السلام عليكم ..
أخوي علي 313
اللي أعرفه هذي منطقه شمال كوالا اسمها ( كوالا سيلانجور ) حسب ماذكر أخوي الشعيبي لو تسأل عنها المكاتب السياحيه اللي راح تتعامل معها هناك أو اللي في الفندق اللي بتسكن فيه ..
تروحلها بالسيارة المسافه قريبه الى حد ما .. والأفضل انك تطلع في منتصف العصر وراح تصلها على المغرب يعني اذا ظلمة الدنيا ..
هذي واحد من الشباب راحلها ويقول انها تستاهل الروحه .. يعني يقول انهم نزلوا في النهر بقوارب خشبيه اللي بالمجاديف ومعهم مصابيح ودخلوا من بين أشجار والظلام دامس .. شوي عاد شافوا المنظر اللي يستاهل الحشرات المظيئه تملا المكان فوق النهر .. هذا ما ذكر صاحبي ..
واذا تبي أسأله عن اي شي انا حاضر ..
تحياتي لك أخوي وبالتوفيق..

لا خلا و لا عدم أبوميسم
مشكور ما قصرت عزيزي

السلام عليكم ...
حياك الله اخوي علي 313 وابشر وعلى امرك اخوي .
ما قصر اخوي الغالي ابو ميسم وحبيت اضيف اضافة بسيطة على
كلامه الجميل .
اخوي علي تراها ماهي حديقة ...وهي منطقة مفتوحة وقريبة من قرية
وهذه القرية اقرب ما يكون لها مدينة كوالا سلانجور اللي تلقى نهر طويل
يمر بها يسمى نهر سلانجور وعلى ضفاف هالنهر وبين اشجاره تلقى
حشرات صغيرة تعطي ضوء بالليل ...يسمونها الماليزيين :
seranga yang bagi cahya
او له اسم مختصر (klip klip) ....وما تلقاها بماليزيا الا بتلك
المنطقة ...وان حركت من قلب العاصمة حياخذ معاك في حدود الساعة
وحسب الزحام ...وياليت تحرك مثل ما قال اخونابعد العصر وقبل المغرب
بشوي ...يصير تصلي المغرب في الطريق وتوصل المنطقة والدنيا ظلمت
لاجل تشوف ابداع من ابداعات الخالق وتقول سبحان الله .
بعض التكاسي والسواقين يوفرون لك هالرحلة بروحة وجية وجولة
بسمبوك ...في حدود 180-250 ريال .
اما انها تستاهل او لا ... هذا صعب اجاوبه لكن رأيي بما انك قريب
من المنطقة وكلها ساعة اجل لا تفوتها ...منها زيادة علم وان شاء الله
زيادة ايمان يوم ما نشوف ابداع الخالق سبحانه .
ان شاء الله اكون افدت ولو شوي وان شاء الله رحلة سعيدة .
وتروحوا وترجعوا بالسلامة والسلام عليكم

يعطيك العافية اخوي الشعيبي ما قصرت