meetzgreet
22-02-2022 - 03:12 am
السلام عليكم
ناوي أزور شنقهاي
وعندي جم سؤال
س1-إذا كنت في كوانزو.. فكيف أذهب لشنغهاي؟
س2- كم المده من كوانزو إلى شنقهاي؟
س3- أين تنصحوني بالسكن.؟ (أريد فندق موقعه ممتاز... بس يكون سعره معقول... مو وايد غالي)
س4- الأماكن السياحية فيها؟
وشكرا
هلا وغلا بالمتزقرت
شوف يا الحبيب مدينة شنقهاي مدينة جميلة جدا جدا وينصح مشاهدتها في الليل لانها متميزة بالاضاءة العجيبة فوق البنايات والفنادق المرتفعة ... وانت هناك راح تلقى ان سماء المدينة دائما نور والسبب ان البنايات المرتفعه فوقها في كشافات الى الغيوم الي تكون دائما على مستوى منخفض وراح تشوف شي ان شاء اله يعجبك ويسرك .بالنسبة للمدينة اهي اغلى اشوي من ناحية التسوق عن كوانزو والسبب انها محطة او نقطة بين دول شرق اسيا واليابان وكوريا يعني المدينة سنتر بين الصين واليابان وكوريا علشان جذي راح تلقى فيها السياح اكثر من كوانزو فلا تستغرب ان الاسعار اغلى اشوي من كوانزو ولكن خلك شاطر وكاسر الى ابعد الحدود وان شاء الله تحصل على مرادك .
بالنسبة لاسئلتك :
س1-إذا كنت في كوانزو.. فكيف أذهب لشنغهاي؟
بالطائرة وراح تلقى ان السعر رخيص بالنسبة للطيران الداخلي ولكن خلي في بالك ان الوزن المسموح للتكت الواحدة 20 كيلو فقط يعني شنطة واحده فقط وعشرين كيلو بس .
وللعم ماكوا تسامح عندهم ابد .
س2- كم المده من كوانزو إلى شنقهاي؟
تقريبا ساعتين وربع
س3- أين تنصحوني بالسكن.؟ (أريد فندق موقعه ممتاز... بس يكون سعره معقول... مو وايد غالي)
دور على الفندق الي يكون قريب من شارع نينجن رود ( الشارع الليلي )
وراح تلقى فندق المريديان في وسط الشارع
بس ما اذكر اسماء الفنادق الباقية الموجوده في هذا المكان
عاد عليك انك تبحث عن الفنادق القريبة منه
والسبب :
انا كنت ساكن في هوليدي ان داون تاون وكان التاكسي ياخذ وقت طويل علشان يوصلني الى الاسواق الموجوده في المكان الي فيه الشارع الليلي لان المجمعات اكثرها موجوده في ذاك المكان , اما بالنسبة للاسواق فكان قريب مني شارع ممتاز فيه اكثر من 4 مجمعات وكلها على كيف كيفك من ملابس واشياء تقليد واذا تبي عنوان المجمع الي موجود في هذا الشارع ترى عندي صورة المجمع وعليه اسمه .س4- الأماكن السياحية فيها؟
برج التلفزيون
( ادخل على موضوعي عن هذا البرج واستمتع بالصور )
سعر التذكره 135 رممبي شامل كل الاماكن في البرج
الاكواريوم
( قريب من برج التلفزيون , 5 دقايق مشي على الاقدام )
0رممبي
الرحلة البحرية
( اسأل الفندق واهم يدلونك عن العنوان لان في كل فندق راح تلقى بروشور فيه الاماكن الحلوة الموجوده عندهم )
اعتقد كانت التذكرة 110 رممبي
سوق الحرف اليدوية
( سوق كبير جدا وفيه كل شي عن صناعاتهم
شارع نينجن رود
( شارع ليلي )
شارع واي هاي رود
( شارع ليلي )
مجمع تاميز سكوير
( راح تلقى على نفس الشارع عدة مجمعات وراح تلقى مجمع اسمه وورد بلازا داخله في السرداب مطعم ايراني اكله عجيب ولذيذ حده وسعره عادي )
والسموحة على القصور
واي شي انا في الخدمة واذا بغيت تتواصل دزلي اميل على الاميل الموجود في الملف الشخصي مكان الموقع المفضل