أنصحك أخوي بالحلاقين الأتراك أو التونسيين...
بالنسبه لي انا احلق في شارع حراء وبالنسبه للأفضل يختلف من واحد لآخر... وفي النهايه هذه مسأله راحه شخصيه...
تحياتي لك

والله من جد صعب تقول أفضل حلاق لانه تعتمد على الراحه النفسيه..
أولاً احرص على شراء ادوات حلاقة خاصه فيك..
وبعدين حاول دائما تشوف الحلاق الي يكون مزاجه رايق ومايلخبط ويستعجل بالشغل لما يكون المحل مزحوم..
من ناحيتي أنا احلق بالصفا في محل اسمه شي.. بشارع أم القرى قبل مطعم بلدي.. عند واحد تركي اسمه محمد رايق وشغله يعجبني..
وفيه واحد ثاني برضه بنفس المحل اسمه سنان برضه كويس وشغلهم نظيف ولا الباقين الي بالمحل يحوسونك..
جربت حلاقين كثير بشارع حراء بس ماناسبوني ماعدا واحد بس ماني متذكر اسم المحل..
يجي بعد مطعم دندن على اليمين فيه اثنين حلاقين اتراك شغلهم مو بطال.. بس كلامي مو معناته انه الحلاقين الباقين بشارع حراء مش كويسين ولكن انا اتكلم عن تجربه شخصيه..
وفيه حلاقين توانسه بشارع الاربعين بالمحطه الي قدام دوار بريمان برضه كويسين..
سبحان الله هي تعتمد على الراحه النفسيه فعلاً..

أنص الجميع ازا أحد يبغا حلاق
في حلاق تركي في شارع الكيال مره رهيب
والله ما راح تخسرو شي لو جربتوه
اسم المحل (الاختيار ) (The Choice) صدقوني ما راح تندمو
:2 4:

Leen_5
صدقوني ما راح تندمو
:2 4:
فين شارع الكيال ؟ هل تقصد سوق الكيال اللي بالخالدية ؟
يا ريت توضح أكثر أخي Leen ولك الشكر
أنصح الجميع بتوفير شنطة فيها عدة الحلاقة ، لا تستخدمو أدوات الحلاقة الخاصة بمحلات الحلاقة
ترى أغلب الأمراض الخطيرة كالإيدز والتهاب الكبد الوبائي تنقل عن طريق أدوات الحلاقة الملوثة ، إلى جانب الأمراض الجلدية وقشرة الرأس

رحال عاشق
شارع الكيال هوا الشارع الا تدخل منو من المحطه الا فيها ميد يسار
سوق الكيال غير على آخر الشارع كأنك تبغا تخرج على طريق المدينه
لوحه المحل سوداء والمحل ديكوراتو بالابيض والاسود
بالمناسبه انا بنت مو ولد
بس انا اخويه يروح لدا الحلاق عشان كده اعرفو
بس

هي تعتمد عالراحه النفسيه اول شيء
بعدين على الحلاق
يعني ممكن الحلاق يكون مناسب ليا بس مو مناسب لك
عالعموم الاخوان ماقصروا

leen_5
ألف شكر لك أختي لين ، وأعتذر لأني ظنيتك ولد
لسه كنت أفكر أروح للحلاق ، ردك جاء في وقته ، حأروح لصالون الإختيار يوم السبت بإذن الله