رحلة موفقة
وباريس جدا امنه وهادية طبعا مو يعني تطلعين بالليل وبالحالك
بالنهار وفي شوارع رئيسية جدا الامر حلو ...
وغطي وجهي وماعليك من احد الشعب جدا مسالم وماعندة خرابيط
وناس كثار يكونون منقبات وفي الصيف مع الزحمة والحشرة وماهنا خلاف
السوق عندك طبعا الشانز كلة محلات تهبل وتجنن وفيها الرخيص والغالي
وجاليري لافايت حلو بعد منوع وحولينة بتحصلين محلات كثيرة واسعارها مناسبة

اهلين اختي
بالنسبه للغطا عادي يمكن تلاقين مضايقات بس مو صريحه بس عادي ماعليك من احد محد يسوي شي
لكن بالنسبه للامن عندك بالليل شوي يخوف الوضع لان انا صار لي موقف بالميترو الساعه 11 بالليل ماصدقت اني نجيت منه مع العلم ان معي اخواتي وامي لكن ماكان معنا رجال
اما بالنسبه لباقي اليوم عادي انا كنت اطلع واروح واجي لحالي مافيها اي شي بس لاتتاخرين بالليل لحالك حاولي ترجعين بدري قد ماتقدرين او يكون بالليل معك احد يعني منبعد الساعه 9 او 9 ونص لاتتاخرين
وبالنسبه للاسواق الرخيصه عندك شارع ابو كير او زي ماينطقونه الفرنسيين ابوكيغي
هو شارع فيه محلات تبيع بالجمله والمفرق مو كلها تبيعك مفرق بس اسعارها جدا معقوله وعندك سوق اللاديفانس مره حلو واسعاره حلوه جدا
اتمنى انك استفدتي وتحت امرك بالخدمه

تسلمون وماقصرتو ياقطر ورومانه والله طمنتوني..بس بسألكم سؤال اخير هل 15 يوم بباريس لحالها يكفي لاني مظطره اجلس فيها عشان عمل زوجي.؟

من وجهة نظري 15 يوم كافيه وبقوه بعد
لأنك من بعد الأسبوع بتملين

اسمحي لي انا اجاوب انا ما دام السؤال ما له خص بالاسواق .... اذا جلستي 15 يوم في باريس اتوقع من حقك تقدمين على وظيفة عمدة باريس لانك بتعرفينها شارع شارع ... الا كفاية وممكن تملين اذا كنت بس في باريس ( والله من طول الليل هالايام ) .... بس هاه ارفقي على ابو العيال بالصرف والهدايا وانتبهي من الاسعار هناك ممكن يكون عندنا ارخص ( مناصر لحقوق الرجل ) ... على العموم رحلة سعيدة وموفقة باذن الله .... تحياتي ... scott

^
^
^
لاتسمعين كلام سكوت اي شئ تبينه خلي زوجك يجيبه لك ولا تخلين بخااطرك شئ ابدا ابدا اصلا هم وش غرضهم غير انهم يدلعون حريمهم خ امزح معاكي
وشوفي ياطويلة العمر بالنسبة لغطا وجهك لاتهتمين اصلا عادي عندهم ومتعودين وان كان في مضايقات فهي غير مباشره 000ومثل ماقالو الاخوان الاعضاء ورمانه حاولي انك ماتمشين بوقت متاخر لوحدك ولا بالنهار عادي جدا انك تروحين وتجين لوحدك امان باذن الله والله يحفظكم وتروحون وترجعون بالسلامه
تحياتي اختك لاتقولين اخوي مره ثانيه