اهلا بك اخوي فهد
تم وقف الموضوع من قبل الاداره فى الوقت الحالي
تحياتي لك ياغالي
https://artravelers.com/p/re/286169

مشكور وماقصرت أخوي ميدان بس الى متى قربت الأجازه والكل
بيسافر وأهم مافي الرحله السواق هو الزبده ومشكلتكم اذا احد
طلب رقم سواق وحبينا نخدم بعضنا في المنتدى مسحتو الرقم
وقلتو ممنوع وضع الأرقام أسألك بالله أخوي ميدان انت مقتنع من اللي يصير
ولالا ولا الأمر جاي من فوق يعني لاأنتم خادميننا في هالموضوع
ولا انتم تخلون الأعضاء يخدمون بعضهم اول مايحط الواحد رقم طلع
واحد من المشرفين وقال ممنوع طيب ليش هو حاط صوره مخله بالأدب
ولا شي يسئ لأحد لاسمح الله أخوي ميدان فيه كذا منتدى حاطين
ارقام سواقين بالهبل واي واحد يطلب رقم سواق بمنطقه معينه فزعوله
أعضاء المنتدى وعطوه التفاصيل عن السواق من ناحية السعر وسيارته
وأخلاقه وأمانته الا هنا في المنتدى ليش ياليت لو تقنعني أخوي
ميدان انا والأعضاء وش المشكله ولا تزعل علي أخوي ميدان والله من حبي للمنتدى
والأعضاء اللي فيه والمشرفين ليش ما نصير مثلهم وفيه الرسايل الخاصه مافيه
والمنتديات الأخرى فيها مع العلم ان هذا المنتدى مايقارن فيه اي منتدى آخر والدليل
شف عدد الأعضاء كم والزوار كم هذا أكبر دليل ...
والمعذره على الأطاله

اخوي فهد مرحبا.
ممكن اسال سوال واحد لو سمحت.........انت ليش تسال عن السواق خايف انك تضيع؟؟؟؟؟؟؟
ياالغالي ترى موضوع السواق ماهو قضيه كبيره ومعقده.
ياالطيب السواقيين متوفرين بكثره في جاكرتا والجبل وبالي يعني لا تلخبط نفسك ولا تشغل بالك ابد بها الامور.
من ناحية جاكرتا اسواقيين هناك متوفريب بكثر وابعد مشوار تروح لها في جاكرتا ما راح يوصل 45 الف روبيه. وعليك باالتكاسي زرقاء اللون.
من ناحية الجبل وبالي ايضا لا تقلق السواقين متوفرين .......بس اهم شي ياالغالي انك تكون فطين معاهم يعني تاخذهم على قد مشوارك وتكاسر فيهم .....وعلى فكره ترى اغلب السواقين في الجبل لما تتفق معاهم على مكان وسعر معين ياخذك من الفله وفي الطريق يمر على محطة بنزين ويقولك ادفع انت هنا خلك ذكي عطه 100 الف روبيه فقط من قيمة الاجره ولا تعطيه بقية المبلغ الا لما يرجعك من مشوارك.
ومن ناحية قرار الاداره في منع ارقام السائقين هنا فانا اتفق معاهم لانه راح يحطهم في مواقف محرجه مع الاعضاء والقراء.
تحياتي

ومن ناحية قرار الاداره في منع ارقام السائقين هنا فانا اتفق معاهم لانه راح يحطهم في مواقف محرجه مع الاعضاء والقراء
ممكن تقولي ابو فهد2008 من اي ناحيه يحطهم في مواقف محرجه يعني انا ولا غيري
راح نحط ارقام سواقين خونه ونصابين لا اكيد راح نحط ارقام سواقين مجربينهم وامينين
يعني ما عندهم ثقه فينا وبعدين كيف يابوفهد تقول ان السواق موب ذاك الأهميه
لو حاصلك الموقف اللي حصلي انا وزوجتي في ماليزيا كان ماقلت هالكلام
الله لايوريك طحت في عصابه بس ربك ستر كله بسبب السواق متفق معهم الله لايوفقه

اخوي ابو فهد بالنسبة لكلامك عن السائق والخوف من الضياع في البلد
أنت خبير والديرة عندك يمكن كانك في الرياض
بس فيه ناس كثير يسافرون ويمكن لأول مره ماعندهم خلفية والسائق هو الورقة الرابحة لنجاح الرحلة او ضياعها يعني السائق يمكن يفكك من تملق الشرطة يمكن يوصلك للمكان الي تبيه في اقل وقت وبطرق مختصرة
السائق يفترض ان يوضع رقمة وصورته بعد ومن يخل بالسلوكيات على طول يصير في القائمة السوداء وتكفي هذي في حقة كنوع من العقوبات
انا ماخفيكم ان النجاح في اختيار السائق من خطط نجاح الرحلة والكلام كثير بهذا الخصوص
ومادام الادارة حاطة قائمة للسائقين كم عددهم؟؟ اكيد قليل يعني يادوب يلحق تلاقيه يصير يمرر الزبائن لمعارفه عشان يستفيدون وهم لم يجربون
خصوصا في هذه الايام ماطن انك تلاقي سائق فاضي من الي في القائمة
اتمنى اعادة النظر والموضوعية في اغلاق موضوع السائقين

ارحب بك مره ثانيه وبكل من شارك فى الموضوع
فى موضوعي السابق طلبت ترشيح سائقين
وهدفي هوا خدمه الاعضاء وكل الزائرين لهذا الموقع ولكن اخي العزيز هناك فى الوقت
الحالي ترتيب من قبل الاداره فى هذا الخصوص ..اتمنى للجميع التوفيق

يعطيك العافية يمشرفنا ميدان وبارك الله فيك 000

سفرتنا بعد يومين
والسائق جزء لا يتجزأ من متعة الرحلة فسوف يكون رفيقا بما لا يقل عن 12 ساعه يوميا
هو المرافق وهو السائق وهو المترجم وهو المندوب السياحي و و و
وبكل شفافية وموضوعية و واقعية
ان لم يجد العضو غايته هنا في هذا الصرح العضيم فسيبحث عن البديل
دمتم لنا ذخرا