أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
حبيبيتي انا اوافق اختي اليازي عن شبردبوش وبعد عندج محل اسمه شوكت في اولد برومتون رود 170 بتلاقين عنده اشياء حلوة اما بالنسبة لاغراض البيبي عندج الماركات مثل بربري في النايتسبردج وبيبي ديور في سلون ستريت وقسم الاطفال في هارودز يجنن
اختي فيه محل في شبربوش فيه هندي يبيع قمصان حق البيت
بس لين قلتي له طلع لي السبشل بيطلع لج قمصان وايد حلو ه ما يطلعها الا حق اللي يطلبها لأنها غاليه
يعني مب مثل القمصان العاديه اللي عنده
اذا حبيتي باشرح لج وين محله
هلا حبايبي تسلمون
انا اقصد قمصان النوم القطنيه الفخمه مع الدانتيلات
حق استقبال الناس فس المستشفى بعد الولاده ان شالله
حواتي شوكت ماعرف وين بالضبط والهندي وين بعد وشكرا
اختي شوكت ما عنده الا قمصان البيت العاديه
والهندي اللي في شبربوش عنده القمصان اللي تبينها
احنا دايما ناخذ منها حق الولاده ،عنده بقطعه وعنده بقطعتين وكلهم بالدانتيلات وموديلات راقيه
بس السؤال انتي تعرفين او رحتي من قبل شبربوش عشان اشرح لج مكانه؟؟
هلا اختي عنابيه
اي رحت مره من كم اسبوع هو ممر طويل
بس وين ماكنه شفت قمصان نوم العاديه في كذا محل
لو توصفين لي اياه تسوين فيني خير واي احسن السبت والاحد اروح
ايه صح اختي هو ممر طويل تمشين فيه بيجيج مدخل على اليسار خليه وكملي بيجيج مدخل ثاني بعد على اليسار بيدخلج على محلات وسوق داخل
الهندي بيكون اول ما تدخلين الممر على اليسار
هو عباره عن طاوله وحاط اغراضه عليها
انشالله يكون الوصف واضح
اختج: العنابيه
ماعرفت اي جلابيات بالضبط تقصدين
بس فيه في شبر بوش هالسوالف
واغراض البيبي المحلات متعدده بس المحل اللي اشوفه مميز mamas & babas في شارع الريجينت