هلا بك اخوي بالنسبة للسؤال الاول بالنسبة للحجز أنا من ناحيتي الحجز عن طريق بوكينج اضمن وأحيان أرخص من المكاتب،اما بالنسبة للمدن اغلب الناس والمشهور بينهم عندك(الجبل بونشاك-باندونغ-بوقور) طبعاً فيه اكثر بس هذي المفضلة للاغلبية،اما الشواطئ غير ( جزيرة بالي) لا تدور واذا حبيت فيه بعد ( جزيرة لومبوك) وللوصول لها مالك الا حل واحد اللي هو بالطيران واذا حاب تقدر تسبح ههه طبعاً هذي مزحة، اما العود أنا أسف مالي خبرة عن اماكن تواجده،بس أكيد خبراء اندونيسيا ما راح يقصرون معاك،وياليت معلومات إضافية مثل وقت السفرة،عائلية او شباب،عشان خبرائنا يعطوك المختصر المفيد،( في منتدى المسافرون العرب مش حتقدر تسافر وانت تايه) تقبل مروري

الله يجزاك خير أخي الكريم على الرد طبعا حنا ثلاثة شباب وتاريخ السفر 4 يوليو لمدة 13 يوم وصراحة التذكرة غالية جدا على الخطوط السعودية طلعت حوالي 4900 على الشخص طيب كيف أحجز الى بالي وكيف التنقل بين جاكرتا وبونشاك والمدن اللي ذكرت وشكرا جزيلا

hadaf07
شيك على القطرية او الاماراتية او الاتحاد والطيران السريلانكية
السعودية ابعد عنها نهائياً لأن لو صار تأخير بيسحبون عليك ومالك اي حق تأخذه
احجز من المنطقة الي تبي تسافر منها الى جاكرتا ولك الخيار اما تجلس في جاكرتا او تروح بونشاك
وطريقة الذهاب لبونشاك من جاكرتا بالسيارة مدة ساعة تقريباً
والذهاب لبالي بالطيران من جاكرتا ولك الخيار
خطوط جارودا - خطوط اير اسيا وهي رخيصة - خطوط ليون وهي الارخص لكن مواعيدهم لك عليها والحجز من هناك
اما جارودا واير اسيا الحجز من موقعهم الرسمي
رحلة موفق ولاتحرمنا من دعواتك

ابد ماقصر معاك خبيرنا علي الشهري والإجابة لسؤالك حول التنقل بين المدن اللي ذكرتها، اولاً(جاكرتا-الجبل بونشاك-بوقور)هذي كلها حول بعض والتنقل فيها يكون بالسيارة،ثانياً بالنسبة لباندونغ وكنوع من التجربة والخروج عن المألوف لنا حنا السعوديين لا يفوتك القطار صدقني ماراح تندم وراح تبقى ذكرى جميلة ان شاء الله طبعاً تحجز من محطة القطار في جاكرتا والرحلة مدتها 3ساعات بس حتكون ممتعة لان في الطريق الكثير من المناظر الاكثر من رائعة، ان شاء الله اكون أفدتك وتقبل مروري

شكرا أخي علي على المرور طيب ما رأيك في هذا الجدول خصوصا أن مدة رحلتنا 12 يوم ( 2 يوم جاكرتا _ 3 يوم بالي - 3 يوم بونشاك - 2 يوم باندونج - 2 يوم جاكرتا ) وبالنسبة للذهاب لبالي ما نقدر نروح عن طريق البحر ؟
وبالنسبة للعود ما عندك فكرة فين يبيعونه وشكرا جزيلا

نسيت أسأل عن السكن في المناطق المذكورة لأن هناك خيارات كثيرة لكننا نبحث عن الأفضل من ناحية المكان والنظافة وزي ما ذكرت لكم أننا ثلاثة أشخاص لا حرمكم الله الأجر

هلا بك ياغالي
لا والله العود مالي خلفية وين بتحصله
جدولك ملخبط شويات ومتعب لازم تكنسل مدينة ثم نرتبلك الجدول
خيارات السكن تفضل هنا
https://artravelers.com/p/re/432214
موفق خير

اولا / الحجز عن طريق البوكنج افضل واضمن وخاصة ان الوقت صيف يعني ماتضمن وجود سكن
ثانيا / اذا تبي الشواطيء فعليك ببالي وان كنت تريد الطبيعة ( بوقور - الجبل - باندونق )
ثالثا / العود الاصلي لاتبحث عنه في اندونيسيا ثلاث سفريات ولا توفقت في العود وبائعيه جميعهم نصابين
لو انت رايح ماليزيا كان قدرت افيدك لكن اندونسيا الكثير يدعون بأن العود المعروض للبيع عندهم اصلي وفي الحقيقة انه مقلد او مرشوش
وبذات بائعين الجبل ومن يحمل جنسيات عربية احذرهم من واقع تجربة مريرة
عليك بعبد الصمد قرشي فقط في المملكة العربية السعودية فهو افضل من يبيع العود الاصلي

طيب اقترح لي جدول من عندك الله لا يهينك يا أخ علي علما ان الايام قد تمتد إلى 14 يوم وشكرا