sunrise.1975
ليك تاهو تبعد 3 ساعات ونص عن سان فرانسيسكو من جهة شمال شرقلوس انجلوس تبعد تقريبا 6 ساعات جنوب سان فرانسيسكو
سان دييقو قريبه جدا من لوس انجلوس ساعتين جنوب لوس انجلوس
بالنسبة للمقارنة بين لوس انجلوس وسان فرانسيسكو
ما فيه مقارنة
لوس انجلوس افضل واجمل بكثير
لوس انجلوس اضخم بكثير وفيها مدن كثيرة ملاصقه لها تقدر تزورهم بمسافة ساعه بالكثير
لوس انجلوس فيها امكان سياحية كثيره مثل هوليوود وغيرها وفيها ملاهي ديزني وملاهي يونيفيرسال ستوديو وملاهي سكسفلاقز وجنبها سان دييقو فيها ملاهي سي ورلد
سان فرانسيسكو جميلة جدا لكن معالمها قليله مقارنة بلوس انجلوس

Travelon
زودتها انا معك وانت ماشاءالله ع صبرك
وطولة بالك ع كثر اسألتي
لك مني كل التحيه والاحترام

اخواني اعضاء المنتدى
اول مره اسافر لامريكا ومحتاجه مشورتكم
ناويه ع ولاية كاليفورنيا وماابي اتنقل كثير لان معاي اطفال
يعني 3 مدن تكفي وابي اروح لكتاهو لانه يهمني جدا اقيم في منطقه هادئه وطبيعيه
اتمنى مساعدتي

ليك تاهو تبعد حوالى 3 ساعات عن سان فرانسيسكو فممكن
ليك تاهو
سان فرانسيسكو
لوس انجلس
سان دييغو
التنقل بينهم بالسيارة

شكرا اخوي aziz
بثقل عليك والعشم فيك كبير كم يوم لكل مدينه ومن ضمنها لك تاهو
وهل يوجد بين المدن قطارات والطيران بينهم غالي ل 5 اشخاص
ما احب المسافات الطويله بالسياره بالذات ان سفرتي كلها حتكون 16 يوم
وهل توجد منطقه غير لك تاهو قريبه لانه اليوسمايت مخيفه بالدببه

في كاليفورنيا لازم سياره ، بدون سياره نصيحه لاتروحون
ماكو قطارات
ممكن ليك تاهو 3
سان فرانسيسكو 3
سان دييغو 4
لوس انجلس 6

حياك الله اخوي رحلتك مدتها 16 يوم ( المدة طويله وممتازه للسياحه بشكل عام - لكن ما تكفي تغطي الاربع مدن كلهم)
لو بتغطيهم كلهم بتكون مدة اقامتك في كل مدينة ما تكفي السياحة فيها
وتقسيم الاخ عزيز 2001 ممتاز اذا كانك بتمر المدن بشكل سريع
اما اذا تبي تستمتع بكل مدينة وتزور اماكنها على روقان فانصحك إما تطول المدة او تحذف بعض المدن وتقتصر الرحلة على لوس انجلوس وسان دييقو بس
وبالنسبة للسيارة
السيارة ضروريه جدا جدا في امريكا بالذات للي رايح سياحة في ولاية كاليفورنيا او ولاية فلوريدا اما مدينة نيويورك ما تحتاج سيارة
المسافات بين المدن
لوس انجلوس بالنص
تحتها سان دييقو تبعد ساعتين بالسيارة
وفوقها سان فرانسيسكو تبعد ست ساعات بالسيارة
ان شاءالله اجابتي تكون وافيه لكم
بالتوفيق لكم رحلة ممتعة