أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
بصراحة يا اخوان انا ان شاء الله جاي دبي من السعودية عن طريق البر
اتمنى تفيدوني عن الاماكن اللي يكون فيها كاميرات تصوير للسرعة وكم السرعة المحددة
من وقت ما ادخل من الحدود الى ان اصل دبي
ولكم مني خالص الحب والتقدير
الطريق من الغويفات الى المفرق خالي من الرادرات .. ولكنها تبدأ بالظهور بعد مدينة المفرق .. كل 15 كيلو رادار .. واعلى سرعة مسموحة هي 159 كيلو لغاية سيح الشعيب .. وتبدأ السرعة بالنزول الى 139 كيلو لغاية الوصول الى مدينة دبي
نصيحة : دير بالك .. والسرعة العالية سلاح ذو حدين .. وفالاخير نتمنى لك اقامة طيبة في الامارات
المفرق بعد المنفذ ب330كيلو بتحصل لوحة عن الضبعية بعدها بعشرين او ثلاثين كيلو ياتيك جسر قبالة الجسر بتحصل لوحة يمين العين هذا هو المفرق طبعا انت تستمر طوالي لايمين ولا يسار باتجاه دبي
انا من السعودية
الكميرات اللي على الخط تصور ولا ماتصور عادي ما يحاسبونك عليها ابدا الا اذا كانت سيارتك مستأجرة من الامارات .........كذلك مواقف البلدية ايضا خلهم يسجلون لين يقولون بس .
واخيرا اقول افضل شعب في العالم هم الاماراتيين من واقع تجربة .
kmn
يا أخوي يحسابونك لو بعد خمس سنين.. تلاقيهن في الترخيص لما تجدد سيارتك .. مخالفات "الخليج"
ومخالفات البلدية فيها تعميم وحجز سيارة حتى لو كانت أرقام السعودية .. تخيل ممكن سايق الدورية يشيك عليك في الكمبيوتر وانت تمشي في الشارع عادي يوقفك وياخذ السيارة الحجز .. صدقني ها الكلام متأكدة منه
أخوي السرعة لين سيح شعيب هي 159 كيلو القصوى طبعا .. على 160 يصورك الرادار .. رادارات أبوظبي تصور السيارة من الخلف .. بتشوف الرادار واضح على يسار الشارع قبل لا توصل جنبه ..
رادارات دبي نوعين فيه مثل الثلاجة وفيه رادارا كأنه لمبة كبيرة .. يصورون من الأمام .. واحذر السرعة في دبي تختلف من شارع لشارع ..
مخالفات البلدية حاول تتجنبها .. حط تذكرة الموقف على الطلبون وانزل ..
المخفي أو تعتيم السيارة مسموح في حدود 30% قانونيا .. والناس في الصيف يحطون 50 % .. وممنوع تكون السيارة مخفيها شامل يعني على الزجاج الأمامي .. وهذي مخالفتها 10 آلاف درهم وحجز السيارة ..
ودير بالك على نفسك توصل دبي بالسلامة
السلام الاخ عذوب انا صورتني الكامرا اللي على شارع زايد كذلك مخالفات البلدية وهذه لها اكثر منخمس سنوات وجدد الاستمارة وشريت سيارة جديدة ولم اجد اي مخالفات لي الا في السعودية سرعه فقط .
نصيحة : دير بالك .. والسرعة العالية سلاح ذو حدين .. وفالاخير نتمنى لك اقامة طيبة في الامارات