الباصات يجمع الركاب ويوزعهم للمناطق اللي يبوها وهذا على حساب الشركة اللي تنقلك من ابانت اللي اسطنبول يعني ماتدفعوا شي. من رايي تكلمو المضيف اللي بالباص او ما راح يقصر وياكم.
تحياتي